Deputalığa namizəd İbrahim Xəlil Balayoğulları  vəd vermir-istəklərinizə körpü ola bilərəm -deyir- VİDEO
"Mənim varlığım bütün türk varlığına ərməğan olsun! ", "Mən türk dünyasında qardaşlarımın ayaqları altındakı körpüyəm, birləşmək üçün mənim üstümdən keçin"-deyir.



Medvedevin yeni vəzifəsi-Təhlükəsizlik şurasında  müavin
Bu gün Rusiya höküməti nazirlər kabinetinin tam tərkibdə istefa verdiyini alan edən Dmitri Medvedevə ölkə başçısı Təhlükəszilik Şurası sədrinin müavini vəzifəsini tutmağı və müdafiə və təhlükəsizlik mövzularını həll etməyi təklif edib. Prezident Vladimir Putin onu da izah edib ki, , yeni vəzifə üçün qanuna düzəlişlər etmək lazımdırsa, bu ediləcək.

Federasiya Şurası beynəlxalq komitəsi rəhbərinin birinci müavini Vladimir Cabarov RİA Novosti-yə bildirib ki, əslində Medvedevə vitse-prezident vəzifəsi təklif olunub. Senator "dövlət başçısının Təhlükəsizlik Şurasının sədri olduğunu nəzərə alaraq bunun ən yüksək vəzifə olduğunu"- deyib.

"Bu çox şərəfli və vacib bir təyinatdır". Cabarov onu da qeyd edib ki, Medvedev təcrübəli siyasətçidir və "özünün qazandığı böyük təcrübəsini yeni vəzifəsində tətbiq edə biləcək".

YENİSES.RU
Rusiyada nazirlər kabineti istefa etdi
Baş nazir Dmitri Medvedev prezident Vladimir Putinə bütün hökumətin istefa etdiyini bildirib.

Bu, dövlət başçısının Federal Məclisə müraciəti zamanı Konstitusiyaya bir sıra əsaslı dəyişikliklər olacağı açıqlamasından sonra baş verib. Medvedevə görə, bu islahatlar ölkədə güc balansını dəyişdirəcək.

"İcra, qanunverici və məhkəmə hakimiyyəti. Bu konterksdə biz hökumət olaraq, ölkə başçısına lazım olan bütün qərarlar qəbul etmək imkanı verməliyik"- deyə o, qeyd edib.

Buna cavab olaraq Putin hökumət üzvlərinə birlikdə çalışdıqlarına görə təşəkkür edib, lakin onu da vurğulayıb ki, "hər şey bitmədi". O, yaxın vaxtlarda nazirlərin hər biri ilə ayrı-ayrılıqda görüş keçirəcəyinə söz verib.

Prezident, həmçinin hökumətdən yeni tərkib formalaşana qədər vəzifəsini davam etdirməyi istəyib.

Prezidentin Dövlət Dumasındakı səlahiyyətli nümayəndəsi Harry Minh RİA Novosti-yə açıqlamasında əgər hökumətin istefası əvvəldən hazırlanmış bir prosesdirsə, o zaman yeni Nazirlər Kabinetinin formalaşdırılmasının uzun çəkməyəcəyini söyləyib.

"Unutmayın ki, prezident seçkiləri keçirildi - hökumət istefa verdi və əslində ertəsi gün yeni kabinet formalaşdı"-deyə xatırladıb.


YENİSES.RU



Bu gün Şırvan Kərimovun ad günüdür
Bu gün günlərdən o gün! Hardasa dünyanın kiçik bir guşəsində böyük bir insan doğulur, Ve... Ssenariləşmiş həyatlardan fərqli bir yol vardı qarşısında...Doğulduğu o kiçik yer bir gün əlçatmaz olacaq desəydilər...

Rəssam olsam Sizin portretinizi Göy Qurşağı olaraq çəkərdim. Ya da Səhər Şəfəqi, yox bəlkə də Üfüqdən boylanıb Aya əl edən Günəş. Ya da tablonu ağ buraxardım. Hər kəsə bir toxunmuşluğunuz var, qoy onlar çəksinler... Rəssam deyiləm. Amma sözlə tablonuzu çəkməkdə dilim kasıb deyil də, sadəcə Siz çox Varlıqlısınız! Nə yaxşı doğulmusunuz!

Fərqli doğulmaq alın yazısıdır. Amma Fərq yaratmaq fərdidir. Sizin dostunuz, bacınız olmaq xoşbəxtlikdir. Doğum gününüz mübarək olsun, Şirvan Kərimov!!!

Tünzalə Vəliqızı

VİDEO
Rusiyada qara çörək bahalanacaq
Aqrar sənaye sferasının mütəxəssisləri qara çörəyin bahlanacağı proqnozunu verirlər. Onları belə düşünməyə vadar edən ötən il covdar məhsulunun və ehtiyatının az olmasıdır. Bu haqda Yenises.ru RİA Novosti-yə istinadən xəbər verib.
Kiyev İranda  Boeing təyyarəsinin  bilərəkdən vurulduğu fikrindədir

İran 3 gün keçdikdən sonra Ukrayna təyyarəsnin səhvən raketlə vurulduğunu etiraf etdi. Ukrayna tərəfi isə bu qəzanın düşünülmüş olduğu qənaətindədir. Təyyarənin vurulması ilə bağlı açılmış İstintaq axtarış işinin də istiqaməti dəyişdirilidi.

Bu haqda Telegram kanalda yayımlanan mesajda bildirilir.


İran raketlə layneri səhvən vurduğunu etiraf etdikdən sonra Ukrayna Baş Prokurorluğu qəzanın araşdırılması ilə bağlı olan maddəni dəyişdirib.

Ukrayna Baş Prokurorluğu İrandan PS752 reysi ilə uçan təyyarənin qəzaya uğraması nəticəsində ölənlərin araşdırılması maddəsini dəyişdirib. . Bu barədə Ukraynanın nəzarət orqanının Telegram kanalında yayımlanan mesajda deyilir.

"İstintaq Cinayət Məcəlləsinin iki və ya daha çox insanın qəsdən öldürülməsinə və təyyarənin məhv edilməsinə görə məsuliyyəti nəzərdə tutan maddələrə əsasən davam etdiriləcək" deyə məlumat verilib.

Əvvəlcə, təyyarənin əqzaya uğraması faktı ilə Ukraynada "Hərəkətin təhlükəsizliyi qaydalarının pozulması və ya insanların ölümü ilə nəticələnən hava nəqliyyatının istismarı" maddəsi ilə cinayət işi açılmışdı

Xəbərdə, həmçinin, Ukrayna Təhlükəsizlik Xidmətinin Baş İstintaq İdarəsinin bu işi araşdıracağı bildirilib.


Yanvarın 11-də, laynerin qəzasından üç gün sonra, İran hakimiyyəti Ukrayna Beynəlxalq Hava Yollarına məxsus Boeing 737-nin səhvən raketlə vurulduğunu etiraf etdi. İslam İnqilabı Keşikçiləri Korpusunun Hərbi Kosmik Qüvvələrinin komandiri Əmir Əli Hacızadənin izah etdiyi kimi, hava hücumundan müdafiə sistemi operatoru Tehran hava limanından uçan təyyarəni qanadlı raketi kimi təsbit edib. Rabitə əlaqəsi kəsilməsi səbəbindən operator komandanlığa hesabat vermədən müstəqil olaraq laynerin vurulmasına qərar verib. İran prezidenti bunu "bağışlanmaz bir səhv" adlandırıb.


YENİSES.RU
Putin Liviyada rus muzdlularının ola biləcəyini dedi

Liviyadakı ÇVK Vagner-in muzdluları ilə bağlı sualı cavablandırıb. Vladimir Putin və Angela Merkelin Moskvadakı danışıqlardan sonra keçirdiyi birgə mətbuat konfransında Liviyada vətəndaş müharibəsi, hətta Vagnerin muzdluları məsələsi də qaldırıldı.

Rusiya Prezidenti Vladimir Putin Liviyada hərbi əməliyyatlarda iştirak edən rusların ola biləcəyini, lakin onların Rusiyanın maraqlarını təmsil etmədiklərini bildirib. Beləliklə, ijurnalistlərin dövlət başçısıı Liviyada ÇVK Vagnerin muzdlu muzdluların olduğunu təsdiqləyə bilərmi-sualına cavabını prezident belə cavablandırıb.

"Əgər (Liviyada - RBC) Rusiya vətəndaşı varsa, onlar Rusiya dövlətinin maraqlarını təmsil etmirlər" deyə Putin söyləyib. . Həniçinin onlar "Rusiya dövlətindən pul almırlar" deyə əlavə edib.


YENİSES.RU
CNN: Ukrayna təyyarəsi iki raketlə vurulub
ABŞ kəşfiyyatı yanvarın 8-də Tehran yaxınlığında qəzaya uğrayan Ukrayna təyyarəsinin bir yox, iki İranın hava hücumundan müdafiə raketi ilə vurulduğunu düşünür. Bu barədə CNN bu informasiyadan x'b'ri olan Amerika administrasiyasının işçilərinə istinadən məlumat verib.

ABŞ Konqressi Trampın İranla bağlı  hərbi səlahiyyətini məhdudlaşdırdı

Amerika Konqressi nümayəndələr palatası Trampın İran siyasətinə qarşı qqətnamə imzalayıb.

ABŞ Konqressi nümayəndələr palatası Amerika prezidenti Donald Trampın qanunvericilərin icazəsi olmadan İranla müharibə aparması ilə bağlı hərbi səlahiyyətlərini məhdudlaşıdran qətnaməni qəbul ediblər.

Yenises.ru-nun TASS agentliyinə istinadən verdiyi xəbərə görə sənədi 224 koqressmen dəstəkləyib, 194-ü isə əleyhinə çıxıb.

Qətnamə həmçinin ABŞ senatına göndərilib.

Bundan əvvəl Amerika Konqressi nümayəndələr palatasının spikeri Nensi Pelosi bəyan etdmişdi ki, konqressmenlər ABŞ vətəndaşlarını qoruma öhdəliyini yerinə yetirməlidirlər.

Xatırladaq ki, yanvarın 3-ü gecəsi Bağdad aeroportu yaxınlığında İram İslam İnqilabı Keşikçiləri korpusunun generalı Qasım Süleymani ABŞ -ın raketl hücumu nəticəsində öldürülmüşdü.

Yanvarın 8-də Tehran Süleymaninin qətlinə görə qisas əməliyyatı elan etmiş və İrakdakı iki Amerika bazasına raket zərbəsi endirmişdi.

YENİSES.RU


Qasım Süleymaninin qızı ABŞ-ı hədələdi
Öldürülən iranlı general Qasım Süleymaninin qızı Zeynab atasının dəfn mərasimində ABŞ və İsrailə bu qətlin sonucunun ağır olacağı xəbərdarlığını edib.

"Axmaq Trump, düşünmə ki, atamın ölümü ilə bağlı hər şey bitdi" -deyə Zeynəb bildirib.
Tanınmış vəkil Əziz Qəmbərovun namizədliyi qeydə alındı
2020-ci il fevral ayının 9-da Milli Məclisə növbədənkənar keçiriləcək seçkilərlə bağlı deputatlığa namizədlərin qeydiyyata alınması mərhələsi davam edir.

Əslən Kəlbəcərdən olan tanınmış vəkil Əziz Qənbərov 123 saylı Kəlbəcər Seçki Dairəsindən deputatlığa namizədliyini irəli sürüb. Əziz Qənbərovun namizədliyi Dairə Seçki Komissiyası tərəfindən təsdiqlənib. BU haqda vəkil özü məlumat verib. .

Qeyd edək ki, Əziz Qənbərov Azərbaycan Respublikası Vəkillər Kollegiyasının üzvüdür. O, həmçinin "Qarabağa Qayıdış" İctimai Birliyinin təsisçisidir.


Yenises.ru


Marşal Xəlifə Haftar Liviyada cihad və ümumi səfərbərlik elan etdi

Türkiyə parlamentinin Liviyaya hərbi qüvvə göndərilməsinə icazə verməsi barrikadanın o biri tərəfində olan Liviya Mlli Ordusunun komandiri, marşal Həlifə Haftardan cavab reaksiyası gəldi. Xəlifəni Liviyada qadınlar da daxil olmaqa, əli silah tutan hər kəsə silah veriləcəyini bildirdi. O, xarici qoşunlarla qarşıdurma və ümumi səfərbərlik və elan etdi.

Liviyalılara ünvanladığı videomüraciətdə hərbi lider ölkənin cihad elan etdiyini söylədi. RİA Novosti xəbər verir ki, silah hamıya - hərbi və mülki şəxslərə, kişilərə və qadınlara veriləcək.

Bundan əvvəl Tripoli hökuməti Liviyanın paytaxtına Xəlifə Haftar qüvvələrinin hücum edəcəyi təqdirdə Türkiyədən hərbi yardım istəmişdi. Söhbət hücumu dəf etmək üçün "hava, quru və dəniz" hərbi yardımdan gedir.

Xatırladaq ki, Türkiyə parlamenti yanvarın 2-də səs çoxluğu ilə Liviyaya türk hərbçiləri göndərməyə razılıq verib.

Yenises.ru
Türkiyə parlamenti Liviyaya hərbi qüvvə göndərməyə izn verdi

Liviyadan Türkiyəyə dəstək göndərilməsi lehinə 325, əleyhinə isə 184 millət vəkili səs verib. Birinci etapda türk hərbi mütəxəssisləri liviyalı döyüşçülərə təlim keçəcəklər. Əməliyyata qatılanların sayını prezident müəyyənləşdirəcək və bu məsələyə yanvar ayında baxacağı bildirilir.

Türkiyə parlamentariləri ordu qüvvələrinin Liviyaya göndərilməsini nəzərdə tutan qanun layihəsini təsdiqlədiyi barədə NTV kanalı məlumat yayıb.

Səsvermədə iştirak edən 509 deputatdan 184-ü qanun layuhəsinin əleyhinə, 325-i isə lehinə səs verib.. Birinci mərhələdə Liviya döyüşçülərini yetişdirmək üçün hərbi mütəxəssislərin göndərilməsindən söhbət gedir. Qanun layihəsində türk ordusunun Liviyaya bir illik göndəriləcəyi nəzərdə tutulur. Əməliyyata qatılanların sayını prezident təyin edəcək.

Yenises.ru
Araz Ağalarov  rus təqaüdçülərinin yoxsulluğuna işarə etdi
Rus və azərbaycanlı iş adamı, "Crocus Group" un prezidenti və sahibi Araz Ağalarov rusların aşağı pensiya və maaş aldıqlarını söylədi. Onun sözlərinə görə, buna görə ölkədə ÜDM (Ümumi daxili məhsul) artmayacaq.

Əhalinin gəlirləri indi çox aşağıdır və əhalinin gəlirlərinin artması olmadan ÜDM-in artması mümkün deyil. Forbes milyarderə istinadən bildirir ki, bu gün ölkədə orta pensiya 200 dollar civarındadır, bəzilərininki daha azdır, orta əmək haqqı da aşağıdır.

Ağalarov onu da qeyd edib ki, ölkədə istehsal çiçəklənə bilməz, çünki insanların istehsal olunan mallar və xidmətlər almaq üçün pulları yoxdur. O, onu da əlavə edib ki, vergilər çox yüksəkdir və azaldılmalıdır.

Yeтises.ru
Hollandiya Niderland oldu- I Pyotr səhvən Hollandiya dediyi üçünmü?
I Pyotrun səhvən Hollandiya adlandırdığı ölkə Niderland olaraq rəsmiləşdirildi. Adın dəyişdirilməsinin tarixi səhvin düzəldilməsi yönündən edilməsi versiyalardan biridir, amma əsası deyil...
İbrahim Xəlil Balayoğulları 114 saylı Şəki seçki dairəsindən deputatlığa namzidəliyini irəli sürüb - VİDEO

“Varlığım millətimə, Türk birliyinə ərməğan olsun!”

Türk dünyasının tanınmış ziyalısı, tarixçi alim, hüquqşünas İbrahim Xəlil Balayoğulları 9 fevral 2020-ci il tarixində keçiriləcək Azərbaycan Milli Məclsinin növbədənkənar seçkilərində iştirakına qərar verməsi haqqında facebook səhifəsində paylaşdığı xəbəri bu sözlərlə bitir.
Keçmiş Moskva meri Yuri Lujkov vəfat edib
RİA Novostinin verdiyi məlumata görə keçmiş Moskva meri Yuri Lujkov ömrünün 84-cü ilində vəfat edib.

Bu məlumatı Sergey Sobyanin bu informasiyanı təsdiqləyib. “Mən çox təəssüf edirəm ki, postsovet dövründə Moskvaya rəhbərlik edən və paytaxtmız üçün çöx işlər görən enerjili, həyat dolu bir adam itidirk. Doğmalraına və yaxınlaırna başsağlığı verirəm”-deyə özünün twitter səhifəsində yazıb.

Y
Яшар Сулейманлы--МЕДОВЫЙ МЕСЯЦ
Опустошив бутылку до последней капли, он, прищурившись, долго смотрел на пустую бутылку, и бросил её в море, волны которого нежно ласкали ему ноги.
Стояла поздняя ночь, и отражение луны окутало всё вокруг странным, желтоватым светом. На фоне этого света его тень создавала ощущение какого-то невиданного явления. Глядя со стороны, невозможно было бы распознать в его силуэте человека или животного.
Tarix : 23-01-2014, 20:37
ANANIN DA BORCU VAR!
Əsgər gedə bilsin deyə, oğlunun gözlərini əməliyyat etdirən vətənpərvər qadın - dəyərli türk şairəsi Hasibə Kayanın 60-cı doğum gününə!

Ötən ilin sonlarında, daha dəqiq desəm, 2013-cü il dekabr ayının 11-də mən və Balkan Aydınları və Yazarlar Birliyi başqanı Osman Baymak Çanaqqala 18 mart universitetində keçirilən “Azərbaycandan Kosovaya. Türkiyə dışında çağdaş türk ədəbiyyatları” konfransına dəvət almışdıq.

Universitetin Türk dili və ədəbiyyatı fakültəsi tərəfindən təşkil olunmuş konfrans, Rektör Yardımcısı Prof. Dr. Ramazan Gülendamın, Prof. Dr. Məmməd İsmayılın, universitetin müəllim və tələbələrinin, eləcə də dəvətli qonaqların iştirakı ilə Troia Mədəniyyət Mərkəzində keçirildi.

Həmin vaxtlar, Çanaqqalada həm də V Beynəlxalq Şeir Axşamları və Beynəlxalq kitab yarmarkası təşkil olunmuşdu. Yarmarkada, istedadlı şair, yazıçı Mustafa Berçinin rəhbərlik etdiyi Akademi Şiir Ailəsi tərəfindən mənim Türkiyədə nəfis şəkildə çap edilmiş “Dostlarım bana da bahar göndərin” adlı kitabımın imza günü də planlaşdırılmışdı. Bütün bunlarla bərabər, önəmli olanı o idi ki, bir həftə davam edəcək ezamiyyətim ərzində köhnə əziz dostlarımla görüşəcək, ədəbi söhbətlər edəcək və ikinci Bakım dediyim gözəlim Çanaqqalanın füsunkarlığından bir daha həzz alacaqdım. Amma sən demə qarşıda məni daha gözəl hadisələr də gözləyirmiş...

Ümumiyyətlə, qarşıma çıxardığı sədaqətli və dürüst dostlara görə, hər zaman bəxtimdən razı qalmışam. Məncə, sağlam əqidəli, sadə və ziyalı insanlarla əhatə olunmaqdan böyük səadət yoxdur.

Bu dəfə də tale məni dünyanın müxtəlif yerlərindən olan çox gözəl insanlara rast gətirəcək və aramızda illərin dostluğu qədər isti və səmimi münasibətlər yaranacaqdı. Azərbaycanda çoxsağlı dostları olan, Bakını və İstambulu dünyanın ən gözəl iki şəhəri adlandıran professor Harid Fədai (Kıbrıs), Türk dilinə ömrünün 40 ilini sərf etmiş Arslan Bayır (Antaliya), Azərbaycan sevdalısı aşıq Temel Turabi (Bursa), Türkiyənin tanınmış şairi İsmayıl Tıkıroğlu (İzmir), ilk mini kitabın müəllifi və yaradıcısı Ümit Yaşar İşıkhan, incə ruhlu iki şairə: Öznur Keçici Demirel, Hasibə Kaya da və başqaları

Bu dəfəki söhbətim də elə Hasibə Kaya haqda olacaq.
ANANIN DA BORCU VAR!

Hasibə Kaya - şair, müəllim, radio aparıcı
Türkiyə “Akademi Şeir ailəsinin üzvü.
1954-cü ildə Çanaqqalanın Çan şəhərində Asmalı deyilən qəsəbədə dünyaya gəlmişdir. Çan şəhərində orta məktəbi, sonra isə Edirnədə müəllimlik məktəbini bitirmişdir. 1972-ci ildən Çanakkalada orta məktəblərdə, ən son “Kepez Mehmet Akif Ersoy” adına ibtidai məktəbdə müəllimə işləmişdir. Bunlarla yanaşı, “Radyo Işıl Fm net” radiosunda aparıcı kimi çalışmışdır. Əbəbiyyatı və poeziyanı, oxuduğu orta məktəbin ədəbiyyat müəllimi - şair Erdal Sezginin sayəsində sevmişdir.
Həyatının mənası və dayağı hesab etdiyi iki oğlu və iki nəvəsi var. Çoxsaylı şeirlərin və hekayələrin müəllifidir.
Hazırda təqaüdçüdür.

İlk görüşümüzdən öz istiqanlılığı və təbiiliyi ilə məni valeh edən Hasibə xanım, həm gözəl şeirlər müəllifi, həm də gözəl nitq ustasıdır. Bənzərsiz səsi və şeir oxuma qabiliyyətinə görə uzun illər yerli radioda aparıcı kimi fəailyyət göstərmişdir. Müəllimliyi isə hər şeydən üstün bir sənət hesab etmişdir. “Türk balalarına ədəbiyyat sevgisini aşılamaq – onları kobudluqdan, yalandan və pis hərəkətlərdən qorumaq deməkdir” – deyən şairə, ömrünü sevimli işinə həsr etdiyi üçün özünü indi də çox xoşbəxt sanır.

Bu incə, sərif və gözəl xanımın daxili aləmi də xarici görünüşü ilə həmahəng idi. Altmış illik yubileyini qeyd edəcək Hasibə xanıma 45-dən artıq yaş vermək olmazdı. Gənclərə olan rəğbəti, yeniliyi sevmək və qavramaq bacarığı, dəbin damarını tutmaq istedadıyla məni heyrətdə qoyan bu şən və şaqraq gülüşlü insanın yanında, özümü ondan daha dolğun və təmkinli hiss edirdim.

Lakin, məni bu xanıma bağlayan və onunla iltifat qurmağıma səbəb yalnızca ədəbiyyata, şerə sevgisi deyil, həm də Vətən eşqilə döyünən böyük ürəyi idi...
Şeir axşamlarından birində (Lapseki, Çardaq) mən çıxış edərkən, Qarabağ uğrunda şəhid olmuş vətən övladlarımızı anaraq belə demişdim: “Kaş bizim də şəhid oğullarımızın ruhu Çanaqqala şəhidlərinin ruhu kimi rahat və hüzurlu olaydı. Çanaqqala şəhidlərinin uğrunda qurban getdikləri torpaqda indi onların övladları, Türk soyundan olan bacı-qardaşları gəzib dolaşır. Bizim şəhidlərin qanı hopmuş torpaqlar isə hələ də namərd düşmən tapdağı altında əzilməkdədir. Yalnızca insan qərib olmur, vətən torpaqları da – düşmən əlindədirsə - qəriblikdədir demək!”

Bu sözlər Hasibə xanımı kövrəltmişdi. Görüşdən sonra, məni qucaqlayaraq dedi:“Əzizim, Qarabağ təkcə Azərbaycanın deyil, Türkiyəninin də ürək yarasıdır. Neçə ki, Azərbaycanın göz yaşı qurumayıb biz də rahat uyuya bilmərik. Sizin qəlbiniz sızlayarkən, bizim də qəlbimiz rahatlıq tapmaz. İnanıram ki,bir gün mütləq işğal olunmuş torpaqlarınızı geri alacaqsınız!”

Hasibə xanımın sözləri bir öyüd və çağrış dəyərində idi. O qürurla danışır, mən isə onun dediklərini ruhuma çəkirdim: “Düzdür, analar müqəddəsdir, hamı öz həyata gəlişinə görə Anaya borcludur. Amma anaların da borcu var. Analar da oğulları qədər Vətənə borcludurlar. Böyütdükləri oğulların Vətəni nə qədər sevməsi, onu necə qoruması məsuliyyəti Anaların çiynindədir. Mənim bir oğlumun gözləri çox zəif idi, eynəklə belə yaxşı görmürdü. Əsgər getməməsi üçün kağız verəcəkdilər. Mənsə bilirsinizmi nə etdim? Maşınımı satdım, oğlumun gözlərini əməliyyat etdirdim və ona sağlam olması haqda arayış aldım. “Ya öləcək, ya dönəcək, amma Vətəni qorumağa gedəcək!” – dedim. Getdi, Türkiyənin boranlı-sazaqlı bir diyarında əsgərliyini çəkdi. Oraya Tunceli Hozat deyərlər, qışda 1-2 m qalınlığında qar yağar, şaxta qılınc kimi kəsər. Oğlumun əsgər olduğu müddətdə gecələri yatmadım, saatlarla Allaha dualar etdim. Amma əsil Türk qadını kimi bir şeyi düşünürdüm: “O vətənin əsgəridir!” Şükürlər olsun ki, sağ-salim qayıtdı...”

Belə qadınları, anaları olan vətən əlbəttə basılmaz olacaq. Bu məğrur Türk anası danışdıqca, düşünürdüm: “Bəs mənimçün Vətən nədir?
Vətən – mənim və şeirlərimin canıdır! Onun həsrətidir məni şair edən. Sevdiyim, bacardığım qədər hər kəsə sevdirməyə və tanıtmağa çalışdığım həsrət qarışıq sevdamdır o mənim...Vətən, onu sevən insan üçün, hər zaman gözəldir. İstər qoynunda yaşa, istərsə də uzaqda. İstər varlı ol, istər kasıb. İstər varlı olsun, istər kasıb.Vətən – Vətəndir!
Bəs Ana kimdir?
Ana o kəsdir ki, kiçik bir insan gətirir dünyaya və onu saxlamağı öhdəsinə götürür. Buna görə də ana – Yaradandır!
Heç bir mənfəət güdmədən bu vəzifəsini yerinə yetirmək üçün səy göstərir. Çəkdiyi əziyyətlərin qarşılığında heç nə istəmir. Övladını həmişə qoruyur və ona xeyir arzulayır. Buna görə də, ana - Mələkdir.
Analıq qadını gündən-günə ucaldan bir hissdir. Ananın səhvi nəslin və cəmiyyətin qüsuruna səbəb olur. Əksinə, onun öz vəzifəsinə düzgün riayət etməsi xeyrxah bir cəmiyyətin yaranmasına zəmin yaradır. O, insan böyüdür, xəstələnərkən sağaldır, oxudur, ədəb verir, tərbiyələndirir, əxlaq öyrədir. Buna görə də ana - Müəllim, Tərbiyəçi, həm də Həkimdir.

Ana olmaq o qədər məsuliyyətli bir işdir ki! O, başqalarını tərbiyə etməzdən əvvəl gərək özünü tərbiyə etsin, özü xoşbəxt olmasa da, övladını xoşbəxt etməyi bacarsın! Qadın hamiləlik dövründən ta uşaq dünyaya gələnədək, süd verdiyi dövrdən övladın süddən kəsildiyi dövrə qədər Allah yolunda cihad etmiş hesab olunur. Əgər bu müddətdə ölsə - Şəhiddir ana.
Bizim İbad Hüseynovları, Mübariz İbrahimovları, Ramil Səfərovları doğub böyüdən, südüylə birgə vətən eşqi əmizdirən, torpaq sevgili, kişi qeyrətli Analarımız var. Elə oğulları yalnız özünü Vətənə borclu bilən analar dünyaya gətirə bilər və belə anaların oğlu – igid olar, ər olar!
Ana borcu – Vətən borcu deməkdir. Və biz hamımız Vətənə borcluyuq, çünki ən böyük Ana – odur!

Bir Türk şairinin, anasının, qadının misalında beləcə müqəddəs anaları xatırlayası, düşünəsi oldum. Bu gəzişmələrimin səbəbkarı isə Hasibə Kaya idi.
...Ondan, illərin dostu kimi ayrıldıq... Öz əliylə toxuduğu yun hörgüləri mənə verib “Qoy bunlar səni qışın soyuğunda isitsin. Baharda görüşmək üzərə!” - deyərkən boynuma sarılan rəfiqəm göz yaşlarını gizləyə bilmədi. Mən də kövrəldim. Ayrılıq - heç zaman öyrəşə bilməyəcəyim bir şeydir... amma bahara nə qaldı ki..
Sözlərimi Hasibə Kayanın ana dilimizə uyğunlaşdırdığım şeirlərdən birilə bitirirəm.

AYRILIQ

O səni düşünmək ki var,
Səni düşünmək... uzun gecələri,
Qaranlıqlara sarılmaq,
Sən deyə qucaqlamaq kölgələri...

O səni gözləmək ki var,
Sabahlaradək yuxusuz gözləmək,
Ayaq səslərini, qapı qıcırtılarını
Min dəfə dinləyib, min dəfə ölmək...

O səni gizləmək ki var,
Quşlardan, çiçəklərdən belə qısqanmaq,
Sevərək, səni sevərək
Küləkdən, yağışdan bu eşqə sığınıb saxlanmaq...

O sənsiz darıxmaq ki var,
Tellərindən, dodaqlarından ötrü darıxmaq,
Yenə də əl-ələ bərabər olmaq,
Mavi gözlərinə doya-doya baxmaq...

...Və səndən ayrılmaq ki var,
Yenicə tapmışkən itirmək,
Çağırsam da duymaz olduğun zamanlar
Tənha günləri ard-arda ötürmək...
Bax, onlardır məni yaxan, yıxan və solduran.
Sevgi bitdiyində,
Yalnızca Ayrılıqla baş-başa qalır insan...



14.01.14.
Moskva





Baxış: 1279 | Bölmə: Yazarlar, Afaq Şıxlı
Fikirler
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru