К МАТЕРЯМ ВСЕГО МИРА!
ОБРАЩЕНИЕ

В связи с последними событиями в мирном городе Гянджа, и других, не входящих в зону боевых действий населенных пунктах Республики Азербайджан, мы – азербайджанские женщины, призываем матерей всего мира поднять свой голос в защиту прав мирного населения и детей, подвергшихся агрессии со стороны вооруженных сил республики Армения!
Президенту России В. В. Путину!
Многоуважаемый Владимир Владимирович! Мне 61 год. Педагог, доктор филологических наук. Больше 40 лет своей жизни посвятил изучению и пропаганде русского языка, русской литературы и культуры, и сейчас продолжаю это дело. Вы прекрасно знаете, каково в принципе отношение и сегодня в Азербайджане к русским и к другим национальностям. Мы никогда их не считали чужими, это наши полноправные братья и сёстры. Мультикультурализм и толерантность - это характерные компоненты азербайджанской политики. Азербайджан никогда не хотел и сейчас не хочет войны, однако 30-летнее сохранение наших земель под аккупацией Арменией, невыносимая жизнь больше одного миллиона беженцев из тех территорий, равнодушное отношение к этому международных организаций, непризнание принятых ООН резолюций по этому вопросу Арменией, последние провокации Армении не в Карабахе, а в приграничных с ней районах, смерть множества военных и мирных людей переполнили чашу терпения Азербайджана и заставили его встать на защиту своей Родины, начать контрнаступление и освободить свои земли от агрессоров.

В ответ на это сегодня вместо того чтобы сражаться по-мужски на поле боя с нашими военными, вооруженные силы Армении подвергают ракетному обстрелу города и деревни Азербайджана, погибают мирные люди, невинные дети, женщины, старики, сотни раненых. Зачем всё это, за что умирают люди? Владимир Владимирович, вы прекрасно знаете, на чьей стороне справедливость,истина! Вы можете остановить эту войну, вы хорошо знаете, что руководство Армении Вас, Россию хочет привлечь к этой войне. Тогда начнётся, чёрт знает что. Пусть Армения выполнит резолюции ООН! Пусть срочно выйдут из нашего Карабаха! Ведь и без того мы дали им очень много из своих земель. Пусть живут там на здоровье!. Им не жалко своего народа, ведь их и так мало, а понесли уже много тысяч жертв. Владимир Владимирович, пожалуйста, скажите им, чтобы они бросили оружие и вернулись к нормальной человеческой жизни. Всё зависит от вас.

С уважением: Валех Насибов.
Ermənistan ordusu Gəncə şəhərini raket atəşinə tutdu-FOTOLAR

Ermənilər "rica etdikləri" atəşkəsi Gəncəyə raket atmaqla pozdular. Ölən və yaralananlar var. Xəsarət alanlar arasında körpələrin də olduğu kadrlarda görünür. Xəbəri gecə boyunca canlı olaraq Türkiyənin Tv 100 telekanalı yayımlayıb.

Oktyabrın 9-10 tarixində Moskvada keçirilən 12 saatlıq üçtərəfli danışıqların nəticələrinə görə insani atəşkəsə qərar verildiyi bildirilmişdi. Lakin Ermənistan saat 12::00-da başlanan atəşkəs rejiminə riayət etmək bir yana, oktyabrın 11-də təxminən gecə saat 02:00 radələrində Azərbaycanın ikinci böyük şəhəri olan Gəncəyə atılan raket lə bu anlaşmanı pozdu.
Xəttin o başında Azərbaycan var"- Azərbaycan jurnalistlərindən dünyaya-Eksklüziv
Sentyabrın 27-də Qarabağda başlana oyanış, toprpaqlarımızın işğaldan azad olunmasına start verildi. Və artıq o gündən bu günə neçə-neçə qələbə xəbərlərinə imza atıldı. Yenises.ru (baş redaktoru Tünzalə Vəliqızı) Mbalaye media Groupla (rəhbəri Müşfiq Balayev) birgə bu tarixi sınaq dövründə ordumuzla birgə çiyin-çiyinə informasiya cəbhəsində vuruşan jurnalsitlər olaraq həmrəyliyimizi bir daha göstərmək istədik.
Belə bir layihəyə imza atdıq!

Yenises.ru və Mbalayev Media Groupun ortaq işi- “Xəttin o başında Azərbaycan var!-deyərək
Ali baş komandanımızın yanındayıq!

Qarabağ Bizimdir! Qarabağ Azərbaycandır!

Bizim üçün hər zaman XƏTTİN O BAŞINDA AZƏRBAYCAN VAR!

Tünzalə Vəliqızı
04.10.2020
Millil Məclisin  sabiq deputatı Aydın  Abbasov  Orduya Yardım Fonduna vəsait köçürtdü-Eksklüziv
Aydın Abbasov Azərbaycan prezidenti İlham Əliyevin !Silahlı Qüvvələrin Yardım Fonduna dəstək” çağırışına qoşulub. Cənab prezidentin dolayısı “kimin hansı tərəfdə olduğunu göstərmək vaxtıdır” –deyə “dostun düşmənin ayırd edildiyi məqamda” o, da tərəfini bəlli edib. Aydın Abbasov xalqının, dövlətnin və onun prezidentinin yanında olduğunu Silahlı Qüvvələrin yardım Fonduna şəxsi vəsaitindən 10 min manat ayırmaqla göstərib.

Qeyd edək ki, Azərbaycan prezidenti İlham Əliyev sentyabrın 27-dən başlanan hərbi əməliyyatlarla bağlı sərt və qəti duruş ortaya qoyaraq, qələbəyə qədər getmək fikrini dəfələrlə səsləndirib. Eyni zamanda Ali baş komandanımız “İndi əsl həqiqət zamandır? Bəs sən kimin tərəfindəsən? Həqiqətin, yoxsa yalanın? Dostun, yoxsa düşmənin? Mən, mənim xalqım və bizim hamımız üçün həqiqət məqamıdır”- çağırışıyla bütün dünyadakı soydaşlarımıza səslənmişdi.

Bizə daxil olan məlumata görə Silahlı Qüvvələrin Yardım Fonduna vəsait göndərənlər arasında sabiq millət vəkili Aydın Abbasov da var.

Xəbəri dəqiqləşdirmək məqsdəiylə Aydın Abbasova müraciət etdiyimizdə o, bunu belə cavablandırdı:

“Harada yaşamasından, fəaliyyətindən və maddi durumundan asılı olmayaraq, prezidentimizin “Bu gün kimin dost, kimin düşmən olduğunun, həqiqətin, yoxsa yalanın- hansının tərəfində durduğunun müəyyən edilməsi vaxtıdır” ismarıcına azərbaycanlı olan kimsə biganə qala bilməz, qalmamalıdır! Torpaqlarımızın düşmən işğalından azad edilməsi, qələbəni yaxınlaşdırmaq yolunda hər birimiz bütün vasitələrlə dövlətimizin yanında olmalıyıq. Susmaq və ya neytral mövqe tutmaq zamanı deyil!”

Aydın Abbasov əslində-“Vətənə kömək isə müxtəlif formalarda - bizi qələbəyə aparan yolda fədakarlıqla döyüşən Silahlı Qüvvələrimizin Yardım fonduna pul vəsaiti köçürməklə də etmək olar”-deyə yardımının gizli qalmasını istədiyini də bildirdi.

“Bir yandan da düşünürəm ki, bu səpkili xəbərlər başqalarını da adekvat addım atmağa ruhlandırar. Biz milyonlarla insanıq və hesab edirəm ki, dəyərindın asılı olmayaraq (bu az da, çox da ola bilər-A.Abbasov) hər birimizin etdiyi yardım ordumuza əlavə dəstəkdir. Və biz hamımız ordumuzun Qələbə çalacağına inanırıq!”

Sonunda Aydın Abbasov onu da əlavə etdi ki, bir qardaşım iyul hadisələrindən sonra könüllü olaraq orduda xidmət etmək üçün müraciət edib. “Digər iki qardaşlarımla birgə Qarabağ uğrunda savaşlarda Milli Ordumuzun sıralarında vuruşmağa biz də hazırıq!”

Tünüzalə Vəliqızı, Moskva
02.10.2020


Daxıldakı  Qəpiklər
Özünün yox, əməlinin şəklini qoydum bu yazıya. Və bir də DAXILDAKI qəpiklərdən daha dəyərli DAXİLİNDƏ topladığını. Uşaqları müdrikləşdirən məqamın tablosu qarşınızda.

Açmasını açacaq əməlin adına nə deyirsiz, Siz deyin. Mən bunları yaza bildim.
Yaxın dəqiqələrdə İlham Əliyevin xalqa müraciəti gözlənilir
Bu günün səhəri işğal olunmuş Daqlıq Qarabağ istiqamətində bütün cəbhəboyu erməniərin hücum etməsi və Azərbaycan ordusunun buna cavab olaraq genişmiqyası hərbi əməliyyatlara başlaması xəbəri ilə açıldı. Cəbhədən qaynar xəbərlər gəlməkdə davam edir.

Azərbaycan Respublikası prezidenti, Ali Baş Komandan İlham Əliyev yaxın dəqiqələrdə xalqa müraciət edəcək.
Qondarma  Dağlıq Qarabagda ermənilər hərbi vəziyyət  elan etdi
Rusiyanın TASS agentliyinin verdiyi məlumata istinadən bütün rus media qurumları qondarma sözü yazmağa tənəzzül etmədən Dağlıq Qarabağ hökümətinin hərbi vəziyyət elan etdiyi xəbərini verir.

Azərbaycanda rusdilli təhsil: gerçəklik, yoxsa eyforiya?

Hər bir dövlətin istər siyasi, istərsə də sosial-iqtisadi və strateji gücünün təməlində elm və təhsil sisteminin nə dərəcədə mükəmməl və rəqabət dayanıqlılığı durur. Təbii ki, bu dayanıqlılıq bir tərəfdən təhsilin keyfiyyəti ilə xarakterizə olunursa, digər tərəfdən öz milliliyini, ənənəviliyini qorumaqla ölkəni yad mədəniyyət və ideologiyalardan hifz etməlidir.

Məlumdur ki, yüzillər boyu ölkəmizdə yerli mədəniyyət və elm-təhsil sistemi ilə gəlmə mədəniyyətlər və təhsil institutları arasında ciddi rəqabət olub, nəticə etibarı ilə yerli mədəni dəyərlərimiz və təhsil sistemimiz üstünlüyünü və ənənəviliyin qoruyub saxlayıb. İki yüz illik bir müddətdə Azərbaycanda mövcud olan və öz mövcudluğunu israrla qorumağa çalışan rus təhsil sistemi bu gün də yerli və milli mahiyyətli təhsil sistemimiz ilə açıq rəqabət müstəvisindədir.

Məlumdur ki, zaman-zaman gündəmə gətirilən, Azərbaycanda mövcud olan rus məktəbləri "problemi" son günlər yenidən aktual müzakirə mövzusuna çevrilib. Bu məsələ ilə bağlı cəmiyyətimizdə birmənalı fikir yoxdur. Bir qrup insanlar ölkəmizdə çoxsaylı rus məktəblərinin mövcudluğunu müstəqil dövlətçilik prinsiplərinə zidd hesab edərək bunu milli təhsil sisteminə, ana dilinə, milli məfkurəmizin formalaşmasına ciddi problem və alternativ hesab edir, bu məktəblərin bağlanmasının vacib olduğunu vurğulayırlar. Digər kəsim insanlar isə rus məktəblərinin bağlanacağı təqdirdə təhsil sistemində keyfiyyət səviyyəsinin aşağı düşəcəyini, cəmiyyətimizin dünyaya inteqrasiya baxımından mənfi tendensiyalarla üzləşəcəyini vurğulayaraq bu təşəbbüslərin yolverilməz olduğunu əsaslandırmağa çalışırlar. Hətta bu istiqamətin tərəfdarları bölgədə mövcud olan geosiyasi vəziyyətin dövlətçiliyimizə təhdidlər yaradacağını da qeyd etməkdən çəkinmirlər.

İlk növbədə qeyd edək ki, Azərbaycanda rus məktəblərinin fəaliyyətə başlaması XIX əsrin 30-cu illərinə təsadüf edir. Sovet imperiyası dövründə isə Azərbaycan təhsili çoxəsrlik tarixə malik olan ənənəvi təhsildən məhrum edilib, rus təhsil sistemi əsasında formalaşıb, rusdilli məktəblərin sayı isə daha da çoxalıb.

Müstəqilliyimizin ilk dövrlərində Azərbaycan cəmiyyətində milli şüurun oyanışı, milli-mənəvi dəyərlərə qayıdış, təhsil sisteminin yenidən milli əsaslar üzərində qurulması və inkişafı istiqamətində atılan addımlar, rus təhsil sistemini və rus məktəblərinin perspektivliyini arxa plana keçirdi. Həmçinin, Azərbaycan təhsil sisteminin qərbyönümlü istiqamətdə inkişaf meylləri və yeni təhsil çalarlarının meydana gəlməsi sovet təhsil sistemindən imtinanı daha da sürətləndirdi.

Müasir şəraitdə istər qərb, istərsə də ənənəvi rus təhsil siteminin müsbət dəyərlərindən bəhrələnərək milli təhsil sistemini inkişaf etdirməyə çalışan cəmiyyətimiz üçün ölkəmizdə mövcud olan əcnəbi, xüsusilə də rus məktəblərinin təhsil sistemində neqativ və ya pozitiv rol oynaması öz aktuallığını saxlamaqdadır.

Məlumdur ki, dünyada mövcud olan müstəqil dövlətlərdə əsas təhsil sistemi aparıcı etnosun milli təhsil dəyərləri əsasında formalaşır və tədris prosesi bu etnosun rəsmi dövlət dilində həyata keçirilir. Bu dövlətlərdə yaşayan milli azlıqlara isə öz dillərində təhsil almaq üçün hüquqi əsaslarla təsbit olunmuş təhsil imkanları yaradılır. Mövcud dünya standartlarına uyğun olaraq Azərbaycanda da təhsil sistemi və təhsil prosesi bu meyarlar əsasında fəaliyyət göstərməkdədir. Ölkəmizdə təhsil sistemi ənənəvi milli dəyərələr üzərində qurulmuş, milli azlıqlara isə Konstitusiyamızda təsbit olunmuş təhsil hüququndan istifadə edərək təhsil alma imkanları yaradılmışdır. Bu siyasi və hüquqi təsbitləri mövcud statistik rəqəmlərlə əsaslandırmağa çalışaq.

İlk növbədə qeyd edək ki, Azərbaycanda mövcud olan təhsil sistemi haqqında geniş şəkildə təhlil aparmaq üçün müvafiq dövlət qurumlarının açıqladığı statistik rəqəmlər olduqca məhdud və yetərsizdir. Buna baxmayaraq, təhsil qurumlarının nümayəndələrinin mətbuata verdiyi rəsmi açıqlamalar, müstəqil təhsil ekspertlərinin apardığı təhlillər, KİV vasitəsilə əldə edilən rəsmi qaynaqlı məlumatlar əsasında ümumi mənzərəni canlandırmaq mümkündür.

2019-2020-ci il rəsmi məlumatlarına görə, Azərbaycanda cəmi 4443 sayda orta məktəb (bəzi məlumatlara görə isə 4472) vardır. Respublika üzrə 314 məktəbdə tədris Azərbaycan və rus dillərində, 1 məktəbdə isə Azərbaycan, rus və gürcü dilində aparılır. Bundan əlavə, respublika üzrə tədrisi yalnız rus dilində olan 15 ümumtəhsil məktəbi fəaliyyət göstərməkdədir. Ümumilikdə Azərbaycanda Bakı şəhəri də daxil olmaqla 340 məktəbdə rus dilində tədris aparılır. Ümumilikdə bu məktəblərdə 95-100 min şagird rus dilində təhsil alır.

Məlumdur ki, Azərbaycnda 120 min nəfər rus mənşəli vətəndaş yaşayır. Nəzərə alsaq ki, ölkəmizdə 10 milyondan bir az artıq əhali mövcuddur, ümumtəhsil məktəblərinin say dinamikasına görə rus mənşəli vətəndaşlarımızın təhsil hüququnun tamamilə təmin olunması üçün 44-50 rus məktəbi yetərlidir. Həmçinin, azərbaycanlı vətəndaşlarımızın müəyyən hissəsi rus təhsilli olduğu üçün onların övladlarının təhsil hüququnun təmin olunması da olduqca vacib məsələlərdən biridir. Çünki Respublikamızın Ali Qanununa görə hansı dildə danışmasından asılı olmayaraq bütün şəxslər təhsil hüququ ilə təmin olunmalıdırlar. Bu meyardan çıxış edərək, rusdilli vətəndaşlarımızın təsil alma imkanlarını məhdudlaşdırmaq yolverilməz və qanundan kənar haldır.

Diqqətə alanda ki, Azərbaycanda təqribən 350-400 min əslən azərbaycanlı, ancaq rusdilli olan vətəndaş var və onların övladlarının təhsil hüququnu təmin etmək üçün orta məktəblərin ümumi say dinamikasına görə bölgü aparsaq, 150 rus məktəbinin yetərli olduğu qənaətinə gəlmək mümkündür. Ümumilikdə ölkədə rus mənşəli və rus təhsilli azərbaycanlı ailələrin övladlarının rus dilində təhsil alması üçün 200 rus məktəbinin fəaliyyəti yetərlidir.

Mövcud statistik rəqəmlərə baxdığımızda ölkəmizdə fəaliyyət göstərən rus məktəblərinin sayı mövcud rusdilli əhalinin tələbatından ən azı 140 məktəb artıqdır. Məlumdur ki, bu məktəblərin şagirdlərlə təmin olunması Azərbaycan təhsilli ailələrin övladları hesabına həyata keçirilir.

Azərbaycan cəmiyyətində formalaşan ümumi fikrə görə, rus məktəblərində təhsilin keyfiyyəti, ümumi mədəni dünyagörüşü Azərbaycan məktəblərindən üstündür. Bu amil Azərbaycan təhsilli ailələrin öz övladlarını rus məktəblərində oxumağa stimullaşdıran amillər kimi dəyərləndirilə bilər. Bu fikrin nə dərəcədə doğru və ya yanlış olduğunu dəqiqləşdirmək üçün statistik rəqəmlərə müraciət edək.

Dövlət İmtahan Mərkəzinin 2020-ci il qəbul prosesinin yekunları ilə bağlı açıqladığı ilkin nəticələrə görə, bu il ali məktəblərə qəbul üçün I-IV qruplar üzrə sənəd verən 71224 abituriyentin 65194-ü Azərbaycan, 6030-u isə rus məktəblərinin məzunları olub. Rus məktəblərini bitirən məzunlardan I qrup üzrə sənəd verən 2479 abituriyentdən 200 keçid balından yuxarı nəticə göstərən məzunların sayı 908 nəfərdir (36,6 faiz). II qrup üzrə, 1343 abituriyentdən 600 nəfər (44,7 faiz), III qrup üzrə 1561 abituriyentdən 853 (54, 7 faiz), IV qrup üzrə 642 abituriyentdən 372 nəfər (58 faiz) keçid balı toplayaraq Ali məktəblərə qəbul olmaq üçün imkan əldə etmişlər. Analoji olaraq bu nəticə Azərbaycan bölmələrində - I qrup üzrə 27750 abituriyentdən 9435 (34 faiz), II qrup üzrə 13773 abituriyentdən 5769 (41,9 faiz), III qrup üzrə 20604 abituriyentdən 12560 (60,9 faiz), IV qrup üzrə 4410 abituriyentdən 3269 (74, 1 faiz) nəfər şəklində olub.

Ümumilikdə isə qəbul prosesində azərbaycan bölməsində 65194 abituriyentdən 31033-ü (47,6 faiz) ali məktəblərdə tələbə adını qazanmaq imkanı əldə etdiyi halda, rus bölməsində bu rəqəm 6030 məzundan 2733 (45,3 faiz) nəfərin tələbə adına layiq olduğunu göstərir.

Bu statistik rəqəmlərə baxdığımızda rus bölməsini bitirən məzunların Azərbaycan bölməsini bitirən məzunlardan daha üstün təhsilli olması fikri özünü doğrultmur.

Rus məktəblərində təhsil keyfiyyətinin Azərbaycan bölmələrindən üstünlüyünü digər statistik məlumatlar da təsdiq etmir. Belə ki, bu il 200 baldan yuxarı keçid balı toplayan abituriyentlərdən 600 ballıq şkalanı keçənlərin sayı Azərbaycan bölməsi üzrə 1644 nəfər (5,3 faiz) olduğu halda, rus bölməsində bu say cəmi 133 nəfər (4,9 faiz) olub.

Qeyd edilən bu statistik rəqəmlər onu göstərir ki, rus bölmələrində təhsilin keyfiyyətinin daha da yüksək olması ilə bağlı cəmiyyət arasında mövcud olan eyforiya öz təsdiqini tapmır. Yəni ümumilikdə hər il təqribən rus dilində təhsil alan 6030 nəfər məzundan 2733 nəfəri (45,3 faiz) ali məktəblərə qəbul şansı qazansa da, lakin 3297 nəfər (54,7 faiz) bu imkandan məhrum olaraq sadəcə rus dilini bilən sıravi topluma çevrilir. Beləliklə, bu şəxslər uzun illər boyu ali təhsilli rus "intelligenti" olmaq arzusunu gerçəyə çevirmək imkanından məhrum olurlar. Sadəcə 11 illik rus təhsili prosesində ən yaxşı halda rus dilini öyrənməklə kifayətlənirlər.

Digər tərəfdən ümumi statistik rəqəmlərdən məlum olur ki, hər il Ali məktəblərin eyni ixtisasına Azərbaycan bölməsinin məzunlarından tələb olunan qəbul balları, rus bölməsi abituriyentlərindən tələb olunan ballardan nəzərəçarpacaq dərəcədə yüksəkdir. (Məsələn, BDU hüquq ixtisasında ödənişli əsaslarla Azərbaycan bölməsinin abituriyentləri üçün keçid balı 568 olduğu halda, rus bölməsi üçün 494-ə bərabərdir və s.) Bu isə bütün tələbələrin bərabər şəkildə təhsil almaq hüququna və ədalətlilik prinsipinə kölgə salır. Digər tərəfdən bu fakt azərbaycan təhsilli ailələrin öz övladlarını kütləvi şəkildə rus məktəblərində oxutdurmaq həvəsini stimullaşdırır.

Yuxarıda qeyd olunan statistik rəqəmlərin verdiyi məlumatlar əsasında aparılan təhlildən bu qənaətə gəlmək olar ki, mövcud problemi, rus məktəblərinin tamamilə bağlanması və yaxud onların sayının artırılması ilə həll etmək mümkün deyildir.

Bu problemi həll etmək üçün ölkəmizdəki rus məktəblərinin sayını, Azərbaycan vətəndaşları olan rus mənşəli əhali və rus təhsilli azərbaycanlı ailələrin ümumi sayına uyğun olaraq müəyyən etmək lazımdır. Həmçinin, təhsilimizin inkişafında ciddi keyfiyyət dəyişikliyinə səbəb olmayan və Azərbaycan təhsilli ailələrin övladları hesabına fəaliyyət göstərən əlavə rus məktəblərinə isə qadağa qoyulmalı və yaxud növbəti illərdən bu məktəblərin sayı nəzərəçarpacaq dərəcədə azaldılmalıdır.

Mübariz AĞALARLI
AMEA Tarix İnstitutunun aparıcı elmi işçisi, dosent
Navalniyı zəhərlədiər,  ya zəhərləndi

Alkesey Navalniyla eyni təyyarədə uçan tomsklu Djey Pavel Lebedev bloggerin zəhərlənməsi ilə bağlı foto və video paylaşıb. O bu kadrları öz instagram səhifəsinə yerləşdirib.
Lebedev Navalniyin Tomsk aeroportunda kafe içəndən sonra təyyarəyə getdiyini videoya çəkib. “Tomskdan Moskvaya Aleksey Navalniyla eyni təyyarədə uçurduq. Uçuş başlananda o tualetə getdi və geri dönmədi. Özünü pis hiss edirdi. Onu güclə özünə gətiməyə çalışdılar”-deyə yazıb. Lebedev.

Videogörüntüdə Navalniy ağrıdan qışqırır və həkim ona yaxınlaşır.

Navalnıy Tomskdan Moskvaya uçarkən özünü pis hiss edib. Təyyarə təcili Omsk aeroportunda enməli olub. Navalniyin mətbuat katibi Kira Yarmışın rəyinə görə bloggeri zəhərləmiş ola bilərlər. O ehtimal edib ki, içdiyi çaya toksin qatılıb. Bununla yanaşı jurnalist Yuliya Vityazovanın fikrincə, Navalniyin zəhərlənməsi yalniz onun kuratoruna faydalı ola bilər.

“Hazırkı zaman üçün bu boş güllə ola bilərdi”-deyəo, yazıb. Vityazovanın sözlərinə görə bloggerin xəstəxanaya yerləşdirilməsi özünə diqqət çəkmək üçündür və həmçinin sağlamlığında real problem də ola bilər.

Xəbərlərdə o da bildirilir ki, Omsk xəstəxanasına yerləşdirilən Navalniyin huşu özündə deyil. Onun ağ ciyərlərini süni ventilyasiya aparatına qoşulub.

Yenises.ru
"BİZƏ KRAL LAZIM DEYİL" -DEYƏN LOTU QULİ  QƏTLƏ YETİRİLDİ

Türkiyə mediyasının verdiyi məlumata görə Lotu Quli ləqəbli Nadir Əslifov avqustun 20-si gecəyarısı Antaliydakı restoranların birində birlikdə yemək yediyi adam tərəfindən güllələnib.

Türkiyə hüquq mühafizə orqanları əməkdaşlarını versiyasına görə Xan Əhmədlinskiy ləqəbli onu kriminal avtoritet Elmar Vəliyevin qətlə yetirdiyi bildirilir.

“Avqustun 20-də gecə yarısı Nadir Səlifov- Lotu Quli tapançadan açılan 4 güllə ilə vurulub. Onu təcili yardımla xəstəxanaya çatdırsalar da, reanimasiyda başından aldığı yara ğldürücü olduğundan həyatını xilas etmək mümkün olmayıb.

Türkiyə KİV-də yer alan xəbərlərə görə qətli törədən şəxs hadisə yerindən qaçmağa müvəffəq olsa da, türk polisləri tərəfindən Antaliya –Dənizli şossesində saxlanılıb.

Qeyd edək ki, bu N.Salifova qarşı dəfələrlə sui-qəsd hazırlanıb. Elə bu ilin fevralında İstanbul polisi Quram Çixladzenin rəhbərliyi ilə onu öldürmək istəyən 17 nəfərlik qrupu həbs etmişdi.

Rusiya KİV-nin məlumatında isə Azərbaycanda 22 il həbsdən sonra Nadir Səlifovun 2017-ci ilin payızında azadlığa buraxıldığı yazılır. Elə oradan birbaşa Türkiyəyə gəlib. Hələ həbsdə yatdığı zaman Rusiyanın bütün tərəvəz bazarının rəhbərliyini ələ keçirib və milyard dollar qazanıb. Ən birinci ona haqq verən ticarətçilər isə Sverdlovsk vilayəti olub, sonra o, Sibir və Rusiyanın cənubunu nəzarətə götürüb.

Quli postsovet məkanında 1 nömrəli “qanuni oğru” yerinə namizəd idi və 2018-ci ilin avqustunda Lujnikidə keçirilən seçkilərdə 54 yaşlı Şişkan ləqəbli Oleq Şişkanovun (o həm də Oleq Ramenskiydi) 1 nömrəli qanuni oğru olmasını qəbul etməmişdi. O zaman “bütün şeflərin şefi” seçilən Şişkan haqqında “Bizə kral lazım deyil”-deyə bəyan etmişdi.

Yenises.ru

“Sevilya” futbolçuları “Avropa Liqa”sı seriyasında “Manşester Yunayted” konamdasını 2:1 hesabı ilə məğlub edərək finala çıxıb. Oyun dünən- avqustun 17-də Almaniyanın Köln şəhərində keçirilib. Oyun ispan komnadasının qələbəsi ilə başa çatıb.

Avropa Liqasının final mərhələsinə keçmək üçün keçirilən qarşıdurmada “Mançester Yunayted” komnadasının oyunçusu Brunu Fernandeşin 11 mertlik cərimə zərbsindən vurduğu bir topa “Sevilya” oyunçuları Suso və Lyuka de Yonqa iki sərrast qolla cavab veriblər.

Beləliklə “Sevilya” finala vəsiqə qazanıb.

Yenises.ru


Mişustin jurnalistlərini koronavirusa yoluxdurub?
Rusiya höküməti jurnalistlərinin bir neçəsinin koronavirusa yoluxmasından şübhələnirlər. Bu haqda “İzvestiya” qəzetinə hökümətin mətbuat xidmətindən xəbər veriblər.
Ölkəni 26 illik vəhşətdə saxlayan Lukaşenko istefa verməlidir!
Belorusiyada prezident seçkiləri zamanı saxlanılanlar dərhal buraxılsın! Lukaşenko istefa versin! Bu tələbi Belorusiya prezidentliyinə namizəd Tixonovskayanın xələfi Mariya Kolesnikova səsləndirib. O, etiraz aksiyasından sonra saxlanılanların sayı haqqında da məlumat verib. Bu haqda TASS agentliyinin müxbirinə danışıb.

Kolesnikovanın bildirdiyinə görə 4 mindən çox vətəndaş hələ də nəzarətxanada saxlanılır. O, prezident seçkilərinə qədər tutulanlar da daxil olmaqla, siyasi məhbusların dərhal azad olunmasını tələb edib.

Bir müddət əvvəl Kolesnikova hazırkı prezident Lukaşenkonun istefa verməsi tələbi ilə çıxış etmişdi. “26 illik vəhşətə son verilməlidir, o, ölkəni təcavüzdə boğub. Bu belə davam etməməlidir”-deyə bildirib.

Avqustun 13-də axşam Minskdə müvvəqqəti tədricxanada saxlanılanları azad etməyə başlamışdılar. Buraxılanlar güc strukturu nümayəndələrinin onları döyməsi nəticəsində bədənlərində olan çoxsaylı zədələri göstəriblər.

Xatırladaq ki, Belorusiyada artıq bir həftədən artıqdır ki, kütləvi etiraz aksiyaları keçirilir. Və OMON-la qarşıdurma davam edir. Onlar prezident seçkiləri zamanı Aleksandr Lukaşenko tərəfindən çağırılıb. Seçkilərdə Lukaşenko 80 faiz səs topalyıb.

Yenises.ru

Abbas Abbasovdan açıqlama - Eksklüziv
"Abbas Ababsovun həbs olunması xəbəri"nin yayılması ilə bağlı Abbas Abbasov danışdı.

Saytımza yaxınlarından aldığımız məlumatla kifayətlənməyib bir də bu xəbərə münasibəti Abbas Abbasovun özündən öyrənmək istədik.

Abbas müəllim bizimlə telefon əlaqəsində haqqında çıxan bu növbəti şaiyənin ona qarşı təxribat olduğunu dilə gətirdi.

“Mən artıq uzun illərdir nə aktiv, nə də passiv şəkildə siyasətlə məşğul olmuram. 72 yaşında 9 nəvənin babasıyam. Və bu çıxan xoşəgəlməz xəbərlər təbii ki, məni, ailəmi narahat edir. Heç bir əsası olmayan bu tipli xəbərlər suyu bulandırmaqdır”-deyə Abbas Ababsov bildirdi.

Abbas Abbasov onu da qeyd etdi ki, heç bir şeyə qarışmır, ailəsi, nəvələri ilə tədaüdçü həyatını yaşayır. “Adımı belə yalan –böhtan xəbərlərlə hallandıranlar da kimə və nəyə xidmət edir, onu bilmirəm”-bunları da xüsusilə vurğuladı.

Tünzalə Vəliqızı,
Moskva
15.08.2020



Abbas Abbasovun həbs olması xəbəri...  Eksklüziv
Gerçəkdir, yoxsa ehtimal... Eldar Həsənovun tutulması xəbərindən sonra gündəmə bir də Abbas Abbasovun həbsi xəbəri düşdü.

Bəzi Azərbaycan mediya qurumlarına istinadən xəbər ağızdan-ağıza gəzərək hər kəsin diqqətini çəkdi.

Moskvada yaşadığımı nəzərə alaraq dünyanın bir çox ölkələrindən mənə zəng edərək bu xəbərin doğru və ya yanlış olması barədə bir məlumatın olub-olmadığını soruşdular.

Abbas Abbasovun yaxınlarının verdiyi açıqlamaya görə onun həbs olması xəbəri təxribat xarakteri daşıyır.

“Abbas Abbasov həbs olunmayıb. Bu tipli xəbərlər vaxtaşırı mətbuatda ( "bilərərkdən və ya bilməyərəkdənmi" onu da yayanlar bilir) yayılır və növbəti feykdir”.

Saytımıza açıqlamasında Abbas Abbasovun yaxını belə söylədi.

Xatırladaq ki, bəzi saytlarda yer alan xəbər sonradan qaldırılıb.

YENİSES.RU

İsraildə  "Azərbaycana dəstək"  aksiyası keçirilib
"Qarabag Azərbaycanındır", "Şəhidlər ölməz, Vətən bölünməz", "Ermənistan təcavuzunə son" şüarları ilə İsraildə "Azərbaycan Evi " aksiya keçirib. Bu haqda tanınmış siyasi analitik Arye Qut Facebook səhifəsində məlumat verib.

Ermənistan təcavüzü pislənən aksiyada - Xocalı soyqırımını törədənlərin bu vəhşiliyinin cavabsız qalmasının nəticəsidir ki, onlar hələ də işğalçı siyasətlərini davam etdirməkdən çəkinmirlər. Dünya da bu haqsızlığa qarşı susur. Bizsə susmayacağıq. Hər kəsin duyması üçün haq səsimizi ucaldacağıq."-mesajı verilib.


Arye Qut yazıb ki, İsraildə yaşayan Azərbaycan əsilli soydaşlarımız Ermənistanın işğalıçı siyasətinə son qoyulması, onların cəzalandırılması tələbi ilə çıxış ediiblər. İsraildəki "Azərbaycan Evinin" təşkil etdiyi etiraz aksiyasında 500-600 nəfərə qədər adamın iştirak etdiyi bildirilir.


Arye Qutun paylaşımından sətirlər:

" Azərbaycan və İsrail dövlət bayraqlarının, Tovuz döyüşlərində həlak olan şəhidlərimizin şəkillərinin və müxtəlif şüarların nümayiş etdirildiyi mitinqdə çıxış edənlər Ermənistanın işğalçı və təcavüzkar siyasətini kəskin şəkildə pisləyiblər.

Çıxış edənlər Qarabağın Azərbaycan torpağı olduğunu bir daha bəyan edərək, Israil hökumətindən və dünya birliyindən Xocalı kimi dəhşətli soyqırımı törədən Ermənistanın ciddi şəkildə cəzalandırılması, Azərbaycan torpaqlarının işğaldan azad edilməsi, ölkəmizin ərazi bütövlüyünün bərpa olunması üçün qətiyyətli addımlar atılmasını tələb ediblər."

Arye Qur iştirak etdiyi təbdirdən şəkillər də paylaşıb.

YENİSES.RU

İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib
İsraildə  "Azərbaycana dəstək"  aksiyası keçirilib


Kasıb balalarının əsgər çiynində dayanır bu dövlət !!!

YENİSES.RU
Tarix : 7-05-2014, 01:43
Anar Axundzadə: “Heydər Əliyevi tam olaraq xarakterizə etmək qeyri-mümkündür”
2000-2005-ci illərdə Milli Məclisin deputatı olmuş, Yeni Azərbaycan Partiyasının yaranmasında fəal iştirak edən, Heydər Əliyevin etimad göstərdiyi gənclərdən olan Anar Axundzadənin müsahibəsini təqdim edirik:

Qısa arayış: Anar Axundzadə 1972-ci ildə Naxçıvan şəhərində anadan olub. 1990-1995-cil illərdə Naxçıvan Dövlət Universitetinin kənd təsərrüfatı və həmin universitetin (ikinci təhsil) hüquq fakultəsin bitirib. 1995-ci ildə Naxçıvan MR Nazirlər Kabinetinin birinci dərəcəli mütəxəssisi, elə həmin ilin dekabr ayında Naxcıvan MR Ali Məclisi sədrinin köməkçisi təyin edilib.

1996-1997-ci illərdə Naxçıvan DİN Daxili Qoşunlarinda həqiqi hərbi xidmətdə olub. 1997-2000-ci illərdə Naxçıvan MR Ali Məclisi Sədrinin köməkçisi işləyib. 2000-ci il fevral ayında Naxçıvan Şəhər İcra Hakimiyyəti başçısının birinci müavini təyin edilib. 2000-ci ildə Azərbaycan Respublikası Milli Məclisinə seçkilərdə 3 saylı Naxçıvan Şəhər dairəsindən Azərbaycan Respublikasının millət vəkili seçilib. (2000-2005)

Deputatlıq fəaliyyəti dövrundə bir sıra beynəlxalq təşkilatların üzvü və seminarların iştirakçısı olub. 2000-2005-ci illərdə ATƏT seminar konfransı (Portuqaliya), Dunya Bankının seminar konfransı (Avstrya), NATO seminar konfrans (Almaniya, Belçika), Avropa Birliyi Əməkdaşlıq komitəsinin iclası (Fransa), Azərbaycan-Sloveniya Parlamentlərarası Dostluq qrupunun sədri, Azərbaycan- Birləşmiş Ərəb Əmirlikləri dostluq qrupunun sədr muavini, eyni zamanda 5 il Azərbaycan Avropa Əməkdaşlıq Komitəsinin üzvü olub.

2000-ci ildə Azərbaycan Respublikasi Prezidentinin yanında Dövlət İdarəçilik Akademiyasında İnvestisiya proseslərinin dövlət tənzimlənməsi ixtisasi üzrə ixtisasartırma vəsiqəsini alıb. 1998-ci il Dünya Gənclərinin Beynəlxalq Festivalının iştirakşısı olub. (Portuqaliya).

1992 ci ildən yani yaranan gundən Yeni Azərbaycan Partiyasinin uzvüdür. YAP Naxçıvan Gənclər Təşkilatının sədri (1995-2000). 1999-cu il YAP birinci Qurultayinda YAP Siyasi Şurasının üzvü seçilib. Azərbaycan Respublikasının prezident, Milli Məslis, Bəladiyyə seckilərində Yeni Azərbaycan Partiyasi tərəfindən Azərbaycan Respublikasi üzrə səlahiyyətli nümayəndə olub. Hazırda Yeni Azərbaycan Partiyasının üzvi kimi siyasi fəaliyyətini davam etdirir.

-Anar bəy, tanınmış şəxslər yaddaşlarda iki çür qalır; Bir ümumi fəaliyyətindən irəli gələn və bir də fərqi münasibətlər. Heydər Əliyevlə şəxsən təmasda olmuş şəxs kimi istərdim ki,sualın ikinci tərəfini cavablandırasınız…

-Bilirsiniz Heydər Əliyev elə bir dahi şəxsiyyət idi ki,onu tam olaraq xarakterizə etmək qeyri-mümkündür. Hətta çəkinmədən deyə bilərəm ki, onunla hər hansı təmasda olan insanlar istər uzun,istərsədə qısa müddətli fərqi yoxdurki, həm o böyük insanın nəzərindən qaçmazdı,həm də insanları xarakterizə edib qiymət verərdi.

İndi siz deyirsiniz ki, ümummilli liderimizin fərdi münasibətini qeyd edim; Onda bu cür yanaşaraq deyək ki, mən ən az və ən qısa ünsiyyətdə olan bir insan kimi heç vaxt onun nəzərindən qaçmamışamsa, demək ki, Heydər Əliyev şəxsiyyətinin ilk xarakteriskası onun insanlara hədsiz diqqət idi. Hətta xırda əməyə görə yüksək qiymətinin cavabı, onun yüksək səməmiyyətin irəli gəlirdi.

Ümumiyyətlə,mərdlik, səmimiyyət, qətiyyət, insani münasibət dahi şəxslərə məxsus olan faktorlar ulu öndərdə birləşmişdi. O rəhbər və lider kimi möhtəşəm insan idi. Heydər Əliyev adi bir detalı nəzərdən qaçırmazdı. Ona sevgi və məhəbbətlə yanaşan insanaqayğısını əsirgəlməzdi. Heydər Əliyev fenomen şəxsiyyət idi və onunla söhbət olduqca maraqlı olurdu.

-Onunla bağlı hansısa xatirə yadınızda qalıbmı?

-Təbii onunla bağlı xatirələrim çoxdur. Bir hadisəni danışmaq istərdim: 1992-ci ilin oktaybrayında Naxçıvan Dövlət Universitetinin 25 illik yubleyi keçirilirdi. Heydər Əliyev NaxçıvanAli Məclisinin sədri kimi o tədbirdə iştirak edirdi. Tədbirə İran,Türkiyə və Bakıdan və s.yerlərdənqonaqlar gəlmişdi. Mən həmin universitetin tələbəsi kimi tədbirdə çıxış etdim. O zaman 20 yaşım vardı.

Onu xatırladım ki,o zamankı Təhsil Nazirinin müavini səhv etmirsəmsə, Xalid Əlimirzəyev çıxışında Heydər Əliyevi nəzərdə tutaraq dedi ki, ağsaqqalda burda oturub, bilmirəm Azərbaycan niyə bu gündədir. Hər yer od tutub yanır. Gəncəyə,Şəkiyə və s. yerlərə gedirəm, ölkə viran qalır. Xalid bəyin çıxışından sonra, mənə söz verdilər. Təbrik çıxışımın sonunda dedim ki, Azərbaycan ona görə od tutub yanır ki, Azərbaycanı bu vəziyyətdən çıxara biləcək lider öz yerində oturmayıb. O burda Naxçıvanda bizim aramızdadır.

Bu sözlərdən sonra salon məni uzun müddət ayaqüstə alqışladı. Bu mənə olan alqış deyildi. Xilaskara yönəlmiş gəl-qurtar Azərbaycanı deyə hayqıran alqış idi. O zaman Azərbaycanda vəziyyət çox ağırlaşmışdı.

-Demək olarmı ki, o çıxışınızdan sonra diqqət mərkəzinə gəldiniz? O çıxışınız sizi ən gənc yaşınızda millət vəkili olmağınıza səbəb oldu və gələcək siyasi-ictimai fəaliyyətiniz üçün zəmin yaratdı…

-Bəli, düz qeyd edirsiniz. Tədbirdən bir neçə gün sonra mərhum Sirus Təbrizli universitetə mənim arxamca gəldi. Yeni Azərbaycan Partiyasının yaranmasında fəal iştirak etməyimi tövsiyyə etdi. Məni təşkilat komitəsinə üzv yazdı. 1992-ci il noyabr ayının 21-də Heydər Əliyevin rəhbərliyi ilə Yeni Azərbaycan Partiyası yaradıldı. Konfransda sonra YAP idarə heyəti və siyasi şurası toplandı. Sirus Təbrizli mənə dedi ki, səndə gəl tədbirdə iştirak et. Məndə dedim ki, axı mən o heyətdə yoxam. Dedi ki, bunun heç bir fərqi yoxdur.

Orda mərhum Ziya Bünyadov, Murtuz Ələsgərov,Fərəməz Maqsudov bir sözlə Yeni Azərbaycan Partiyasının yaradıcıları,xalqımızın düşünən beyinləri iştirak edirdi. Mənə orda məlum oldu ki, Sirus Təbrizli mənimlə görüşə Heydər Əliyevin tapşırığı ilə gəlib. Yəni, onu ifadə etmək istəyirəm ki, Heydər Əliyev 20 yaşında gəncin adi bir çıxışına qiymət verən, onu qanadlanıran şəxsiyyət idi. Belə xatirələr çoxdur. Təəssüf ki, onun haqqında danışmaq nə bir müsahibəyə, nə də kitaba sığar. Zaman gələcək ki, o böyük şəxsiyyət haqqında dünyanın beyin və siyasi mərkəzləri öyrənəcəklər. O bizim qürur mənbəyimizdir. Heydər Əliyevlə ünsiyyətdə olan dünya şöhrətli siyasətçilər belə, onun fikrinə hörmətlə yanaşırdılar.

-Adi vətəndaşlar, lap siyasi fəaliyyətdə olanlar,jurnalistlər təbii ki,liderlə bir komanda da işləyən birbaşa təmasda olan insanlar onun fəaliyyəti, gördüyü işlər barədə tam məlumatlı olmur. Müəyyən məqamlarda birbaşa və ya dolayısı olsa da prezidentdən gələn göstəriş, əmr kimi yaddaşınızda xüsusi qalmış və indiyədək işıqlandırılmamış xidmətlərini əks etdirən məqamlar varmı?

- Maraqlı sualdı. Amma onu deyim ki, Heydər Əliyevin göstərişini və hər hansı bir tapşırığı nəin ki, unutmaq və yaxud işıq üzü görməməsi mümkün deyildi. Burda kimlərinsə səhlənkarlıq ola bilərdi ki, onu da edənlər cəzasız qalmazdılar. Amma, bu sualın içində belə ifadə yaratmaq olar ki, sizin bir işıq üzü görməyən cəsarət etmədiyiniz bir təşəbbüsünüz və ifadəniz olubmu?

Bəli, yaddaşımda qalan bir hadisəni qeyd edim: Dünya Azərbaycanlılarının birinci qurultayında Dünya Azərbaycanlılarına qurultay iştirakçıları adından müraciət qəbul olundu və həmin vaxt müraciətin içinə belə bir bənd təklif etmək istəmişdim ki, Heydər Əliyev Dünya Azərbaycanlıların ümummilli lideri elan edilsin. Amma,biraz çəkindim. Cəsarət etmədim və indi çox şadam ki, mənim bu arzum artıq realdır və Heydər Əiyev xalqın ümummilli lideri kimi dünyada tanınır.

-Bildiyimiz qədərində Heydər Əliyevin keyfiyyətlərindən biri də,istənilən insanlara qısa zamanda inam və səmimiyyətə söykənən münasibətlər qura bilməsi olub. Hətta ona müxalif olanlar belə onunla yaxın təmasa olduqda bu nəticə alınıb. Sizcə, bunun sirri nədədir?

-Heydər Əliyev şəxsiyyətinin ən önəmli cəhətlərindən biri də insanlarla yüksək səviyyədə ünsiyyət qurmaq qabiliyyət idi və o qısa müddətdən sonra ünsiyyətdə olduğu insanı özünə bağlayırdı. Bu da hər insanın içində Heydər Əliyev sevgisi yaratması üçün əsas olurdu. Mən sadəcə onu deyə bilərəm ki, sadə insanlar üçün Heydər Əliyev çox səmimi ata və eyni zamanda uşaqlar üçün bir sevimli baba idi.

- Amma rəhbərliyi altında işləyən insanlar üçün çox qətiyyətli rəhbər idi ki, ən aşağı vəzifə daşıyan məmur belə onun qəzəbindən qorxurdu. Amma, onun etimadını qazanan insanlar, onun məhəbbət qayğısından kənarda qalmazdı. Onun heç kimə mənəvi borcu yox idi. Əgər, bu gün kimlərsə düşünürsə ki, Heydər Əliyevə xidmət edib onlar səhv düşünürlər və bu yanlış yanaşmadı. Heydər Əliyevə xidmət vətənə xidmət deməkdir.

Sizə bir məsəl çəkmək istərdim: Bir gün keçmiş zamanda padşah dövründə bir gənc oturur bir ağsaqqalın yanında lovğalanır ki, mən padşaha belə,elə xidmət edirəm və s. Bunu dinləyən ağsaqqal isə ona deyir ki,oğul heç bir zaman belə demə ki, padşaha xidmət edirəm. Padşah istəsə ona xidmət edən çoxdur. Ona görə dua etdi ki,padşah səni xidmətində saxlayır.

Heydər Əliyev ölkəmizə rəhbərlik etdiyi zamanda və bu gün möhtərəm prezidentimiz İlham Əliyevin rəhbərliyi altında işləyən hər kəs, hər məmur dərk etsin ki, onlara böyük etimad göstərilərək xidmət verilib. Unutmasınlar ki, kimsə əvəzolunmaz deyil. Heydər Əliyev siyasətinin ən uca məqamı xalqa xidmətə söykənirdi və hətta ona müxalif olanlar belə onu siyasətini alqışlayırdı.

-Ondan narazı olan bəzi qüvvələr onu SSRİ DTK-sının generalı kimi, SSRİ-nin rəhbərlərindən birİ kimi xarakterizə edir və onu qeyri-demokrtik insan kimi qələmə verirdilər. Bu həqiqətənmi belə idi?

-Bilirsiniz ki,Heydər Əliyev kimi dahi rəhbərlər demokratikləşmə prosesini yaradırlar, tarix yazırlar. Demokratiya sözünün mənası xalq hakimiyyəti deməkdir. Unutmayaq ki, Heydər Əliyev azərbaycanda keçirilən demokratik seçkilərin qarantı olub və xalqın yekdilliklə səsini qazanaraq 1993-98,98-2003 ci illərdə Azərbaycanın prezideni seçilib. O sözü deyənlər əslində demokratiyanı yox, anarxiyanı dəstəkləyənlərdir və o insanlar üçün Heydər Əliyev ölkəmizdə anarxayanın qarşını alan böyük sədd kimi dayanırdı.

Ölkəmizin addım-addım demokratiya yolunda irəliləməsi, adını demokrat qoyub,ölkəni viran gününə qoyanların yox, Heydər Əliyevin rəhbərliyi ilə inkişaf mərhələsinə,zirvəsinə qədəm qoyan bu böyük və uğurlu siyasət bu gündə möhtərəm prezident İlham Əliyev tərəfindən uğurla davam etdirilir.

Demokratiya pərdəsi altında hakimiyyətə həmin qüvvəllərin səriştəsiz siyasəti nəticəsində ölkəmiz torpaqlarımızın 20 fazini itirdi və az qala ölkəmiz məhv olmaq təhlükəsi qarşısında qalmışdı. İndi mən sizə sual edirəm. demokrtaiya pərdəsi altında ölkəmizə tənəzzülə uğradan ölkədə anarxiya yaradanlardımı demokrat? Yoxsa günbəgün inkişaf edən bütün sahələrdə uğur qazanan Azərbaycanımızın adını dünyanın nüfuzlu dövlətlər sırasına yazan Heydər Əliyev hakimiyyətimi?

Bu gün Azərbaycan dünyanın lider ölkələrindən birinə çevrilib. İqtisadi inkişaf tepminə görə qabaqcıl dövlətlərdən biridir və dəfələrlə dünya bankı tərəfindən Azərbaycanın iqtisadi inkişaf tepminin yüksək qiymətləndirilməsi qeyd ediklərimizin əyani sübutudur. Bunu etiraf etməyənlər ölkəmizin inkişafını gözü götürməyənlərdir.

-Anar bəy, təşəkkür edirəm səmimi müsahibə üçün.

-Mən sizə təşəkkürümü bildirirəm. Ayrıca olaraq yaratdığınız imkandan istifadə edərək xalqımızı qarşıdan gələn 10 may ümmummilli liderimizin 91 illiyi və Azərbaycanın ictimai-siyasi və sosial-mədəni həyatında mühüm rol oynayan Heydər Əliyev Fondunun 10 illik yubleyi münasibəti ilə təbrik edirəm.

Onu da qeyd edim ki, bir neçə gün bundan əvvəl Sankt-Peterburqda Azərbaycan Respublikasının Rusiyadakı səfirliyi və Dünya Azərbaycanlılarının Mədəniyyət Mərkəzi tərəfindən təşkil olunantədbirdə ümummilli lider Heydər Əliyevin anadan olmasının 91, Heydər Əliyev Fondunun 10 illik yubleyi təntənəli şəkildə konsert tədbirləri keçirildi. Təbdirdə Rusiya və Azərbaycanın tanınmış şəxsləri iştirak edirdilər və çox şadam ki, həmin tədbirə dəvət olunanlar içərisində məndə var idim.

Elnur Eltürk




Baxış: 4972 | Bölmə: Siyasət, slayd1
Fikirler
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Ən çox oxunanlar
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru