Azərbaycanlı Azər Nəsibov “Qolos-deti” yarışmasında bütün münsifləri döndürdü VİDEO
“Onu dahi Müslüm Maqomayevlə eyni Vətən, eyni dil və ən əsası musiqiyə olan məhəbbət bağlayır- bu da hələ bütün gələcəyi qabaqda olan azərbaycanlı oğlan üçün az şey deyil. Azər Nəsibov öz milliyəti ilə o qədər fəxr edir ki, onu ictimai şəkildə bütün ölkəyə bidlirməkdən çəkinmədi. Və öz çıxışından sonra Vətəni haqqında necə böyük məhəbbətlə oxudu”. Bunları azərbaycanlı ifaçı haqqında Rusiyanın “Qolos-Deti” musiqi yarışmasının rəsmi saytı yazıb.
15 yaşlı azərbaycanlı iştirakçının səsinə Dima Bilan 15-ci saniyədə dönüb. O, Azər Nəsibovun qüsursuz ifasını və sözləri düzgün tələffüz etdiyini nəzərə çatdıraraq, onu gənc ifaçılara örnək göstərib.
Ailəsində 3 nəslin musiqi ilə heç bir əlaqəsi olmadığını deyən Azər Nəsibov isə Müslüm Maqomayevin onun idealı olduğunu söyləyib.
Azərin ifasına dönən digər münsiflər-Pelageya və Leonid Aqutin də onun səs tembrini, intonasiyanı düzgün saxlamasını, vokal texnikasını yüksək dəyərləndiriblər. Münsiflər soydaşımızdan doğma dilində mahnı oxumasını xahiş ediblər. Azər Müslüm Maqomayevin repertuarından “Azərbaycan” mahnısını səsləndirib.
3 münsifdən birini seçməli olan Azər Nəsibov, onların hər birini ayrı-ayrılıqda sevdiyini və dinlədiyini bildirib. Lakin Pelageyanın komandasında olmağı çox-çox istədiyini deyərək, onu seçib.
Tünzalə
/Yenises.ru/