Kreml Surkovun istefası ilə bağlı xəbəri şaiyə hesab edir
Politoloq Aleksey Çesnakovun Vladislav Surkovun dövlət qulluğundan istefa etdiyi barədə verdiyi xəbəri RF prezidentinin mətbuat katibi Dmitri Peskov təkzib etdi.

Vladimir Putinin mətbuat katibi Dmitri Peskov prezident köməkçisi Vladislav Surkovun istefası barədə xəbərlərə cavab verib. Peskov TASS-a bildirib ki, Surkovun istefası barədə hər hansı bir qərar yoxdur. O, prezident köməkçisinin istefası haqda məlumatının olmadığını da vurğulayıb.
Putinin köməkçisi Surkov dövlət qulluğundan istefa verdi
Rusiya prezidentinin köməkçisi Vladimir Putinin köməkçisi Vladislav Surkov dövlət qulluğundan istefa edib. İnterfaks xəbər verir ki, bu barədə Siyasi şərait Mərkəzinin direktoru Aleksey Çesnakov açıqlama verib.

Çesnakov qeyd edib ki, bu qərar Ukrayna istiqamətində siyasi kursun dəyişməsi ilə əlaqədar verilib. Surkov bu addımın səbəbləri və gələcək planları barədə bir aydan sonra məlumat verəcəyini deyib.


"Növbəti ay ərzində o, meditasiya ilə məşğul olacaqdır", - Chesnakov öz Telegram kanalında bunları yazıb.

Yanvar ayında Vladislav Surkov Abxaziyadakı siyasi böhranı həll etmək üçün Suxumiyə gəlmişdi.

Vladislav Surkov 2013-cü ildən bəri Rusiya prezidentinin köməkçisidir. Abxaziya və Cənubi Osetiya ilə sosial-iqtisadi əməkdaşlıq, habelə Ukraynanın şərqindəki münaqişənin nizamlanması məsələlərinə nəzarət onun səlahiyyətində idi. Bundan əvvəl, 2011-ci ildən Rusiya hökuməti sədrinin müavini, 2012-ci ildən isə Rusiya hökuməti aparatının rəhbəri vəzifələrində çalışıb. 2004-2008-ci illərdə də prezidentin köməkçisi olub.

YENİSES.RU
Türkiyənin Elazığ bölgəsində güclü  zəlzələ baş verib
Elazığda zəlzələ nəticəsində ölənlərin sayı artır.

Türkiyə, dünən axşam saat 20.55 radələrində Elazığdan gələn zəlzələ xəbəriylə sarsıldı. Kandillidən veriən məlumatlarına görə Elazığda baş verən zələzələ 6.8 bal gücündə olub. Kilisdən Samsuna İraqdan Suriyaya qədər çox böyük bir bölgədə hiss edilən zəlzələ Elazığ və Malatyada dağıntılar yaradıb. İlkin xəbəbrlərdə zəlzələdə i 18 nəfər ölmüş, 555 nəfər yaralanmışdır. Zəlzələ sonrası yeraltı təkanlar 97 dəfə təkrar olunub. Təbii fəlakət bölgəsinə yollanan daxili işlər naziri Süleyman Soylu, Səhiyyə naziri Fahrettin Koca, Ətraf və şəhərsalma üzrə naziri Murat Kurum, Elazığdakı zəlzələdən sonra açıqlama veriblər.

Nazir Soylu, "İndiyə qədər Malatyada 5 və Elazığda 10 adam öldüyünü bildirib. O, Elazığda 30 vətəndaşın axtarış və xilasetmə işləri davam etdiyini də qeyd edib. Səhiyyə naziri Fahrettin Koca, "Ağır yaralılardan üçünün Malatyadan, ikisinin Elazığdan olduğunu deyib. . Ölü sayının artacağı da verilən xəbərlər sırasındadır.

Son məlumatlara görə Elazığda 2 nəfər infarktan , 13 nəfər isə zəlzələnin dağıntıları nəticəsində həyatını itirib. Malatyada isə ölü sayı 5 nəfərdir.

Yenises.ru

Deputalığa namizəd İbrahim Xəlil Balayoğulları  vəd vermir-istəklərinizə körpü ola bilərəm -deyir- VİDEO
"Mənim varlığım bütün türk varlığına ərməğan olsun! ", "Mən türk dünyasında qardaşlarımın ayaqları altındakı körpüyəm, birləşmək üçün mənim üstümdən keçin"-deyir.



Medvedevin yeni vəzifəsi-Təhlükəsizlik şurasında  müavin
Bu gün Rusiya höküməti nazirlər kabinetinin tam tərkibdə istefa verdiyini alan edən Dmitri Medvedevə ölkə başçısı Təhlükəszilik Şurası sədrinin müavini vəzifəsini tutmağı və müdafiə və təhlükəsizlik mövzularını həll etməyi təklif edib. Prezident Vladimir Putin onu da izah edib ki, , yeni vəzifə üçün qanuna düzəlişlər etmək lazımdırsa, bu ediləcək.

Federasiya Şurası beynəlxalq komitəsi rəhbərinin birinci müavini Vladimir Cabarov RİA Novosti-yə bildirib ki, əslində Medvedevə vitse-prezident vəzifəsi təklif olunub. Senator "dövlət başçısının Təhlükəsizlik Şurasının sədri olduğunu nəzərə alaraq bunun ən yüksək vəzifə olduğunu"- deyib.

"Bu çox şərəfli və vacib bir təyinatdır". Cabarov onu da qeyd edib ki, Medvedev təcrübəli siyasətçidir və "özünün qazandığı böyük təcrübəsini yeni vəzifəsində tətbiq edə biləcək".

YENİSES.RU
Rusiyada nazirlər kabineti istefa etdi
Baş nazir Dmitri Medvedev prezident Vladimir Putinə bütün hökumətin istefa etdiyini bildirib.

Bu, dövlət başçısının Federal Məclisə müraciəti zamanı Konstitusiyaya bir sıra əsaslı dəyişikliklər olacağı açıqlamasından sonra baş verib. Medvedevə görə, bu islahatlar ölkədə güc balansını dəyişdirəcək.

"İcra, qanunverici və məhkəmə hakimiyyəti. Bu konterksdə biz hökumət olaraq, ölkə başçısına lazım olan bütün qərarlar qəbul etmək imkanı verməliyik"- deyə o, qeyd edib.

Buna cavab olaraq Putin hökumət üzvlərinə birlikdə çalışdıqlarına görə təşəkkür edib, lakin onu da vurğulayıb ki, "hər şey bitmədi". O, yaxın vaxtlarda nazirlərin hər biri ilə ayrı-ayrılıqda görüş keçirəcəyinə söz verib.

Prezident, həmçinin hökumətdən yeni tərkib formalaşana qədər vəzifəsini davam etdirməyi istəyib.

Prezidentin Dövlət Dumasındakı səlahiyyətli nümayəndəsi Harry Minh RİA Novosti-yə açıqlamasında əgər hökumətin istefası əvvəldən hazırlanmış bir prosesdirsə, o zaman yeni Nazirlər Kabinetinin formalaşdırılmasının uzun çəkməyəcəyini söyləyib.

"Unutmayın ki, prezident seçkiləri keçirildi - hökumət istefa verdi və əslində ertəsi gün yeni kabinet formalaşdı"-deyə xatırladıb.


YENİSES.RU



Bu gün Şırvan Kərimovun ad günüdür
Bu gün günlərdən o gün! Hardasa dünyanın kiçik bir guşəsində böyük bir insan doğulur, Ve... Ssenariləşmiş həyatlardan fərqli bir yol vardı qarşısında...Doğulduğu o kiçik yer bir gün əlçatmaz olacaq desəydilər...

Rəssam olsam Sizin portretinizi Göy Qurşağı olaraq çəkərdim. Ya da Səhər Şəfəqi, yox bəlkə də Üfüqdən boylanıb Aya əl edən Günəş. Ya da tablonu ağ buraxardım. Hər kəsə bir toxunmuşluğunuz var, qoy onlar çəksinler... Rəssam deyiləm. Amma sözlə tablonuzu çəkməkdə dilim kasıb deyil də, sadəcə Siz çox Varlıqlısınız! Nə yaxşı doğulmusunuz!

Fərqli doğulmaq alın yazısıdır. Amma Fərq yaratmaq fərdidir. Sizin dostunuz, bacınız olmaq xoşbəxtlikdir. Doğum gününüz mübarək olsun, Şirvan Kərimov!!!

Tünzalə Vəliqızı

VİDEO
Rusiyada qara çörək bahalanacaq
Aqrar sənaye sferasının mütəxəssisləri qara çörəyin bahlanacağı proqnozunu verirlər. Onları belə düşünməyə vadar edən ötən il covdar məhsulunun və ehtiyatının az olmasıdır. Bu haqda Yenises.ru RİA Novosti-yə istinadən xəbər verib.
Kiyev İranda  Boeing təyyarəsinin  bilərəkdən vurulduğu fikrindədir

İran 3 gün keçdikdən sonra Ukrayna təyyarəsnin səhvən raketlə vurulduğunu etiraf etdi. Ukrayna tərəfi isə bu qəzanın düşünülmüş olduğu qənaətindədir. Təyyarənin vurulması ilə bağlı açılmış İstintaq axtarış işinin də istiqaməti dəyişdirilidi.

Bu haqda Telegram kanalda yayımlanan mesajda bildirilir.


İran raketlə layneri səhvən vurduğunu etiraf etdikdən sonra Ukrayna Baş Prokurorluğu qəzanın araşdırılması ilə bağlı olan maddəni dəyişdirib.

Ukrayna Baş Prokurorluğu İrandan PS752 reysi ilə uçan təyyarənin qəzaya uğraması nəticəsində ölənlərin araşdırılması maddəsini dəyişdirib. . Bu barədə Ukraynanın nəzarət orqanının Telegram kanalında yayımlanan mesajda deyilir.

"İstintaq Cinayət Məcəlləsinin iki və ya daha çox insanın qəsdən öldürülməsinə və təyyarənin məhv edilməsinə görə məsuliyyəti nəzərdə tutan maddələrə əsasən davam etdiriləcək" deyə məlumat verilib.

Əvvəlcə, təyyarənin əqzaya uğraması faktı ilə Ukraynada "Hərəkətin təhlükəsizliyi qaydalarının pozulması və ya insanların ölümü ilə nəticələnən hava nəqliyyatının istismarı" maddəsi ilə cinayət işi açılmışdı

Xəbərdə, həmçinin, Ukrayna Təhlükəsizlik Xidmətinin Baş İstintaq İdarəsinin bu işi araşdıracağı bildirilib.


Yanvarın 11-də, laynerin qəzasından üç gün sonra, İran hakimiyyəti Ukrayna Beynəlxalq Hava Yollarına məxsus Boeing 737-nin səhvən raketlə vurulduğunu etiraf etdi. İslam İnqilabı Keşikçiləri Korpusunun Hərbi Kosmik Qüvvələrinin komandiri Əmir Əli Hacızadənin izah etdiyi kimi, hava hücumundan müdafiə sistemi operatoru Tehran hava limanından uçan təyyarəni qanadlı raketi kimi təsbit edib. Rabitə əlaqəsi kəsilməsi səbəbindən operator komandanlığa hesabat vermədən müstəqil olaraq laynerin vurulmasına qərar verib. İran prezidenti bunu "bağışlanmaz bir səhv" adlandırıb.


YENİSES.RU
Putin Liviyada rus muzdlularının ola biləcəyini dedi

Liviyadakı ÇVK Vagner-in muzdluları ilə bağlı sualı cavablandırıb. Vladimir Putin və Angela Merkelin Moskvadakı danışıqlardan sonra keçirdiyi birgə mətbuat konfransında Liviyada vətəndaş müharibəsi, hətta Vagnerin muzdluları məsələsi də qaldırıldı.

Rusiya Prezidenti Vladimir Putin Liviyada hərbi əməliyyatlarda iştirak edən rusların ola biləcəyini, lakin onların Rusiyanın maraqlarını təmsil etmədiklərini bildirib. Beləliklə, ijurnalistlərin dövlət başçısıı Liviyada ÇVK Vagnerin muzdlu muzdluların olduğunu təsdiqləyə bilərmi-sualına cavabını prezident belə cavablandırıb.

"Əgər (Liviyada - RBC) Rusiya vətəndaşı varsa, onlar Rusiya dövlətinin maraqlarını təmsil etmirlər" deyə Putin söyləyib. . Həniçinin onlar "Rusiya dövlətindən pul almırlar" deyə əlavə edib.


YENİSES.RU
CNN: Ukrayna təyyarəsi iki raketlə vurulub
ABŞ kəşfiyyatı yanvarın 8-də Tehran yaxınlığında qəzaya uğrayan Ukrayna təyyarəsinin bir yox, iki İranın hava hücumundan müdafiə raketi ilə vurulduğunu düşünür. Bu barədə CNN bu informasiyadan x'b'ri olan Amerika administrasiyasının işçilərinə istinadən məlumat verib.

ABŞ Konqressi Trampın İranla bağlı  hərbi səlahiyyətini məhdudlaşdırdı

Amerika Konqressi nümayəndələr palatası Trampın İran siyasətinə qarşı qqətnamə imzalayıb.

ABŞ Konqressi nümayəndələr palatası Amerika prezidenti Donald Trampın qanunvericilərin icazəsi olmadan İranla müharibə aparması ilə bağlı hərbi səlahiyyətlərini məhdudlaşıdran qətnaməni qəbul ediblər.

Yenises.ru-nun TASS agentliyinə istinadən verdiyi xəbərə görə sənədi 224 koqressmen dəstəkləyib, 194-ü isə əleyhinə çıxıb.

Qətnamə həmçinin ABŞ senatına göndərilib.

Bundan əvvəl Amerika Konqressi nümayəndələr palatasının spikeri Nensi Pelosi bəyan etdmişdi ki, konqressmenlər ABŞ vətəndaşlarını qoruma öhdəliyini yerinə yetirməlidirlər.

Xatırladaq ki, yanvarın 3-ü gecəsi Bağdad aeroportu yaxınlığında İram İslam İnqilabı Keşikçiləri korpusunun generalı Qasım Süleymani ABŞ -ın raketl hücumu nəticəsində öldürülmüşdü.

Yanvarın 8-də Tehran Süleymaninin qətlinə görə qisas əməliyyatı elan etmiş və İrakdakı iki Amerika bazasına raket zərbəsi endirmişdi.

YENİSES.RU


Qasım Süleymaninin qızı ABŞ-ı hədələdi
Öldürülən iranlı general Qasım Süleymaninin qızı Zeynab atasının dəfn mərasimində ABŞ və İsrailə bu qətlin sonucunun ağır olacağı xəbərdarlığını edib.

"Axmaq Trump, düşünmə ki, atamın ölümü ilə bağlı hər şey bitdi" -deyə Zeynəb bildirib.
Tanınmış vəkil Əziz Qəmbərovun namizədliyi qeydə alındı
2020-ci il fevral ayının 9-da Milli Məclisə növbədənkənar keçiriləcək seçkilərlə bağlı deputatlığa namizədlərin qeydiyyata alınması mərhələsi davam edir.

Əslən Kəlbəcərdən olan tanınmış vəkil Əziz Qənbərov 123 saylı Kəlbəcər Seçki Dairəsindən deputatlığa namizədliyini irəli sürüb. Əziz Qənbərovun namizədliyi Dairə Seçki Komissiyası tərəfindən təsdiqlənib. BU haqda vəkil özü məlumat verib. .

Qeyd edək ki, Əziz Qənbərov Azərbaycan Respublikası Vəkillər Kollegiyasının üzvüdür. O, həmçinin "Qarabağa Qayıdış" İctimai Birliyinin təsisçisidir.


Yenises.ru


Marşal Xəlifə Haftar Liviyada cihad və ümumi səfərbərlik elan etdi

Türkiyə parlamentinin Liviyaya hərbi qüvvə göndərilməsinə icazə verməsi barrikadanın o biri tərəfində olan Liviya Mlli Ordusunun komandiri, marşal Həlifə Haftardan cavab reaksiyası gəldi. Xəlifəni Liviyada qadınlar da daxil olmaqa, əli silah tutan hər kəsə silah veriləcəyini bildirdi. O, xarici qoşunlarla qarşıdurma və ümumi səfərbərlik və elan etdi.

Liviyalılara ünvanladığı videomüraciətdə hərbi lider ölkənin cihad elan etdiyini söylədi. RİA Novosti xəbər verir ki, silah hamıya - hərbi və mülki şəxslərə, kişilərə və qadınlara veriləcək.

Bundan əvvəl Tripoli hökuməti Liviyanın paytaxtına Xəlifə Haftar qüvvələrinin hücum edəcəyi təqdirdə Türkiyədən hərbi yardım istəmişdi. Söhbət hücumu dəf etmək üçün "hava, quru və dəniz" hərbi yardımdan gedir.

Xatırladaq ki, Türkiyə parlamenti yanvarın 2-də səs çoxluğu ilə Liviyaya türk hərbçiləri göndərməyə razılıq verib.

Yenises.ru
Türkiyə parlamenti Liviyaya hərbi qüvvə göndərməyə izn verdi

Liviyadan Türkiyəyə dəstək göndərilməsi lehinə 325, əleyhinə isə 184 millət vəkili səs verib. Birinci etapda türk hərbi mütəxəssisləri liviyalı döyüşçülərə təlim keçəcəklər. Əməliyyata qatılanların sayını prezident müəyyənləşdirəcək və bu məsələyə yanvar ayında baxacağı bildirilir.

Türkiyə parlamentariləri ordu qüvvələrinin Liviyaya göndərilməsini nəzərdə tutan qanun layihəsini təsdiqlədiyi barədə NTV kanalı məlumat yayıb.

Səsvermədə iştirak edən 509 deputatdan 184-ü qanun layuhəsinin əleyhinə, 325-i isə lehinə səs verib.. Birinci mərhələdə Liviya döyüşçülərini yetişdirmək üçün hərbi mütəxəssislərin göndərilməsindən söhbət gedir. Qanun layihəsində türk ordusunun Liviyaya bir illik göndəriləcəyi nəzərdə tutulur. Əməliyyata qatılanların sayını prezident təyin edəcək.

Yenises.ru
Araz Ağalarov  rus təqaüdçülərinin yoxsulluğuna işarə etdi
Rus və azərbaycanlı iş adamı, "Crocus Group" un prezidenti və sahibi Araz Ağalarov rusların aşağı pensiya və maaş aldıqlarını söylədi. Onun sözlərinə görə, buna görə ölkədə ÜDM (Ümumi daxili məhsul) artmayacaq.

Əhalinin gəlirləri indi çox aşağıdır və əhalinin gəlirlərinin artması olmadan ÜDM-in artması mümkün deyil. Forbes milyarderə istinadən bildirir ki, bu gün ölkədə orta pensiya 200 dollar civarındadır, bəzilərininki daha azdır, orta əmək haqqı da aşağıdır.

Ağalarov onu da qeyd edib ki, ölkədə istehsal çiçəklənə bilməz, çünki insanların istehsal olunan mallar və xidmətlər almaq üçün pulları yoxdur. O, onu da əlavə edib ki, vergilər çox yüksəkdir və azaldılmalıdır.

Yeтises.ru
Hollandiya Niderland oldu- I Pyotr səhvən Hollandiya dediyi üçünmü?
I Pyotrun səhvən Hollandiya adlandırdığı ölkə Niderland olaraq rəsmiləşdirildi. Adın dəyişdirilməsinin tarixi səhvin düzəldilməsi yönündən edilməsi versiyalardan biridir, amma əsası deyil...
Tarix : 14-04-2017, 19:09
Bir hadisənin tarixçəsi
Aşağıdakı hadisə təxəyyül məhsulu deyil. Təəssüf ki, keçən əsrin yetmişinci illərində baş vermiş, o vaxt respublikada böyük səs çıxarmış bu hadisənin dəyişdirilmiş adları arxasında real insanlar durur(du) və indiyə qədər bu əhvalatı dilə gətirməməyimin səbəbi hadisənin əsas icraçısının xatirəsini, onunla bağlı başqa əhvalatları gündəmə gətirməyə haqqımın olub-olmamasındakı əndişələrimdi. Bu gün hadisədən qırx ildən çox vaxt keçdiyinə görə içimdə ağır yük kimi qalan əhvalatı oxucuların müzakirəsinə verməyi qərara aldım.

FİLOSOF ASLAN

Əslində filosof deyildi. Sadəcə universitetdə sovet dövrü ali məktəblərinin təhsil proqramlarına uyqun olaraq indiki gənclərin adını belə eşitmədikləri “Dialektik materializm”, “Tarixi materializm” kimi əsli-əsası materialist dünyagörüşünü hafizələrə qazımaq məqsədi daşıyan fənləri tədris edirdi. Həmkarlarının çoxundan gənc, əksəriyyətindən savadlı və iddialı idi. Keçən əsrin yetmişinci illərində Azərbaycan Dövlət Universitetində sanballı professor-müəllim kollektivi vardı və onların respublikanın bütün ali məktəbləri arasında “bir baş yuxarı” olduqları danılmaz idi. Bu kollektivin içində də gəncliyi, ötkəmliyi, fenomen sayılacaq qədər mükəmməl hafizəsi, tələbələrlə səmimiyyəti, xüsusi tapşırıqla, vasitəçiliklə tələbə olanlara amansızlığı ona qarşı xüsusi münasibət formalaşdırmışdı. Bu münasibəti hamılıqla rəğbət adlandırmaq olmazdı, çünki bəzən onun sərbəstliyi “yuxarıları” qıcıqlandırır, işini gözəl icra etdiyinə görə də “müdirlərin” ona cəza verməsi imkanını məhdudlaşdırırdı. Fəhlə-kəndli tələbələr isə onun vurgunu idi. Mahiyyətcə yorucu, məntiqcə çətin olan dialektik materializm tələbələr üçün həm də marksizm-leninizm klassiklərinin mahiyyəti bir yana, heç adı dilə yatmayan əsərləri ilə yükləndiyi üçün ümumiyyətlə sevilməyən fənn idi. Aslan müəllim isə heç bir kağız, “konspekt” işlətmədən dövrün klassiklərindən, qədim yunan filosoflarından elə sitatlarla mühazirəsini zənginləşdirirdi ki, humanitar fakültələrdə dərs deyən ədəbiyyat müəllimləri də ona həsəd aparırdılar.

Filiosofsayağı qəribəliklərindən biri səhər tezdən Xəzərdə çimib sonra universitetə gəlməsi idi. Bir dəqiqə belə gecikməz, auditoriyaya girib tribuna arxasına keçərək əvvəlki dərsdə qaldığı cümlənin davamı ilə mühazirəyə başlayardı. Özündən sonra auditoriyaya girənləri çölə çıxarırdı. Ona görə onun dərsinə hamı vaxtında gəlməyə çalışır, gecikən isə içəri girməyə cəsarət etmirdi. Bir dəfə baş verən epizod bu sarıdan şübhəsi olanların bütün tərəddüdlərinə aydınlıq gətirdi. Atası ali məktəblərdən birində professor olan tələbə yoldaşımız adəti üzrə gecikdi. Amma o gecikmələr başqa dərslərdə olurdu və müəllimlər bizim şıltaq qızımızın xətrinə dəymirdilər. Aslan müəllim qapını örtüb yerinə keçmək istəyən qızın üzünə baxmadan “qapını o tərəfdən ört” dedi. Aytən (belə deyək), üzr istəmək yerinə şıltaqcasına və rusca “da ladno” deyib hərəkətini davam etdirmək istədi. Müəllimin sərt səsi ildırım kimi çaxdı: dərsə mane olma, çıx çölə! Səsin ahəngi qızın şıltaqlığını da özü ilə bərabər dəhlizə atdı.

Tələbələrlə çimərliyə gedər, voleybol oynayardı. Rusiyada, başqa ölkələrdə bu adi hal sayılır, amma ən azından o vaxt Bakıda müəllimlərlə tələbələrin belə yaxınlığı qeyri-adi idi.

Sərbəst, azadfikirli idi. Haqlı olduğu mübahisələrdə qarşısındakının çinindən, vəzifəsindən çəkinməzdi. Hətta belə bir epizod danışırdılar ki, növbəti iclaslardan birində rektor onu istəmədiyi, haqlı saymadığı addımı atmağa məcbur etmək istəyib. Etirazına rektor hədə-qorxu ilə cavab verib. Cavan müəllim hiddətlənərək stulu qaldırıb rektorun üstünə cumub. Bu epizod qadın dedi-qodusuna bənzəsə də, sonralar baş verən hadisələr həm Aslan müəllimin səbirsizliyindən, həm də rektorun onu universitetdən uzaqlaşdırmaq istəyini ağla gətirirdi.

Sonradan baş verən hadisələr isə təkcə müəllimlik karyerinə deyil, Aslan müəllimin həyatına son qoydu. Bu hadisələri eşidənlər, oxuyanlar “müəllim” adı ilə cinayətkar statusunu bir arada görmək istəməyəcək, törətdiyi cinayətə görə haqlı olaraq müəllim adını ona layiq görməyəcəklər. Amma dünyada baş verən minlərlə cinayətin icraçıları cinayət anınadək müxtəlif məsləklər daşıyıb, ömür boyu cinayətkar olmayıblar. Cinayətkarı törətdiyi cinayətə görə cəzalandırmaq nə qədər labüddürsə, cinayətəqədərki fəaliyyəti görüb dəyərləndirmək də o qədər zəruridir. Çünki həyat sırf ağ və qara rənglərdən ibarət deyil. Əslində elə bu iki rəngin arasındakı çalarlar həyatdır.

Moskvadakı bir təsadüfi görüş Aslan müəllimin həyat dramının incəliklərini dəqiqliklə bilməyimə imkan yaratdı.

...Bakıda eyni vaxtda Universitetdə oxumuşuq. O hüquq, mən jurnalistika fakültəsində. O məndən bir kurs yuxarı oxuduğuna, hüquq fakültəsində oxuyanların əksəriyyəti himayədarlıq vasitəsilə tələbə olduqlarına, bizim əsas binalarımız fərqləndiyinə və onlarca belə “xırda-para” səbəblərə görə bir-birimizi tanımamışıq. Tələbəlik illərində heç öz fakültənin yuxarı kurslarında oxuyanları düz-əməlli tanımırsan, o ki qaldı başqa fakültələr. Universiteti bitirdikdən sonra Kamil uzun müddət Türkmənistanda işləyib, məsləyində yüksək zirvələrə qalxıb. Hüquq elmləri doktoru olub. Bir müddət Azərbaycanda yaşayıb. Sonra Moskvaya gəlib. Doğrusu onun həyatının öz keşməkeşləri var, amma 2012-ci il iyul ayının 22-də görüşərkən aramızda olan söhbət vaxtilə ikimizin də sevimli müəllimimiz olan Aslan Sərdarovla bağlı oldu və onun danışdıqları məni həm sarsıtdı, həm də bir çox müəmmalara son qoydu. Yuxarıda göstərdiyim kimi, Aslan müəllim bir qızı öldürməkdə ittiham edilib ən ağır cəzaya məhkum edilmişdi. Mən Aslan müəllimin məhkəməsində iştirak etmişdim və o vaxt hamımızda, hadisənin məğzini bilmədiyimizdən, belə şübhə vardı ki, deyəsən əsil cinayətkar başqasıdır, onu isə prinsipiallığına görə haqsız cəzalandırırlar. Aradan 35 ildən çox vaxt keçəndən sonra öyrəndim ki, Kamil müəllim o vaxt tələbə kimi Yasamalda universitetin yaxınlığında milis idarəsinin istintaq bölməsində praktikaya gedirmiş. Şübhəli qismində tutularaq milis şöbəsinə gətirilmiş Aslan müəllimlə də hər gün görüşür, ona yemək gətirirmiş. İfadəsini almaq üçün ona göstərilən təzyiqlərə baxmayaraq Aslan müəllim uzun müddət cinayəti etiraf etməyib, lakin sonunda vicdan əzabımı, döyülmələrə tab gətirməməsimi bir gün onu məhz Kamilə etiraf etməyə məcbur edib.

Kamil Hacıyev: “Məni döyənlərdən birini tanıyıram,--dedi mənə. Başına plastik torba keçirib döyürlərmiş və arabir də həmin torba-paketlər yırtılırmış. Bir gün mənə dedi ki, otur sənə bir şey deyəcəm. Bu cinayəti mən törətmişəm, amma o müstəntiqlərə demək istəmirəm. Mən o dəqiqə tezliklə baş verə biləcək hadisələri təsəvvürümə gətirdim və ağladım. İndiyə qədər cinayəti onun törətdiyinə şübhə edirdim, indi həqiqəti eşitsəm də onun güllələnməsini istəmirdim. O vaxt Azərbaycan Cinayət məcəlləsi ağır cinayətlərə görə ölüm hökmü nəzərdə tuturdu. Ona ürək-dirək verməyə çalışdım, dedim Allah böyük, rəhmi çoxdur, amma etirafla məsələ həll olunmuşdu. Mənə elə gəlirdi ki, bir həftə də etiraf etməsəydi, buraxılacaqdı, buraxıla bilərdi. Cinayəti onun törətdiyini sübut edən bir dəlil yox idi ortada. Öldürülən qıza universitetdə əlavə dərs verirmiş, bu zaman da aralarında intim münasibət yaranıb. Uzun müddət belə münasibətlər davam edib. Yaşı otuzu çoxdan keçməsinə baxmayaraq ilk dəfə nişanlanan Aslan müəllimin toyunun yaxınlaşdığı vaxt tələbə qızın ona problem olacağından, məsələ açılarsa el içində rüsvay olacağından təşvişə düşərək qızdan radikal şəkildə yaxa qurtarmağı qərara alır. İdmanla müntəzəm məşğul olurdu. İdman qantelini bir zənbilin içinə qoyub qızı Qanlığöl deyilən yerə dəvət edir. Gölün sahilində qantellə onu öldürərək çəsədi və qanteli gölə atır. Cinayətkarın cinayət yerinə aparılması əməliyyatında mən də iştirak etdim. O qanteli atdığı yeri göstərdi və dalğıc suya baş vurub qanteli çıxartdı və şəkillər çəkildi.

Etiraf edəndən sonra məndən bir qutu siqaret istədi. Gətirdim. “Mənim ömrüm başa çatıb,--dedi,--deyəsən”. Yanına vidalaşmağa gələn qohumlarını görəndə ürəyim parçalandı. Fağır, sarsıntıdan beli bükülmüş insanlardı. Hamısının qürur yeri olan bu cavan oğlan həyatda hər şeyi öz zəhmətilə qazanmışdı. Əfsuslar olsun ki, bu son vəziyyəti də".

Aradan bir müddət keçdikdən sonra Sibirə göndərildiyini, az sonra da hökmün icra edildiyini dedilər. Atası da bu ağır xəbərə dözməyib dünyasını dəyişdi.

Cəfər Sadıq,
Moskva




Baxış: 551 | Bölmə: Sosial, slayd1
Fikirler
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru