Moskvada azərbaycanlıların restoranında kütləvi dava
Moskvanın cənub-şərqində, Peçatniki rayonunda yerləşən “Neolit” retoranında 100-ə yaxın adamın iştirakı ilə silahlı dava olub. Bu haqda REN TV məlumat verib.
Putin «Qanuni oğru”lar üçün cəzanın ağırlaşdırılmasını təklif edir
“Qanuni oğru” adını daşımaq cinayət hesab edilərək, ona ağır cəza istənlən qanun layihəsi Dövlət Dumasına təqdim edilib.

RF prezidenti Vladimir Putin Dövlət Dumasına kriminal cəmiyyət yaratmaq, orada iştirak və rəhbərliyə görə cinayət cəzasının ağırlaşdırılmasını tələb edən qanun layihəsini təqdim edib. Bu haqda “Rosbalt”ın müxbiri məlumat verib.

Kristof  Xoysgen  Moskvanın Minski 2015-ci ildən işğal etdiyini deyib
BMT Təhlikəsizlik Şurasının Almaniya üzrə nümayəndəsi Kristof Xoysgen Ukraynada vəziyyəti müzakirə sırasında Rusiyanın 2015-ci ildən Minski işğal etdiyini bəyan edib. Bu haqda RİA Novosti məlumat verib.

Rusiya qazın  Ukraynadan tranzitinə  razıdır, lakin şərti var
Rusiya XİN-yi qazın Ukrayna ilə tranzitinin yalnız onun şərtləri əsasında davam etdirilməsinə razı ola biləcəyini bildirib. Bunu "RİA Novosti"-yə müsahibəsində RF xarici işlər nazirinin müavini Aleksandr Pankin bəyan edib.


Amerika höküməti   ABŞ-da emmiqrasiya və vətəndaşlıq xidmətinin Moskva bürosunu bağlayır
Amerika hökümətinin ABŞ-da emmiqrasiya və vətəndaşlıq xidmətinin Moskva bürosunu martın sonunda bağlalayacağı haqqnda təşkilatın Тwitter səhiəsində xəbər verilib.
"Exo Moskvı"nın Pskov redaksiyasına yoxlamaya  gəldilər
Hüquq-mühafizə orqanları "Exo Moskvı" radiostansiyasının Pskov redasiyasını yoxlamaya gəliblər. Bu haqda Pskov şöbəsinin redaktoru Maksim Kostikov məlumat verib.

Bundan əvvəl radiostansiyanın Pskov redaksiyasının jurnalisti Svetlana Prokopevanın evində istintaq axtarış işləri aparıldığı bildirilmişdi. Ona qarşı terrorizmi dəstəkləmək suçundan cinayət işi qaldırılıb (RF CM 205 maddə) deyə Kosktkov söyləyib. Cinayət işinə Prokopevanın FSB-nin Arxangelsk idarəsində baş verən partlayışla bağlı yazısı səbəb ola biləcyi ehtimalından "Pskovskaya quberniya" nəşri yazıb. Nəşrin məlumatına görə bu material Pskov xəbər xəttində dərc olunub (hazırda oradan silinib), amma materialın "Exo Moskvı" radiosunun Pskov şöbəsinin müəllifinə aid olduğu deyilir.

İstintaq Komitəsi Arxangelskdə FSB-nin binasında baş verən terrordan sonra cinayət işi qaldırıb. Qeyd edək ki, 2018-ci ilin oktyabrının sonunda FSB-nin Arxangelsk vilayəti üzrə idarəsində partlayış baş verimişdi. İstintaq Komitəsinin versiyasına görə bombanı binaya 17 yaşlı yerli sakin gətirib və qurğu əlində işə düşdüyü üçün özü də partlayışda ölüb. Bu işlə əlaqədar ölənlə ünisyyətdə olan 14 yaşlı məktəbli saxlanılıb.

Yenises.ru
Mərhum rejissorumuz Mərdan  Feyzullayevin 60 illiyi ilə əlaqədar anım mərasimindən
Pərdəarxasının önü və ya önün pərdəarxası

Remarka. Köklü- budaqlı küknar. Qaranlıq sənhə. Bir azdan o qaranlıqdan süzülən aydınlıq geriyə-tarixə işıq tutacaq.
Kadrarxası səs: Bu gün bu qoca küknarın altında toplaşan onlarla nağıl qəhrəmanı onlara can verən öz qəhrəmanlarını anmaq üçün səhnəyə çıxacaqlar...
Rusiya rəsmiləri Venesuelaya rus muzdlularının göndərilməsi xəbərini təkzib edir

Verilən bəzi məlumatara görə onlar prezident Maduronu qoruyur.

