Antonov bildirib ki, ABŞ Rusiya viza mərkəzini bağlayır

Amerika administrasiyası Rusiya viza mərkəzinin ABŞ-dakı hər iki filialını bağlayır, həmçinin rus diplomatlarını ölkədə vergi ödəməmək imkanından məhrum edir. Bu barədə cümə günü Rusiyanın Vaşinqtondakı səfiri Anatoli Antonov məlumat verib.

“Hər gün bizə qarşı hücumlar edilir. Bu gün, cəmi bir saat əvvəl amerikalılar bizə viza mərkəzinin bağlandığı barədə bildiriş göndərdilər. İndi də Rusiya diplomatlarının və konsullarının çiyninə əlavə yük düşür. Və dərhal demək istəyirəm ki, biz işləməyə davam edəcəyik. Biz soydaşlarımızı tərk etməyəcəyik. Biz onlara lazımi hüquqi və konsulluq dəstəyi göstərmək üçün əlimizdən gələni edəcəyik. Bu gün amerikalılar rus diplomatlarına qarşı daha bir xırda, iyrənc hücum etdilər. Vergidən azad olma kartlarımızı əlimizdən aldılar. Bu kartlar istənilən ölkədə diplomatlara imtiyazlar verir, onlara yaşamağa və yerli xəzinəyə vergi ödəməyə imkan verir”, – deyə Antonov səfirliyin ərazisində keçirilən “Yaddaş şamı” anım tədbirinin sonunda jurnalistlərlə söhbətində vurğulayıb.