Paşinyan Putinə Azərbaycanla sülh müqaviləsinin başa çatdığını bildirib

Ermənistanın baş naziri Nikol Paşinyan Rusiya prezidenti Vladimir Putinlə telefon danışığında Azərbaycanla sülh müqaviləsi üzrə danışıqların başa çatmasından danışıb. RİA Novosti xəbər verir ki, bu barədə Ermənistan hökumətinin mətbuat xidməti məlumat yayıb.

Söhbət zamanı Paşinyan və Putin Ermənistan və Rusiya arasında regional və ikitərəfli münasibətləri də müzakirə ediblər.

Martın 13-də Azərbaycan və Ermənistan sülh müqaviləsinin mətni üzrə danışıqları başa çatdırıblar. Bunu XII Qlobal Bakı Forumunda Azərbaycanın xarici işlər naziri Ceyhun Bayramov deyib.

“Ermənistan sazişin razılaşdırılmamış son iki bəndi ilə bağlı Azərbaycan tərəfinin təkliflərini qəbul edib”, – Bayramov qeyd edib.

Diplomatın fikrincə, növbəti mərhələdə Ermənistan hələ də Azərbaycana qarşı ərazi iddialarını özündə əks etdirən konstitusiyaya dəyişiklik etməli olacaq.

Paşinyan bir qədər əvvəl bəyan etmişdi ki, İrəvan Avropa İttifaqı ilə münasibətləri dərinləşdirməyi hədəfləyir.

Yenises.ru