Moskva Ukrayna, Suriya prezidentlərini xilas etsə də, 17 milyard dollar vəsait qoyduğu Venesuela prezidentinə hələ ki, heç bir yardım etmir. Hər halda yardım haqqında heç bir rəsmi bəyanat yoxdur. Amma "Reuters" agentliyi təsdiq edir ki, qeyri-rəsmi olaraq Ukraynanın cənubunda, Suriyada vuruşan, eləcə də Afrikanın bir sıra ölkələrində hərəkət edən ÇVK "Vaqner"adlanan dəstənin döyüşçüləri ora göndərilib. Məlumatlarda o da bildirilir ki, birinci dəstə prezident seçkilərnə qədər, ikinci dəstə isə bir müddət əvvəl ora gətirilib. Onlara Maduranı aralarında cəsus olma ehtimalına nəzərə alaraq öz mühafizəçilərindən qorumaq tapşırılıb.
Vladimir Putin Venesuelaya hərbi dəstə göndərdi
Vensuelanın prezidenti Nikolas Maduronun mühafizəsi üçün ölkəyə xüsusi hərbi şirkətin (ÇVK) rus muzdluları gətirilib.

Xarici mətbuat xəbər verir ki, ola bilsin ki, ölkədə Rusiyanın maraqları üçün Suriyada və Ukraynada vuruşmuş 400 rus hərbi muzdluları var.

Rusiya muzdluları Venesuelaya etiraz aksiyaları balayandan sonramı gəlib, yoxsa onlar artıq o ölkədə varmiydı-bu haqda Rusiya mətbuatında dəqiq məlumatı verilmir-deyə Lenta.ru qeyd edib.


Yenises.ru
"Köpəklər kimi": Kuzbas məktəbliləri yeməkxanada nə yediklərini göstərdilər-VİDEO
Kuzbass yeniyetmələri məktəb yeməkxanasında verilən keyfiyyətsiz qidalardan şikayət ediblər.

Şagirdlərə verilən həddindən artıq bişdiyindən qaşıqla qarışdırıldıqda boşqabda xəmirə dönən makaron yeməyinin videosu paylaşılıb.

"Əsl itlərə verilən kimi", - videonun müəllifi belə qeyd edib.
Krım  AŞPA-nın Kerç boğazı ilə bağlı  tələbini  rədd etdi
AŞPA-nın Kerç boğazındakı təxribatdan sonra saxlanılan Ukrayna əsgərlərini azad etmək tələbləri məntiqsizdir. Belə bir bəyanatla millətlərarası əlaqələr üzrə regional parlament komitəsinin sədri Yuri Gempel çıxış edib.

Zaxarovadan Çubaysa cavab:"Dom-2"-ya baxdığını bilmirdim"
RF xarici işlər nazirliyinin rəsmi nümayəndəsi Mariya Zaxarova ilə "Rosnano" başçısı arasındakı sözlü "atışma" davam edir. Anatoli Çubays Mariya Zaxarovanın ironiyasına cavab olaraq ""yerinin Dom-2" olduğunu göstərmişdi.

Mariya Zaxarova yenə də ona cavabı ləngitməyib. Çubaysın fikrinə özünün Facebook səhifəsindən bu fikirlərlə qarşılıq verib: "Mən Anatoli Borisoviçin "Dom-2" proqramına baxdığını bilmirdim".

Yenises.ru

Çubays Zaxarovanı Buzova ilə əvəz edin dedi
Zaxarova teleşouya, Buzova siyasətə. Zaxarova ilə mübahisəni qiyabi davam etdirən Çubays belə tövsiyyə edib.

"Rosnano"nun başçısı Anatoli Çubays RF XİN-nin rəsmi nümayəndəsi Mariya Zaxarova ilə aralarındakı mübahisni qiyabi olaraq davam etdirərək, onun yerinə teleaparıcı Olqa Buzovanın qoyulmasını məsləhət görüb.
ABŞ İrana sanksiya siyahısını genişləndirdi
ABŞ hökümətinin İrana qarşı sanksiya siyahısını genişləndirməsi barədə Reuters agentliyi məlumat verib.

Əvvəllər məhdudiyyət siyahısına düşmüş Mahan Air aviakompaniyasından başqa, İslam İnqilabı Mühafizə Korpusu ilə bağlı təşkilatlara qarşı da sanksiya qoyulub.

Bundan başqa Ermənistanın Flight Travel kompaniyası, həmçinin İranın Qeshm Fars Air və ona aid olan iki Boeing 747 təyyarəsi də sanksiya siyahısındadır.

Bir müddət əvvəl Axios intenet nəşri məlumat vermişdi ki, İran ABŞ-ı nüvə razılaşmasına görə "cəzalandıra"bilər.

Yenises.ru

Rusiyada  mətbuatda  "saxta informasiya yaymağa görə" cəza qanunu gəlir

Rusiyada cəmiyyətə və dövlətə ünvanlanan ədəbsiz ifadələr, təhqirlərə görə cəza qanunu yoldadır. Duma birinci oxunuşda sənədi qəbul edib. KİV-də dəqiqlədirilməmiş informasiya yayılmasına görə isə 1 milyon rubıa kimi cərimə cəzası gözlənilir. Prokurorluq əvvəl bu layihəyə qarşı çıxsa da, sonradan onunla razılaşıb.


Dövlət Duması mətbuatda saxta məlumatların yayılması üçün cəza tələb olunan qanun layihəsini ilk oxunuşda qəbul edib. Layihənin 336 nəfər lehinə, 44 nəfər əleyhinə səs verib.
XİN  Rusiya ÇVK-sının başqa bir ölkədə  də olduğunu  etiraf etdi
Rusiya xarici işlər nazirliyi Sudanda dövlətlə əlaqəsi olmayan rus özəl mühafizə kompaniyasının (ÇVK) olduğunu təsdiq edib. Bu barədə RİA Novosti-yə qurumun nümayəndəsi Mariya Zaxarova məlumat verib.

Onun sözlərinə görə rus firması sırf Sudanın güc strukturları üçün kadr hazırlığı ilə məşğul olur. O, onu da əlavə edib ki, bununla bağlı istənilən digər xəbərlər yalandır.

Yanvarn 15-də Rusiyanın Xartumdakı səfirliyinin mətbuat attaşesi Vladimir Tomski bu mövzuda danışmışdı. O, Sudanda kütləvi aksiyaların qarşısını almaqdan ötrü hökümətin rus muzdlularıın yardımından bəhrələndiyi məlumatını şaiə adlandırmışdı.

Öklədə yanacağın və çörəyin qəfil bahalaşması ilə əlaqədar nümayişlər və ondan sonra qarmaqarışıqlıq başlamışdı. Bu müddətdə 20 -dən çox adam ölmüş, və aralarında siyasi fəallar və jurnalistlər də olmaqla 800-dən çox adam həbs edilmişdi.

Hələ 2018-ci ilin noyabrında xəbər verilmişdi ki, milyonçu Yevgeni Priqojinin adı ilə bağlı olan muzdlular bir neçə Afrika ölkəsində təhlükəsizlliyi təmin etmək xidməti ilə məşğuldur. Onlar arasında Konqo Demokratik Respublikası, Sudan, Liviya, Madaqasqar, Qvineya, Anqola, Mozambik, Zimbabve, Mərkəzi Afrika Respublikası da var.

O da deyilir ki, biznesmen muzduların və siyasi ekspertlərin köməyi ilə silahdan istifadə və seçkiqabağı kampaniya təşkil etməyi öyrədir. Bu xidmətin əvəzində faydalı qazıntılar çıxarmaq imkanı qazanır-deyə sənəddə göstərilir.

Bununla yanaşı, XİN-də qeyd edilir ki, Mərkəzi Afrika Respublikası ərazisində olan rusiyalı mütəxəssislər ölkənin silahlı qüvvələrinin güclənməsinə yardım edir və onları heç bir şəkildə "muzdlu kateqoriyasna" daxil etmək olmaz.

Yenises.ru
V.Solovyev Italiyada villası olması ilə  bağlı : "Çox qazanıram və  istəsəm yenə alaram"

Rusiyanın məhşur teleaparıcısı Vladimir Solovyev müxalifətçi Aleksey Navalnının ona məxsus İtaliyada daha bir villası olması araşdırmasına aydınlıq gətirib. O, The Insider-ə açıqlamasında dövlət qulluqçusu olmadığını və İtaliyada daşınmaz əmlak almaqla qanunu pozmadığını bildirib.


Baş prokurorluq Çeçenistanın qaz borcunun silinməsinə qarşı çııxdı

RF baş prokurorluğu Çeçenistan prokuroruna "Qroznı regionlararası Qazprom" kompaniyasının əhalinin qaz borcunu siliməsi əleyhinə arqumentlərini nəzərə alaraq, onu dəstəkləməyə çağırıb. Bu haqda RİA Novosti məlumat verib.

Baş prokurorluqdan onu da bildiriblər ki, regional prokurorluğun borcun silinməsu ilə bağlı məhkəmə iddiası əsassızdır. Eyni zamanda federal qurum Çeçenistan prokuroru Şarpuddi Abdul-Kadırova prokurorluq orqanlarının təşkilatların əməliyyat və iqtisadi fəaliyyətinə müdaxilə etməsinin yolverilməz olduğunu göstərib.

Bundan əlavə Baş prokurorluqda izah ediblər ki, mövcud qanunvericilikdə debitor borclarının silinməsində iddianın müddətinin başa çatması yeganə şərt deyil.

Bundan əvvəl "Qazprom" dövlət şirkətinin "Regionlararası Qazprom" fillialınn mətbuat xidməti Çeçenistan Respublikası sakinlərinin qaz borcunun 9 milyard rubldan artıq oduğunu müəyyənləşdirmişdi.

"Qazprom"unn filialı yanvarın 21-də çeçen məhkəməsinin borcun silinməsi ilə bağlı çıxartdığı qərarla razılaşmayaraq şikayət edib. Çeçen prokurorluğu yanvarın 18-də məhkəmənin çıxardığı qərarı dərc etmişdi. Qərarda qaz borcunun silinməsinin vacibliyi qeyd edilməklə yanaşı, sıravi sakinlərin etirazına səbəb olaraq ictimai təhlükəyə yol açacağı deyilirdi.

Yenises.ru
Tarix : 6-12-2018, 00:00
M ənd M-5
"Cəfər, ey nuri-didəm!"
və yaxud Vətənləşmiş Fərdlərin Fəxarət Minbəri


Adam var, onunla ya dünyanın Amerika qitəsində, ya da Lənkəranın Kərgəlan qitəsində-parçasında rastlaş, fərq eləməz: Fatmanisəylə Tükəzbandan danışarsan, uzaqbaşı da Xudayar bəylə Vəliqulunun eşşək sövdələşməsindən!
Adam var...
Adam var...
Adam var... - bu adamlar şahmat, yazı, mədəniyyət, idman, kino adamıdı, danışarsan e, amma bu var adamlarla ya evindən çıxıb metroyacan gedərsən, ya da uzaqbaşı AYB-yəcən, lap elə üzə salıb, tumanı başa çəkib, Prezident Aparatına da qəbula sala bilərsən: nə düşüncəsi boy verir, nə elmi-intellekti, nə yaradıcılığı, nə də patriotizmi. Tatıboylullardı - indi durub kəsəsi, asası, öldürəsi, atası da deyilik: bu gözəlim Vətənin hər halıyla hər alisinə də, hər mürtədinə də cavabdehik! Amma bircə şərtlə: adamımız kimdi, onusa da bilək, tanıyaq. Akulanın da, qarışqanın da bir orbitdə yaşadığı dünyadı e!

Həəə, adam da var... onunla harda görüşsən, ancaq və ancaq Vətəndən danışarsan, o vətəndən ki, xəritəsinə, - istər 16-cı əsrin olsun, istər 21-ci əsrin, - baxanda ayağının suyu qaçır, əlin üzündə qalır, dalğaların qarışır, dalağın sancır, başın drandulet "Moskviç-412"-nin sıradan çıxmış səsboğucusu kimi uğuldayır və tüstü verir! 16-cı əsrdəki möhtəşəmlik, 21-ci əsrdəki miskinlik Marsdakı temperaturla Günəşdəki iqlim fərqi qədər kontrast yaradır! Və nə yaxşı da ki, belə adamlar hələ də var! Var və bəs edir ki, Azərbaycan var olsun! Mən onlara 1997-ci ildə "Vətənləşmiş Fərdlər" demişəm, yazmışam, yaymışam. Birinci Rafiq Qurbanova - Osman Sarıvəllinin Ənvər Sadatdan sonra ABŞ-da Oval kabinetə iki aylıq viza alan Yer üzündə ikinci şəxs, üç ölkənin sərhədindəki kənddə doğulan oğluna! Moskvada Rusiya EA-nın nəşr etdirdiyi "XIX-XX əsr Rusiya filosofları" kitabına adı salınan 3 azərbaycanlıdan birinə: fizika fəlsəfəsi üzrə elmlər namizədinə. Oğlu Ərcan (indi türklükdən danışanların saxlancına: xanımı rus olan Rafiq müəllim sovet dövrünün qadağalı illərində ruslar düşüncəsində "NATO Türkiyəsi" tutsa da, Rafiq müəllim - ruhu Türk qanıyla pərvəriş tapan Azərbaycan oğlunun bu genetik sədaqətinə etiraz etməyə səbəb tapmamışdı!) hələ 90-cı illərin ortalarında Amerikada Azərbaycan adına "Caspian" jurnalı buraxırdı - Azərbaycanda ona nəinki dolma, piti, qurutlu xəngəl, başıxamırlı tut arağı, heç "sosiska" da yedirtməyiblər bir dəfə də!

Və mən o vətənləşmiş Rafiq Qurbanovun hesabına Cəfər Sadiqin də nəhəngliyini bildim.

Əslində, Cəfər Sadiq adını Ustad Şakir Yaqubovdan eşitmişdim. Sonralar yadımda "Qorbaçovun milli məsələlər üzrə xidmətində məsləhətçi" olaraq qaldı. Ta həqiqət necəydi, haracan idi, orasını dəqiqləşdirməyə mənim nə zamanım vardı, nə həvəsim, etiraf da edim ki, o qədər böyük düşünən başım da yox idi! - nəzərə alın ki, mən ikinci kurs tələbəsiydim... Ancaq 1997-ci ildə eşitdiyim Böyük və Nəhəng Azərbaycan adları içərisində Cəfər Sadiqi aramağa həmən cəhd etdim: vizit kartını da aldım tədbirlərin birində. 90-cı illər sona çatdı - yenə bir qələt edəmmədim... bu dəfə maliyyə problemlərim mane oldu!

2000-ci illərin ortaları və ilk dekadasının son illərində bir daha cəhd etdim - bu dəfə isə "məcburi ezamiyyət" qoymadı. Artıq ikinci dekada başa çatır!

O deyirlər e, yetər ki, istə, alınacaq! Düz 25 ilə alındı bu görüş!

Bu 25 ildə vicdanımın qarşısında da, oxucu və vətən hüzurunda da alnıaçığam: nə Cəfər Sadiqi unutdum, nə də laqeyd qaldım. "Vizitka"sını aldım, bir yazısına replikavari cavab da yazdım və onun "yaddaş bölümü"nə adımı mesajladım.
Kimdir Cəfər Abbasov soruşmağa tələsin də, ay başınıza dönüm, neyləyrsiniz axı mənim özümdən başqa bir kimsə üçün avtobioqrafik mahiyyətdən artıq dəyəri olmayan xatirələrimi?

Cəfər Abbasov Azərbaycan KP MK-nın birinci katibləri Heydər Əliyev, Kamran Bağırov, Əbdürrəhman Vəzirov, Ayaz Mütəllibov, müstəqil Azərbaycan Respublikasının Prezidentləri Ayaz Mütəllibovun və Heydər Əliyevin şəxsən tanıdığı bir SSRİ miqyaslı dövlət təmsilçisi ranqında olan jurnalist! Tərcüməçi!

Və Kamran Bağırov, Əbdürrəhman Vəzirov şəxsən israr eləsələr də ki, nəsə bir xahişdə bulun, heç bir təmənna ummayan və heç nə istəməyən jurnalist!

Halbuki... indi ölkədə adı məşhur olan bizim bir həmkarımız üç dəfə Ayaz Mütəllibovla görüşmək şansından yararlanaraq, 3 ədəd ev qoparmışdı, indi də ailəsi həyasızcasına yazır ki, evimiz yoxdu, biz filankəsin ailəsiyik!

Halbuki... Heydər Əliyevdən "Nezavisimaya qazeta"da yazdığı cəmi bircə yazıya görə az qala səfir təyin olunan, ardınca da az qala "xarici diplomatiya necə və nəyin üstündə qurulmalıdı" ağlını vermək, dərsini keçmək qədərincə jurnalistimiz olub!

Halbuki... Azərbaycan KP MK-nın birinci katibləri Heydər Əliyev, Kamran Bağırov, Əbdülrəhman Vəzirov, Ayaz Mütəllibov, müstəqil Azərbaycan Respublikasının Prezidentləri Ayaz Mütəllibov və Heydər Əliyev dəqiq bilirdilər ki, Cəfər Abbasov həmin o qanlı-qadalı hərtərəfli mühasirə və müharibə illərində xidməti vəzifəsini də, öz həyatını da zərbə altında qoyaraq nə fədakarlıqlar edirdi... Azərbaycan adına!


Bilirsiniz kimdi Cəfər Abbasov?

O sizə sual verirlər e, qınaq edirlər e, "jurnalist var Azərbaycanda, azərbaycanlı jurnalist var?", bax o sualın cavabıdı Cəfər Abbasov! Var o jurnalist və o jurnalistin adı, soyadı Cəfər Abbasovdu! Cəfər Sadiq. "Nezavisimaya qazeta"nın kart-blanş verdiyi İsim-İsmimiz! "Kart-blanş" bilirsiniz də nədi? - kart-blanş verilən jurnalist evində oturub yazdığı yazını qəzetdə onun üçün bronlanmış köşə ərazisinə birbaşa atır: bir kimsə redaktə və "mıqq" edə bilməz!


Nəzərinizə çatdırım: "Nezavisimaya qazeta" rusca çıxır. Qəzetin sanbalı, oxucu kontingenti, ictimai-siyasi və mətbu nüfuzu o qədər böyük idi ki, sahibi Boris Berezovskinin əlindən almaq üçün çox böyük planlar cızıldı və dövlət nəzarətinə götürüldü!

Cəfər Abbasov SSRİ miqyasında qəbul olunan qanunların müttəfiq respublikalara, müttəfiq respublikalarda qəbul olunan qanunların əksinə transferi-uyğunlaşdırılması və transleyti-tərcüməsi ilə məşğul olan nəhəng bir strukturun rəsmi əməkdaşı olub - Georqadze, Lukyanov (hələ onda sədr olmayıb) kimi nəhənglərdən "dobro" alıb.

Yəqin ki, ordan-burdan da olsa eşitmisiniz ki, bir hərf səhvi üstündə adamları güllələyən ölkə olub SSRİ - Cəfər Abbasov o ölkədə "tuda-obratno" tərcüməçi işləyib ən ali strukturda. İndi əlində qrant, dalında pa...tron olan düdəmələrin "jurnalistəm" iddialarını gördüyüm üçün vurğulayıram e!

Cəfər Abbasov həm də o nümunədi: əgər lazımdısa beynəlxalq miqyasda özünütəsdiq və bunun üçün ilk olaraq onda rus, indi ingilis dilini bilmək gərəkirsə, bunu etmək lazımdı! Edib də!

... Bir dəfə qızım dərsdən çətinlik çəkirdi, uşaqa psixoloji baryer olmasın deyə, bildirdim ki, ata hər gün evə tez gələr və səninlə bütün dərsləri oxuyar, istəyərsən, ata da səninlə ali məktəbə girər!

Əlbəttə ki, bunu dedim və etmədim, daha doğrusu, edə bilmədim, mənə qismət olmadı yazılarımda təbliğ etdiyim dəyərləri həm də həyatda özüm yaşayım!

Ancaq bunu demədən edən həmkarımı tanıdım! Onun da adı Cəfər Abbasovdur!

Sergey Mironoviç Kirov adına Azərbaycan Dövlət Universitetinin (bir ara Məmməd Əmin Rəsulzadənin adına olan indiki BDU) jurnalistika fakültəsini bitirsə də, iki dildə sərbəst yazıb-yaratsa da, qızına ruhi və mənəvi dəstək olmaq üçün onunla birgə hazırlaşıb və... Moskva Dövlət Universitetinin hüquq fakültəsinə qəbul olunublar!

Cəfər müəllimin yazılarını sevə-sevə oxumuşam, ən azından ona görə ki, bütün yazılarında jurnalistikanın məhək prinsiplərinə əməl edib: humanizmi-xoşgörülüyü, pozitivliyi və qloballaşmanı, milliliyi qorumaqla bəşəriliyin sintezini təbliğ-təşviq edib, olduğu hər yerdə vətən boyda böyük olub.

Bax buna görə deyirəm adam var ki, harada görüşsən... vətəndən danışarsan! Pafos deyil: SSRİ Ali Sovetinin tərcüməçisi ilə başqa nədən danışarsan ki? Lənkəranda xiyarı necə şorlayırlar, ya Şəkidə pitini necə bişirirlər? Bəlkə Qazax xəngəli ilə Tovuz xəngəlinin fərqindən? Gəncə dovğasıyla Bakı düşbərəsinin müzakirəsi nəyi həll edəcək ki? Adam hər gün 15 ölkədən gələn məlumatlara görə verilən təlimatların analizini görüb, qanunçuluğun və qanun yaradıcılığının milli və beynəlmiləl konsepsiyalarının məğzini bilib, dövlətlərarası və ölkədaxili problemlərin həllində həlledici və taleyüklü qərarların necə və niyə, hansı prinsiplərlə verildiyinin şahididi, sən indi durub ondan Ziya Məmmədovla Kəmaləddin Heydərovun klandaxili savaşındanmı danışarsan?

Cəfər Abbasovla ancaq vətəndən danışmaq olar!

Cəfər Abbasovla ancaq Azərbaycan dilinin gözəlliyindən danışmaq olar - minimum rus dili ilə əlaqədə çatan və çatmayan, əskik və artıq, zəif və üstün olan incəliklərdən söz açıb, gələcək nəslə çatdırmaq üçün ideya əldə etmək olar!

Siyasətçi və dövlət adamı doğruçu olmaqla bərabər, həm də pedant olmalıdı, hiyləgər olmalıdı, dövləti maraqları, konyunkturanın tələblərini bilməlidi, populizmi siyasətlə və politikayla qarışdırmamalıdı - bu fikirlər ancaq və ancaq Cəfər Abbasovla söhbətdən, təmasdan yarana bilər.

Cəfər Abbasov bəlkə bir 40 ildi Azərbaycandan çıxıb - Cəfər Abbasov bəlkə də 40 azərbaycanlının 40 ildə birlikdə edə bilmədiyi yaxşılığı, verə bilmədiyi töhfəni verib Azərbaycana!

Cəfər Abbasov həm də bu 40 ildə 40 ildi Azərbaycanda yaşayıb 40 ildə Azərbaycanda olmayan kimilərin boşluğunu doldurub varlığıyla!

... Nəhayət ki, görüşümüz alındı. "Polyanka" metrostansiyasının qabağına təyin olunan görüş vaxtında gözlərim onu axtaranda, doğma və şirin səslə "gözləyirdin ki, bir cavan ucaboy oğlanla qarşılaşacaqsan?" müraciətini eşitdim.

Həqiqətən də elə idi və baxmayaraq, Cəfər müəllim özünü yaşlaşmış, ortaboylu sayır, amma o, Azərbaycan dövləti durduqca, onun tarixi yazıldıqca, oxunduqca, onu uzun illər Moskvadakı ucaboylu, yaraşıqlı bir oğlan - vətəndaş kimi xatırlayacağıq, bizi belə təmsil edib, tarixin yaddaşında da belə qalacaq!


Cəfər müəllimlə çay süfrəsi arxasında... vaxtilə bir redaksiyada işlədiyimiz rəhmətlik Akif Qəhrəmanovu xatırladıq. Azərbaycan tərcümə məktəbinin nəhənglərindən olan Cəlil müəllimi xatırladıq - birini şəxsən tanıyırdım, birinin tərcümələrini teletayp lentindən daşımışdım, oxumuşdum, öyrənmişdim!

Cəfər müəllimlə insanların xeyirxahlığından danışdıq, savada, istedada, intellektə dəyər verən insanları yad etdik!
Və taleyin bu gözəl qismətinə mən minnətdar idim!

Mənim dədəm-nənəm, qohum-əqrəbam, lap elə həyatdakı və fb-dəki dostlarım məni çox kasıb, yersiz-yurdsuz saya bilərlər. Amma mən hər dəfə deməkdən yorulmayacağam: dünyanın xoşbəxti də mənəm dünyada, ən varlı Azərbaycanlısı da.

A kişi, mən Vətənləşmiş Fərdlərin Fəxarət Minbərində millətinə "azan" oxuyan peyğəmbər kimi övladlarını görmüşəm!

Bunun həzzi bilirsinizmi nə qədərdir? - nə Mayami, nə London, nə Tokio: hər üçündə ilan da var, qurbağa da, akula da, qarışqa da! Nə fərqi olacaq ki, mən öz "Mayamimi, Londonumu, Tokiomu" - Cəfər Abbasovumu tanımaramsa, görmərəmsə, anlamaramsa? O hansı dadlı yeməkdi, içkidi - qurutlu xəngəl, "ustritsa" (ilbiz), "omar-krab" (xərçənglər) - ki, Cəfər Abbasovun keçmişindən, indisindən, gələcəyindən danışdıqlarından dadlı olacaq?

O hansı dəbli paltardı, parfyümeriyadı - Armanidən, Quççidən, Şaneldən, Trüsardidən, - ki, mənim ən gözəl bəzəyim, ən gözəl ətrim olacaq... Cəfər Abbasovun yazdıqları milli adət-ənənələrdən, əxlaqdan, etikadan, qəhrəman oğul və qızlarından? Məgər dünyanın ən gözəl brendi əynimizin şəhid oğulları, ləyaqətli qızları deyilmi... Cəfər Abbasovun şərəfindən söz açdıqları!?

Pafos deyil... pafos bilirsiniz, çünki siz rusun, estonun, latışın, qırğızın, ukrainin, belarusun içində hər gün olmamısınız rəsmi səviyyədə, biləsiniz ki, paltarlar və ətirlər cazibədarlığını itirir, əgər sən hər gün onları azərbaycanlı olmağınla heyrətləndirmirsən!
Amma Cəfər Abbasov hər gün heyrətləndirib!

Necə?

Sizə maraqlı bir fakt deyim: "türmə ixtiraları" var. Mən də jurnallist olaraq, buna şahid oldum. İndi neyləyim, çıxmışam deyə, onları yazım, yayıb faş eləyim? O ixtiraları faş eləmək, açıqlamaq bundan sonra yüz minlərlə dustağın əziyyət çəkməsi deməkdi, ta o günəcən ki, alternativ ixtira tapıldı.

Bax, siyasətdə də elədi. Mən Cəfər Abbasovun işlədiyi dövrdə vətənə xidmət adıyla minlərlə faktı yaza bilərəm, amma bu, sabah digər bir azərbaycanlının digər bir dövlətin strukturunda təşəkkül tapması üçün maneə ola bilər. Düzdür, bütün dövlətlərdə müttəfiq və rəqib dövlətlərin cəlb olunmuş agentura şəbəkəsi var, amma həm də həmişə nəzərə alırlar ki, hamı elə vəzifə üçün satılmır, onların içində milliliyini, vətənə bağlılığını heç vaxt itirməyən... Cəfər Abbasov da var! Özü də vətənə xidmət qəhrəmanlığı standart, trafaret və şablon şəkildə olmur - individual olan patriotluq diplomatik xidmətlər üçün həmişə başağrısı olub!

"Tak ışto"... deyirəmsə Cəfər Abbasov Vətənləşmiş Fərd olaraq Fəxarət Minbərində bizim adımıza "azan" oxuyub, həm səcdə edin, həm də elə işlədiyi Kremlin Qurultaylar Sarayına məxsus... gurultulu, sürəkli, ardı-arası kəsilməyən... alqışlar! Özü də ayaq üstə!

O, bizi ləyaqətlə təmsil etdiyi üçün bunu haqq edir! Yaşadaq ona alqışlarımızın-minnətdarlığımızın həzzini!

Lütfən...

AYDIN CANIYEV

p.s. Əsas məsələ odu ki, indi oxuyan hər kəs fikirləşir ki, jurnailistimə bax mənim, yazmayıb e harda doğulub, neçə yaşı var, elementar təqdimatı bacarmır...

Bəli, mənim əzizlərim, haqlısınız! Amma və lakin... fərqinə varın da, yazmışam axı: Vətənləşmiş Fərd!

Azərbaycandı e Cəfər Abbasov!

Azərbaycan yaşdadı e Cəfər Abbasov!

Axx, bizim bu "özəlləşdirmə" azarımız, axx, bizim bu məhəlli təfəkkürümüz, axx, bizim bu mənsubiyyət şəkilçimiz!!!

p.p.s. "Cəfər, ey nuri-didəm!", kart-blanş verərək... doğum yeri və təvəllüd tarixini yazmağı öz öhdənizə buraxıram!
Bəzən gərəkir ki, adamlar bilməli olsun: Dahilər həm də "O"radan da çıxa bilər..
.




Baxış: 131 | Bölmə: Sosial, slayd1
Fikirler
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Yazarlar
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru