Nurlana Həşimovanın hekayəsi əsasında Ruhəngiz Hacıyevanın ssenariləşdirdiyi “Qaşıq” filmində hadisələr Azərbaycanın bir kəndində cərəyan edir. Filmin quruluşçu rejissoru Müşfiq Balayevdir.

Bu gündən dünənə uzanan keçmişin bir parçası əks olunan “Qaşıq” adlı qısametrajli bədii filmdə müharibə adlı kabusun insanları bir qaşıq ümidə həsrət qoyduğundan söz açılır.

“Neçə illər ötüb gərəsən, amma sən o qaşıq səslərini unuda bilmirsən...” - Sonda filmin qəhrəmanı Musanın dilindən səslənən bu ifadə ilə müəllif səni başlanğıca götürür. Mənə elə gəlir ki, “Qaşıq” filminin kilid nöqtəsinə açarı burada axtarmaq lazımdır.

Müharibənin üstündən əsrin 3-də biri qədər zaman keçib. Amma onun yaşatdığı vəhşət hələ də yuxularda bizi təqib edir, yaxamızı buraxmır...


Alman façizminə, rasizmə qarşı birgə savaşdığımız müharibənin çoxmillətli sövet ailələrində açdığı yaralar hələ də qapanmayıb. Lakin birgə-bərabərliyin hökm sürdüyü sovet cəmiyyətində -iki uşağın timsalında müəllif bu bərabərliyi pozur. Buna misal ilk baxışdan gözə çarpan uşaqların birinin arıq və digərinin kök olmasıdır. Və ocağında xaşıl bişən ananın “yeməyini yeməyə gəl” çağırışı ilə digər ananın buna susması həmin fikri təsdiqləyir. Müəllifin tamaşaçıya verdiyi mesaj budur.

Qaşıq. Bir evdə-həm də xaşıl olan evdə qaşığın olmaması inandırıcı deyil. Fikrimcə müəllif bilərəkdən tamaşaçının diqqətini istər-istəməz qaşığı bəhanə edib Musaya xaşıl vermək istəməyən Məsmə xalaya yönəldir..

Bəli. Müharibədə hər kəs – necə deyərlər süddən çıxan ağ qaşıq olmayıb. Aralarında Məsmə kimiləri də vardı-deyə razılaşmaq istəsən də...

Burda məntiq pozulur, məncə. Azərbaycan qadını, anasının, daha da irəli getsək, bir tikə loxmasını qonşusuyla, dostu ilə bölməyə tərəddüd etməyən bizi-mənəvi dəyərlərimizi ağır töhmət altında buraxmağa müəllifi vadar edın nədir? Nə demək istəyir?

Azərbaycanlı olaraq müharibənin kimsəsiz buraxdığı başqa millətlərin uşaqlarına sahib çıxan analarımıza qarşı - Məsmənin qoyulması hiddət doğurandır. Yenə beynini bir müəmma qurcalayır. Əcəba Məsmə bizimki deyilmi?

Filmin rejissor isə işi o dövrü əks etdirməsi baxımından uğurlu alınıb. Bizə sovet kinomotoqrafiya məktəbini xatırladır. Rüstəm İbrahimbəyov, Rasim Ocaqov məktəbinin izi görünür. Təbii ki, Gəncə məktəbinin Adil İsgəndərov, Mehdi Məmmədov, Əllədin Abbasov kimi kino karifeylərini də xatırlamaq yerinə düşəndir.

Filmin rejissoru Müşfiq Balayevin bir müddət Rusiyada fəaliyyətini də nəzərə alsaq bu professionallığı naxışlayan cizgilər aydın olur.

Azərbaycanın qərb paytaxtı Gəncə yaxınlığında bir kənd, yay fəsli , bir tərəf daşlıq, digəri saralmış susuz zəmi və tənha uşaq-remarkaya söz yox. Müharibənin yaşatdıqlarını təzadlarla əks etdirən kadrlar sanki sözü sıxışdırır, “səssiz film” təəssüratı yaradır. Personajları dilləndirmədən televiziyanın səsini qısıb filmə səssiz baxsan bir şey qaşırmazsan. Personajlar arasında keçən dialoqları təxmin edə, onların yerinə danışa bilərsən. Yəni bu qədər, amma bəsit deyil.

Olmuş həyat hekayəsi əsasında çəkilən filmdə bütöv bir tarixə baxış, bir nəslin faciəsi yaşanır. Bu əslində obyektivin kiçik pəncərəsindən geniş dünyaya açılmaq istəyinin haqqını verib- deməkdir.

Ssenari qısa mətnində müharibə leksikonu üçün xarakterik olan bütün kəlmələr bu kiçik sənədli-bədii parçada tamlığı ilə əksini tapıb. “Güllə”, “qara kağız”, “ölüm”, “aclıq”, “solğun, miskin həyat...” Bir-birinin ardınca sıralanan kadrlarda bu kabusun vəhşətləri iki uşağın, iki ailənin timsalında – rəngiz şəkildə gözümüz önündə sərgilənir. Bu tabloda yayın günəşi belə həyatın bənizini soldurub ...

Müəllif qanlı-qadalı müharibənin gətirdiyi səfalət, ölüm adlı gerçəklyin fonunda tənha xarabazar evdə uşaqlığı yeyilmiş yaşlı Musanın yaddaşından o illərin silinməməsinin səbəbini tamaşaçının ixtiyarına verir. Bu tipli sonluqlar dünya kinosu təcrübəsində var və düşündürücüdür.

Müharibənin qaşıq səsindəki əsk-sədası bizi hara götürür? Sovetlər dönəmində savaşdığın müharibədə verdiyin itkilərin əvəzində xoşbəxt, firavan həyata qovuşmamaq ümidsizliyinəmi? Yoxsa hər yerə basdırıan gülləylə bir ümidin gömülməsinəmi?

Musa niyə “gedim qaşıq gətirim” - deyil, “Mən qaşıq taparam” deyir. Çünki itirdiyin yerdə hər zaman bir tapmaq ümidi var...

Tünzalə Vəliqızı
Moskva
Rusiya diplomatlarını ABŞ-da hədələməyə başlayıblar
Rusiyanın Talibanı maliyyələşdirib Amerika əsgərlərini Əfqanıstanda öldürməyə çağıran xəbər rus diplomatik korpusu heyətinin həyatını təhlükəyə soxub.

Nyu-York Tayms qəzeti guya ki, Rusiyanın Əfqanıstan yaraqlılarını maliyyyələşdirdiyi xəbər verib. Bundan Vaşinqtondakı sonra ruisyalı diplomatlaırn ünvanına hədələr yaşmağa başlayıb.

AFAQ ŞIXLI -- ANASIZ GÜNLƏRİMİN ŞEİRLƏRİ
ANAMA

[i]Ana, neçə gündür sənsiz qalmışam...
O dünya sənlidir, bu dünya sənsiz.
Səndən olan gündən səndən olmuşam,
Bilməm səninləyəm bu gün, ya sənsiz...
AYSEL ƏHMƏDOVA - “COVİD -19”- “Qırımız Zona”dakı könüllü həkimimizBu günlərdə həkimlər haqqında nə qədər pafoslu danışsan azdır. Onların çalışdığı bugünkü şəraiti müharibə dövrünün səhra hospitallarındakı ilə eyniləşdirmək olar... Həm xilas etmək, həm də özünü qorumaq məcburiyyətindədirlər. Moskvada COVİD-19-un “Qırmızı zona”ında çalışmaq onun kimi.

V.P. Demixov adına şəhər klinik xəstəxanasının həkimi ginekoloq Aysel Əhmədova tam 2 ay- “Qırmızı zona”da xəstəxanalarda çarpayı çatışmayan vaxtda o “cəhənnəmi” anladan yerin” içində olub.
KƏNAN HƏMZƏOĞLU  KULİS.AZ saytına   ETİRAZ ETDİ
FƏTƏLİ XAN XOYSKİ ERNƏNİLƏRƏ GÖRƏ GÖRƏ KÜÇƏDƏ KÜÇƏDƏ GÜLLƏLƏNƏN BAŞ NAZİRDİR, BİZƏ GÖRƏ İSƏ ŞƏHİDDİR!

Tarixi şəxsiyyətlərimizi təqdim və təbliğ edərkən bu mövqedən yanaşmaq lazımdır...
"Zenit"in forvardı Dzyubanı "Tottenxem" almaq istəyir

"Zenit" futbol klubunun oyunçusu Artyom Dzyubanı Joze Maurinyo almaq üçün Stanislav Çerçesova zəng edib. Bu barədə Rusiya yığmasının baş məşqçisi Çerçesovun vəkili Alan Aquzarov xəbər verib.

Vəkil Alan Aquzarov Sport-Ekspress-ə müsahibəsində London "Tettenxem"inin portuqaliyalı baş məşqçisi Joze Maurinyonun Çerçesova zən etdiyini söyləyib. Söhbətin mövzusu "Zenit"in forvardı Artyom Dzyuba olub.
Suriyada Rusiya  polis patrul zirehli maşınını partlatmaq istədilər

Suriyanın şimalında Rusiya hərbi polis- patrul xidmətinə məxsus zirehli avtomobilin yolunda partlayıcı qurğu partlayıb. Ölən və yaralanan yoxdur. Çərşənbə axşamı - İyunun 9-da bu xəbər Suriya tərəfində olan Rusiya barışıq mərkəzindən verilib.
Rusiya XİN : Liviyada  "Vagner" muzdlularının olması xəbəri yalandır
ABŞ Dövlət departamentinin Liviyada özəl hərbi şirkət olan "Vagner' döyüşçülərinin olması iddiası ilə əlaqədar açıqlamaları saxta məlumatlara əsaslanır. Bunu Xarici İşlər Nazirinin müavini Mixail Boqdanov Misirin "Al Ahram" qəzetinə müsahibəsində söyləyib.


Boqdanov qeyd edib ki, bu iddialar general Xəlifə Haftarın əleyhdarlarını dəstəkləyən şübhəli mənbələrə əsaslanır. "Liviyada döyüşdüyü iddia edilən insanlar əslində ölkəmizdən kənara çıxmayıblar" -deyib.

Xatırladaq ki, iyun ayında Türkiyənin Anadolu agentliyi ÇVK "Vaqner"in Liviyada olduğu iddia edildi. Nəşr hərbi şirkətdən olan iki Rusiya vətəndaşının koronavirus xəstəliyinə tutulduğunu yazırdı. Lakin sonradan bunun doğruluğunu təsdiqləyən dəlil göstərilmədi.


YENİSES.RU
Rusiyada işə götürəndə üstünlük  öz vətəndaşlarına veriləcək

Rusiyalı işverənlərə işçi qəbul edəndə- əvvəl evin içi, elə sonra da evin içi - deyirlər. Ucuz işçi qüvvəsi sayılan miqrantlar isə istəyir getsin, istəyir qalsın...
Aktyor Mixayıl Yefremovun törətdiyi avtoqəzada  yaralanan sürücü  ölüb

Ötən gün -İyunun 8-də gecə saatlarında tanınmış aktyor Mixayıl Yefremovun törətdiyi avtomobil qəzasında xəsarət alan digər maşının sürücüsü aparıldığı xəstəxanada keçinib.

Mixayıl Yefremovun qarşı yola çıxaraq vurdu mikroavtobusun sürücüsü çoxsaylı zədə ilə Sklifosovski adına xəstəxanaya çatdırılıb. Həkimlər bütün gecəni onun həyatını xilas etməyə çalışsalar da bu mümkün olmayıb. başından və köks qəfəsindən çoxsaylı zədə alan sürücünun iç orqanlarının qanaxmasını dayandıra bilməyiblər. getdikcə orqanlarının hamısı həyati funksiyasını itirib və yaralı vəfat edib. Bu barədə Sklifosovski adına xəstəxanadan məlumat veriblər.
Xaricdən gələn bağlamaların çatdırılması gecikdirilir-səbəb?
Ruslar Federal Gömrük xidmətinin (FGX) yeni qaydalarnın poçtla göndərilən bağlamaların çatdırılama müddətinin uzadılmasına təsir etdiyindən şikayətləniblər.

Espress -çatdırma xidmətinin müştəriləri bəyan ediblər ki, xaricdən göndərilən bağlamalar əvvəlki vaxtlara nisbətən gecikməyə başlayıb. Bu haqda RBK.ru saytı sosial şəbəkə istifadəçilərinin yazdıqlarına istinadən məlumat verib.
Yeni rubrika: DÜNƏN OXUDUM
Əziz dostlar! Yəqin “dünən”in şərti olduğunu hamınız anladınız. Kitab oxumağın dəbdən düşdüyü bu qaçaqaçlı (evdə otura-otura necə qaçaqaçlı olursa o da bir ayrı məsələ) zamanda yaxın və uzaq keçmişimizdə cəmiyyətin ən vacib məsələlərini bədii dillə ifadə etmiş həmvətənlərimizin fikirlərini bir də yada salmağın faydalı olduğunu düşünərək belə qərara gəldik. Deyirlər cəmiyyət daim inkişafdadır. Etirazımız yoxdur. Fəqət ədiblərimizin yüz il bundan əvvəl dedikləri bir çox fikirlərə qulaq asanda adama elə gəlir ki, bi inkişafın qatarı hardasa bizim yanımızdan keçib, bizi də qatara mindirmək yadından çıxıb. Yeni rubrikanı dahi Üzeyir Hacıbəylinin felyetonu ilə başlamaq qərarına gəldik.

Cəfər Sadıq
TƏRS KÖŞƏ...
Coronovirus illətindən dolayı iki günlük izolyasiya və ərzaq dükanında çörək basabası sosial şəbəkələrdə və ictimaiyyətin qınaq obyektinə çevrildi. Hələ də davam etməkdədəir. Önyarqıların da ən başında bizim millətin, xalqın növbə mədəniyyətsizliyi, paylaşmaq duyğusundam məhrum tərəfləri öncəlik təşkil edir. Mən də sözün düzü ilk olaraq önyarqılarımdan sıyrıla blməmişdim ilk bu videonu izlədiyimdə. Hətta yaponlara belə həsəd aparmışdım güclü sunami zəlzələsi nəticəsində onların göstərdiyi yüksək paylaşım və mədəni davranış tərzlərinə.
O DÜNYA-HƏR KƏSİN ÖZ DÜNYASIDIR!

AFAQ ŞIXLI

O dünya - hər kəsin öz dünyasıdır!

Daha maraqlıdır o dünya mənə!
Orada atam var, anam var mənim.
Orada üzünü görə bilməyib,
Sevə bilmədiyim balam var mənim.

Orada şıx babam, vəfalı nənəm,
Nəslimdən, soyumdan neçə igid var.
Orada bu yurdu vətən eyləyən,
Minlərlə, canından keçən şəhid var.

Orada kimsəni əzməz ki, dövran,
O, gözüdönmüşlər dünyası deyil.
Mənsəbə sığınan, pula tutunan,
Diriykən ölmüşlər dünyası deyil!

Yamana – cəhənnəm, yaxşıya – cənnət,
Həqiqət, ədalət, düz dünyasıdır!
Nə qərib yox orda, nə də ki, qürbət,
O dünya - hər kəsin öz dünyasıdır!



05.06.2020
M Ü Ş F İ Q...
Bu gün Azərbaycan ədəbiyyatının ən nakam və ən çox sevilən şairi Mikayıl Müşfiqin doğum gündür.

Hüseyin Cavid demişkən: - " Müşfiq bir oddur ki, öz-özünü yandıracaq..."

Müşfiq bütün mənalarda od idi,kişilikdə,dosta əhdə vəfada,ləyaqətdə hər şeydə,hər şeydə.Onun H.Cavidə vəfası bir ləyaqət,gözəl əxlaq nümunəsidir.Aşağıdakı xatirə qanınızı donduracaq həyəcandan...

Mikayıl Müşfiq həbs olunmamışdan 2-3 ay öncə Ayna Sultanova Müşfqi öz yanına çağırıb demişdi ki,artıq biz Hüseyn Cavidi itiririk,onu həbs eliyəcəklər,sən onun əleyhinə bir iki yazı yaz səni repressiyadan qurtara bilərik.O zaman otaqda Mikayıl Müşfiq bu sözləri deyir:“ Mənim sağ əlim Cavid əleyhinə bir söz yazsa, sol əlimlə onu baltalayaram”.

Hətta Ayna Sultanova bu hadisədən sonra hönkür-hönkür ağlamışdı.

Bu hadisə Ayna Sultanovanın öz xatirələrində var.

Birdə M.Müşfiqin " Tərtərhes nəğmələri"ndən aşağıdakı misraları paylaşıram:

Bu nə yoldur, daşnaq yolu…
Hər dərəsi qanla dolu,
Nə acıdır bunun adı.
O dənizdən bu dənizə
Deyib çıxdı sinəmizə,
Bir tapdadı, bir doğradı.
Orda dəhşət , burda vəhşət,
Əlində baş, dişində ət,
Tanırsınız o cəlladı.
Nə bağ qaldı, nə də bağban…
Qurşun, ölüm, atəş, duman
Yaxamızı parçaladı.
Bilən bilir, bu zülmətə,
Bu uğursuz fəlakətə
Kim əl çaldı, kim ağladı…


MÜHÜM QEYD.Bu əsərdə ilkin variant " Tanırsınız o cəlladı" olub.Müşfiq burada yüzlərə türkün qanını axıdan erməni qatil Andronik Ozanyanı nəzərdə tutaraq yazıb.Amma Sovet senzurası "cəlladı" sözünü " müsavat"la dəyişdirib ki bu da misraların ruhuna uyğun gəlmir.Çünki dərindən diqqət yetirsəniz görərsiniz ki misralarda şəxsdən,ermənilərin "dənizlərdən dənizlərə" utopiyasından bəhs olunur," Müsavat" partiyasından deyi.
Mərhum gözəl şairimiz Rəfiq Zəka Xəndan da bunun belə olduğunu xatirələrində də vurğulayıb.
Nur içində yat Mikayıl Müşfiq!

Məhəmməd İsrafiloğlu
05.06.2020
Фильм бакинца Исмаила Меликова признан победителем в одной из номинаций в США
Решением жюри 3-го Международного Юго-Восточного регионального кинофестиваля (Southeast Regional Film Festival, Джексонвилль, Флорида, США) короткометражный фильм "UP" ("Свыше", оригинальное название дается на английском языке) бакинца Исмаила Меликова признан сегодня победителем в номинации "Лучший экспериментальный фильм и виртуальная реальность". Исмаил является режиссером, продюсером фильма, а также художником по спецэффектам.
MEYDAN TÜLKÜ MEYDANIDI...
İslam Türkay

Meydan tülkü meydanıdı...


[i]Zəmanə bəd gəldi ,lələ,
Meydan tülkü meydanıdı.
Ömrüm yanıb döndü külə,
Meydan tülkü meydanıdı...

Unuda bilmədiyim dost

Moskvada 40 ildən çox yaşadığımdan, burada çoxlu dostlarım, tanışlarım olub. Uzun illərdir dostluq etdiyim, oturub-durduğum, keçirdiyimiz müxtəlif tədbirlərdə fikrlərimi bölüşdüyüm adamlar da az deyil. O adamlardan biri də Vladislav İvanoviç Şvetsov idi. Biz Moskvada Aeroport metrosunun yaxınlığında Usiyeviç küçəsi ev 12/14 yerləşən “Bakı” kinoteatrında keçirilən növbəti tədbirlərimizin birində görüşüb tanış olmuşduq. O tədbirdə ikimizin də çıxış etməyimiz bizi tanış etdi və dostluğumuzun təməlini qoydu. O vaxt “Bakı” kinoteatrı bağlanmamışdır və bir sıra tədbirlərimizi orada keçirirdik.

Vladislav İvanoviç Şvetsov Azərbaycanda anadan olmuşdur. Yeniyetmə çağlarından idmanla məşqul olmuş, ucaboylu, cüssəli bir adamdı. Uzun illər Bakıda hüquq - mühafizə orqanlarında çalışımış, daxili işlər nazirinin müavini olmuşdu. İşinə, peşəsinə sədaqətli insan idi. O vaxtlar Azərbaycan Kommunist Partiyası Mərkəzi Komitəsinin üzvü seçilmişdir.

Hər yerdə özünün Heydər Əliyevin kadrı olduğunu vurğulayardı. Həmişə işə götürüldüyü günü maraqla xatırlayardı: “Məni Daxili İşlər nazirinin müavini vəzifəsinə Heydər Əliyev özü götürmüşdü. Məni yanına çağırtdırıb sorğu - suala başladı: –Sən Azərbaycanda doğulmusan, de görüm azərbaycanca bilirsənmi? Mən azərbaycan dilində dedim ki, Heydər Əliyeviç, belə də, babat bilirəm. Heydər Əliyev gülümsəyib dedi ki, əgər sən babat sözünü bilirsənsə, səni işə qəbil elədik.

Azərbaycandan gedəndən sonra SSRİ Daxili İşlər Nazirliyinin Ural, Sibir və Uzaq Şərq bölgələri üzrə kuratoru vəzifəsində çalışıb. Rusiya vəkillər kollegiyasının üzvü idi.

Bir neçə gün bundan əvvəl Ramiz Abutalıbovla Vladislav İvanoviçi xatırladıq. Xatirəsini etiramla yad etdik, rəhmət dilədik. Ramiz müəllim Vladislav İvanoviçi çoxdan tanıdığını, hətta onun böyük qardaşı Stanislav İvanoviçlə bir sinifdə oxuduğunu dedi. Bakıda 29 - saylı orta məktəbin 4-cü sinifdə oxuduqları vaxt çəkdirdikləri bir şəkli mənə göndərdi.
Unuda bilmədiyim dost
Vladislav İvanoviç Şvetsov həmişə doğulduğu Azərbaycandan, orada işləməsindən, dostluq etdiyi insanlardan böyük məhəbbətlə, canlı, maraqlı xatirələr danışardı. Qarabağın işğalıyla barışmırdı. Son dövrlərdə günahsız insanların haqsız yerə yurd-yuvalarından didərgin düşməsindən, onların üzləşdiyi problemlərdən söz salar, haqsızlıqlara məruz qaldıqlarını ürək yanğısıyla bildirərdi. Məndən yaşca böyük olmasına baxmayaraq bizim aramızda yaxın dostluq münasibəti yaranmışdır. Müntəzəm olaraq bir-birimizə zəng edib hal-əhval tuturduq, bir balaca başım qarışıq olsaydı, gec zəng eləsəydim, özü mənə telefon açardı.

Moskvada vaxt tapıb görüşür, söhbət edir, siyasətdən, poeziyadan, təhsildən, bizi narahat edən problemlərdən söz açardıq. Onun keçirəcəyimiz tədbirlərlə bağlı təklifləri o qədər maraqlı idi ki, onu dinləyərkən böyük zövq alırdıq. Şvetsovu yaxından tanıyan başqa azərbaycanlılar da bizə yol göstərən, bizə doğru məsləhət verən belə bir insanın dostluğundan qürur hissi keçirirdilər. Vladislav İvanoviçin sözübütövlüyü, möhkəm iradəsi, prinsipiallığı hamımıza bəlli idi. Onun geniş dünyagörüşü məni valeh edirdi. Onun da mənimlə ünsiyyət saxlamaqdan, həmsöhbət olmaqdan xoşlandığını hiss etdiyimdən bundan qürurlanırdım. Bizim diasporayla bağlı planlarımız var idi. Moskvada planlarımızı, görəcək işlərimizi müzakirə edirdik, təəssüf ki, bizim o planlarımız həyata keçmədi.Vladislav İvanoviçin qəflətən və vaxtsız ölümü hər şeyə nöqtə qoydu. Onunla bağlı yaddaşımda bir çox işıqlı xatirələr qalıb. Taleyimə minnətdaram ki, o, mənə həyatda belə bir dost bəxş etdi.

Dostluğumuzun möhkəmliyinin bir səbəbi də var idi. Vladislav İvanoviç mənim Kəlbəcərdən olduğumu biləndən sonra aramızda dostluğumuz daha da möhkəmlənmişdir. Və elə ilk tanışlığımızda mənə bildirdi ki, məni Kəlbəcərdən tanıyır. Bir hadisəni mənə danışdı. Sonra 2014-cü ildə may ayının 17 – də Moskvada Mərkəzi Ədiblər evinin böyük zalında mənim 60 –illik yubileyimdə öz çıxışnda bunu bir daha xatırlatdı. Vladislav İvanoviçin həmin çıxışı haqda gözəl qələm sahibi olan jurnalistimiz Tünzalə Vəliqızı geniş bir yazı yazıb “Yenisəs.ru” saytında yerləşdirmişdir.
Unuda bilmədiyim dost
Vladislav İvanoviç danışırdı ki, 1982 - ci ildə Kəlbəcərdə bir cinayət hadisəsi baş vermişdir. O işi araşdırmaq üçün məni Mərkəzi Komitənin tapşırığıla Kəlbəcərə göndərdilər. Mənə xüsusi vertolyot da ayırmışdılar. Pilot vertolyotu şəhərə endirə bilmədi. Kəlbəcərdən bir az aralı bir düzdə yerə endik. Mənim rayona gəlməyimi artıq rayon rəhbərliyi bilirdi. Bir az keşmişdir ki, Qaz-69 "Vilis" markalı maşınla rayondan dalımca gəldilər. Mən işi araşdırırdım və rayon rəhbərliyinin məni ələ alacaqlarından ehtiyat edirdim. Hətta onların yeməyə dəvətlərinə də etiraz eləmişdim. Orada mənə dedilər ki, Kəlbəcər şəhərində Kəlbəcər tarix diyarşünaslıq muzeyi açılıb. Məni maraq götürdü, muzeyə baxmq üçün oraya getdim. Muzeyin direktoru məni çox həvəslə qarşıladı. Sonradan bildim ki, o Kəlbəcərin ən tanınmış simalarından olan Şamil Əsgərovdur. “Nəsib, Şamil müəllim mənə sənin muzeydə şəklini göstərdi, bizim də Moskvada bir şairimiz var”,- dedi. Bu ad o vaxtdan yadımda qalıb. İndi sevinirəm ki, o vaxt adını Kəlbəcərdə eşitdiyim həmin o kəlbəcərli şairin Moskvada yubileyində şıxış etmək mənə qismət olub.

Vladislav İvanoviç adətən çıxışlarını azərbaycan dilində böyük şairimiz S. Vurğunun “Azərbaycan” şeiriylə bitirərdi. İnsanlara Allahın verdiyi ən yüksək keyfiyyətlərdən biri əsl ziyalılıq və müdriklikdir. Bunları qazanan insanların üzündən-gözündən ətrafına işıq yağar. Və belə adamları nurlu adam deyib çağırarlar. Vladislav İvanoviç Şvetsov da mənim yaxından tanıdığım nurlu insanlardan idi.

Vladilav İvanoviç tez-tez mənə xatırladırdı ki, Nəsib, ikimizində həyatımızda bir oxşarlıq var: - Mən Azərbaycanda doğulmuşam, ömrümün çoxunu orada yaşamış rusam. Sən isə Azərbaycanda doğulub, ömrünün çoxunu Rusiyada yaşayan azərbaycanlısan. İkimizdə Rusiyada yaşasaq da nədənsə Azərbaycanı daha çox sevirik.

2011-ci ilin iyulun 5-də Dünya azərbaycanlılarının III qurultayında iştirak etmək üçün Moskvadan Bakıya gələn nümayəndələrdən arasında Vladislav İvanoviç də vardı. İkimizdə “Park-İnn” otelində qalırdıq. Demək olar ki, hər gün bir yerdəydik və tədbirlərdə bərabər iştirak edirdik.

Qurultay günlərində Vladislav İvanoviç o vaxt Bakıda əldə edilmiş nailiyyətlərə sevinir, dünya azərbaycanlıları arasında həmrəyliyin güclənməsini ürəkdən alqışlayırdı. Onun tədbirlərdə ki, çıxışları Rusiyada yaşayan soydaşlarımızı daha da ruhlandırırdı, hər görüşümüzdə Azərbaycanımızın milli maraqları ətrafında sıx birləşməyimizi bizə tövsiyyə edirdi. Ömrünün son illərini Azərbaycanda yaşamağı arzulayırdı.

Allah Vladislav İvanoviçə rəhmət elə¬sin! Qəbri nurla dolsun!


Nəsib Nəbioğlu
Moskva, 29 may, 2020



Qorxulu avtoqəzadan sonra Çeçenistanda spirtli içkilər satılıan mağazalar qapadıldı
Respublikda içərisində 2 uşaq olmaqla 7 nəfərin ölümü ilə nəticələnən yol qəza hadisəsindən sonra spirtli içki satılan ticarət nöqtələri bağlanılıb. Bu haqda Yol nəqliyyat hadisəsi operativ profilaktika qərargahının rəhbəri, Çeçenistan parlamentinin sədri Maqomed Daudov respublika lideri Ramzan Kadırovun region yollarında ölüm və zədələnmə məsələləri ilə bağlı keçirdiyi yığıncaqda bəyan edib.
Lebedevin nəvəsi Diana iə birgə  Isveçrədə  avtoqəzada ölən azərbaycanlı biznesmenin oğlu imiş
Platon Lebedevin nəvəsi Diana ilə birgə qəzada həyatını itirən Azər Yaqubov! Çox üzücüdür. Allah rəhmət eləsin! Onu qarşıda böyük gələcək gözləyirdi.

İsveçrədə avtoqəzada Platon Lebedevin nəvəsi ilə bərabər azərbaycanlı biznesmenin oğlu Azər Yaqubov da həlak olub. Bəzi məlumatlara görə onları bir-birinə dostluq münasibəti bağlayırmış.


Əvvəldən xəbər verildiyi kimi Azər Yaqubov RF hökümətində çalışan Şixlinskinin qohumu deyilmiş. Azərbaycan KİV-nin məlumatına görə Azər Yaqubov "Azərbaycan hava yolları" QSC-nin Moskvadakı federal nümayəndəliyinin sabiq rəhbəri Mahir Yaqubovun oğludur.
Federal Mühafizə Xidmətinin generalı saxlanıldı
Daxili yoxlama zamanı Federal mühafizə xidmətinin (FMX) generalı Gennadi Lopırev saxlanılıb. Bu haqda "İnterfaks" agentliyinə FMX-nin mətbuat və ictimaiyyətlə əlaqə mərkəzindən məlumat verilib.
Moskvada  məhkumlara təzyiqə etiraz olaraq piket keçirilibCəzanın yerinə yetirilməsi federal xidməti (FSİN) binasının qarşısında 7 saylı koloniyada məhkumlara təcavüz olunması qarşı etiraz piketi keçirildiyi haqqında jurnalist Filipp Kireev Twitter-də məlumat verib.

O, qeyd edib ki, aksiya iştirakçıları təcavuz haqqında informasiyanı araşdırmaq tələbi ilə idarə rəhbərinin adına ərizə yazıb və "FSİN rəhbərliyi ilə görüşməyə cəhd ediblər. Onun sözlərinə görə FSİN rəhbəri ərizəni qəbul etməyə razılıq verib.

Xatırladaq ki, "dəfərlərlə istimai yerdə toplantı keçirmək qaydalarını pozmaqda" ihhitam olunan vətəndaş fəali İldar Dadin öz məktubunda kolonya əməkdaşlaırının məhkumları döydüyünü bildirib və bu geniş ictimai rezonansa səbəb olub. Məktub haqqında prezident Vladimir Putinə məlumat veriləcək. İnsan haqları müdafiəçisi Tatyana Moskalkova vəziyyəti şəxsi nəzarətinə götürüb. İnsan haqları şurası da məktuba reaksiya verib. Rusiya İstintaq Komitəsidən bildiriblər ki, məhkumlara təzyiq olunması ilə bağlı xəbəri yoxlayacaqlar.

Yenises.ru
Korrupsiyada günahlandırılan Vladivostok meri Lefortovaya yerləşdiriləcək
Bütün "sabiqlərin" yolu Lefortovadan keçir... Puşkarev də Lefortovaya yerləşdiriləcək... Vladivostok meri bu gün səhər Moskvaya gətirilib.

Səs-küylü korrupsiya işinin fiquru olan Vladivostok meri İlqor Puşkarev və bələdiyyəyə aid müəssisənin başçısı Andrey Luşnikov saxlandıqdan sonra Moskvaya gətirilib və oradan da FSB-nin Lefortovo istintaq təcridxanasına yerləşdiriləcəklər. Bu haqda RİA Novostiyə istintaqa yaxın olan mənbə məlumat verib.
Moskvada tirdə intihar
Moskva tirində intihar edən "Alba Alyans" bankın başçısı olub.

KİV Moskva tirlərinin birində baş verən intihar hadisəsinin təfərrüatını aydınlaşdırıb. Ölən 46 yaşlı "Alba Alyans" bankın başçısı olduğu deyilir.

"REN TV"-nin məlumatına görə biznesmen əvvəlcə gülləni hədəfə atıb, sonra isə öüzünü öldürüb. Ölənin adı açıqlanmır. Əlavə məlumata görə özünü öldürən şəxsin bizneslə bağlı ciddi problemi olub.

Bundan əvvəl xəbər verilmişdi ki, inisdentlə bağlı RF İstintak komitəsinin müstəntiqləri yoxlamaya başlayiblar. Faciə Poklonnaya küçəsindəki tirdə instruktorla birgə məşğələ zamanı baş verib.


/Yenises.ru/
Nadejda Savçenko məhkəmə hökmünü Ukraynanın himni ilə qarşılayıb
Nadejda Savçenkoya hökm oxunandan sonra zalda qalmaqal yaranıb. Məhkəmə iclasında iştirak edən Petr Poroşenkonun mətbuat katibi Svyatoslav Seqolko Ukrayna bayrağı açmağa cəhd edib.

Ukrayna prezidentinin mətbuta xidmətinin katibi Svyatoslab Seqolko hərbiçi Badejda Sacçenkoya işi ilə baglı hökm elan edildikdən sonra Ukrayna bayrağını açmağa cəhd etdiyi haqda məhkəmə salonundan "İnterfaks" agentliyinin müxbiri məlumat verib.
Moskvada borclu evinə gələn icraçını  güllələdi
Sahilyanı Frunze küçəsindəki evlərdən birinin mənzilində yaşayan borclu evinə gələn icraçını güllələyib. Hadisə fevralın 4-də axşam saatlarında törədilib. Bu haqda RİA Novosti-yə İstintaq komitəsinin baş istintaq idarəsi rəhbərinin baş köməkçisi Yuliya İvanova məlumat verib. Onun sözlərinə görə borclu məhkəmə içraçısı tərəfindən əmlakının siyahıya alınması zamanı şikayətçinin təmsilçisinə odlu silahdan atəş açıb.
İstanbulda terror törədən suriyalıdır
Bu gün səhər İstanbulun tarixi Sultanəhməd meydanında partlayış baş verib. Partlayış nəticəsində 10 nəfərin oldüyü, 15 nəfərin isə yaralandığı bildirilir.
Moskvada  yüksəkliyə Ukrayna bayrağı sancıldı
Moskvada yüksəkliyə Ukrayna bayrağı asan 3 nəfər saxlanılıb. Onlar Tanaqka polis idarəsinə aparılıblar.

Moskvada Kotelniki bulvarındakı yüksəklik ərtafında olan tikinti nərdivanı quğusuna çıxaraq yüksəkliyə Ukrayna bayrağı sancan 3 nəfər saxlanılıb. Verilən məlumata görə "bayraq" aksiyasında 5 nəfər iştirak etsə də, polislərə onlardan 3-nü tutmaq müyəssər olub. Taqanka daxili işlər idarəsinə gətirilən 3 nəfər ilə söhbət aparılır.
Moskvada  lombarda BTR  qoyulub
Moskvada polislər Nikolskaya küçəsində yerləşən avtolombardın dayanacağında zirehli maşın aşkar ediblər. Bu haqda jurnalistlərə Moskva polis idarəsi başçısı Andrey Qaliakberovin mətbuat xidmətindən məlumat veriblər.


Balaşixada qadın davası 3 kişinin güllələnməsinə səbəb oldu
Qadınların davasını kişilərin atdığı güllələr çözdü.

Bu gecə Moskva ətrafında yerləşən Balaşixada kafelərin birində dava 3 nəfərin yaralanması ilə nəticələnib. Baş verən davada 3 kişi güllə yarası alıb. Verilən məlumata görə dava iki qadın arasında başlayan mübahsədən sonra bu həddə çatıb.

Moskvada özbək kafesinə basqın ediblər
Noyabrın 15-də axşam saatlarında Moskvanın Aviasiya küçəsində yerləşən "Ya Samarkand" (Mən Səmərqənd) adlı özbək kafesinə basqın olub. Beysbol ağacı ilə "silahlanmış" 19 nəfər sağlam və güclü adamlardan ibarət dəstə kafeyə daxil olaraq qab-qacaqları, stol, stulları qırıb və bütün müştəriləri, işçiləri qorxudublar.
Reuters: Airbus 321 təyyarə qəzasını  İŞİD öz üzərinə götürüb
"İslam dövləti" Aamaq informasiya agentliyi vasitəsilə Airbus 321 təyyarəsinin qəzasına cavabdehliyi öz üzərinə götürüb. Bu xəbəri Reuters agentliyi də öz saytında yerləşdirib.

Lakin bu informasiya rəsmi təsdiqini tapmayıb. O da məlumdur ki, İŞİD yaraqlılarının o yüksəklikdə uçan təyyarəni vura biləcək silahları yoxdur.
Moksvada  Rusiyanın Suriyada  hərbi  iştirakına qarşı mitinq keçirildiBu gün Suriya müharibəsində Rusiyanın iştirakı əlehinə olanlar etiraz aksiyası keçiriblər. Suvorov meydanı parkında Həmrətlik hərəkatının təşkil etdiyi mitinqdə 300 nəfər iştirak edib. Onlar "Biz Dəməşqdə Əsəd hökümətini saxlamaqdan ötrü soydaşlarımızın və Rus hərbiçilərinin ölməsini istəmirik" şüarı ilə çıxıblar. Polislər güclü tədbirlər görüb, parkın bütün ərtafı hasarlanıb. Metal dedektorlarla şəpərlənmiş parka gecikənləri buraxmayıblar.
Putin-63    "Ad günü"nü  adi gün kimi qarşılayan prezident
Dünya siyasətinin durumu "buz kimi soyuq" və "sürüşkən" müstəviyə daşındığı bir vaxtda Putinin "Dogum günü"nü xokkey meydançasında oyuna çıxaraq qeyd edəcəyi xəbəri Ceyms Olduricin "Diplomat" əsərindəki bu sözləri təsdiqlədir. "Ruslar hətta zarafat edəndə belə siyasəti unutmurlar"...

Vladimir Putin 63 yaşıını Soçidəki Olimpiada parkında Gecə Xokkey Liqasımda xokkey oynayaraq keçirəcək. Prezidentin mətbuat katibi Dmitri Peskov şefinin Ad günü ilə bağlı qrafikini açıqlamasa da, onun həmin gün istirahət götürməyəcəyini kəskinliklə qeyd edib. "İzvestiya" qəzetinə təşkilat komitəsindən daxil olan xəbərə görə isə Rusiya dölət başçısı oktyabrın7-də-bu gün axşam Gecə Xokkey Liqasında tanınmış isimlərin də iştirakı ilə xokkey oynayacaq. Gecə Xokkey Liqasının mətbuat katibi Dmitri Nesterov oyunda Vladimir Maşkın (qapıçı) Vyaçeslav Fetisov, Aleksey Kasatonov, Yuri Lapkin, İrek Gimayev, Pavel Bure, Aleksandr və Vladimir Qolikov qardaşları, Aleksandr Qolikov, Aleksandr Kojevnikov, Viktor Şalimov, Sergey Makarov, Andrey Kovalenko, ALeksandr Moqilniyin iştirak edəcəklərini deyib.
Moskvada Kursk vağzalına bomba qoyulması  xəbəri yalan çıxdı
Polislər Moskvanın Kurs vağzalını yoxlaıdlar, bomba aşkar edilmədi.

Kursk vağzalında bomba qoyulması xəbərindən sonra bina və ona yaxın bütün yerlər yoxlanılıb, lakin hər hansı bir partlayıcı qurgu aşkar olunmayıb. Saat 22:37-də partlayış təhlükəsi xəbəri götürülüb və vağzal işləməyə davam edir.
Yunanıstan sahillərində yenə miqrantlarla dolu qayıq suda batdı
Yunanıstanın Farmakonisi adası sahilində yenə miqrantlarla dolu qayıq çevrilib. Reuters agentlyinin verdiyi məlumata görə taxta gəmidə adanı tərk edən 130-a yaxın miqrant olub. Onlardan 28-i ölüb. 68 sərnişini isə xilas etmək mümkün olub. Təxminən 30 nəfərə yaxın adam isə özü sahilə çıxıb. Miqrantlaırn hansı ölkədən gəldiyi hələ dəqiqləşdirilməyib.
-.
.
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Ən çox oxunanlar
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru