MM seçkiləri: Kimlər getdi, kimlər gəldi

Noyabrin 1-də Azərbaycan Milli Məclisinə V çağırış deputat seçkiləri keçirilib. Mərkəzi Seçki komissiyasının sədri Məzahir Pənahov 5547 seçki məntəqəsindən daxil olmuş yekun protokollarina əsasən seçkilərin nəticələrini elan edib.

IV çağırışda iqtidar partiyasının (YAP) 72 mandati olduğu halda, V çağrışda bu rəqəm 70 olub. Parlamentin keçən tərkibində iqtidar partiyasından başqa 9 müxtəlif adda partiya öz namizədləri ilə təmsil olunurdu.

Yeni tərkibdə millət vəkillərinin böyük əskəriyyəti iqtidar partiyasının (70 nəfər), 44 deputat bitərəf, qalan deputatlar isə 10 partiyanın nümayəndələridir.

V çağırış Milli Məclisə seçkilərdə Ümid partiyası və Ədalət partiyası mandat qazana bilməmiş, yeni tərkibdə Milli Dirçəliş Hərəkatı partiyası ( MDHP), Azərbaycan Demokrat Maarifçilik partiyası ( ADMP) və Vəhdət partiyasının (VP) nümayəndələri xalq təmsilçisi seçilmişlər.

Ümumiyyətlə, 37 seçki dairəsində dəyişiklik olub, 11 seçki dairəsinin deputatları əvvəlki çağırışın üzvü olmaqla sadəcə təmsil etdikləri seçki dairələrini dəyişmişlər.

26 seçki dairəsindən yeni deputat seçilib.

Seçki nəticəsində milli məclisin yeni tərkibi əvvəlkinə nisbətən 20 faiz, yaxud beşdə bir qədər dəyişmişdir.

37 saylı Nizami (Gəncə) birinci seçki dairəsi – Kərimzadə Pərvin Orxan qızı – 9 min 880 səs (62,4 faiz).

38 saylı Nizami (Gəncə) ikinci seçki dairəsi – Həmzəyev Naqif Ələşrəf oğlu – 11 min 103 səs (64,8 faiz).

11 saylı Qaradağ seçki dairəsi – Hüseynov Aydın Nəsir oğlu – 19 min 154 səs (74,4 faiz).

17 saylı Yasamal üçüncü seçki dairəsi – Həsənov Elşad Eldar oğlu – 11 min 287 səs (82,1 faiz).

19 saylı Nərimanov birinci seçki dairəsi – Məmmədov Hikmət Baba oğlu – 12 min 394 səs (51,9 faiz).

6 saylı Culfa–Babək seçki dairəsi – Həmzəyeva Ülviyyə Tapdıq qızı – 21 min 192 səs (79,3 faiz).

9 saylı Binəqədi ikinci seçki dairəsi – Qafarov Kəmaləddin Nəsrəddin oğlu – 13 min 206 səs (68,9 faiz).

55 saylı Xaçmaz şəhər seçki dairəsi – Səlimov Eldəniz Adil oğlu – 16 min 223 səs (66,5 faiz).

57 saylı Kürdəmir seçki dairəsi – Məmmədov Müslüm Mürsəl oğlu – 14 min 387 səs (62,4 faiz).

27 saylı Sabunçu ikinci seçki dairəsi – Cəbrayılova Dilarə Məmmədağa qızı – 15 min 711 səs (62,2 faiz).

35 saylı Xətai üçüncü seçki dairəsi – Əlizadə Araz Mübariz oğlu – 1817 səs (44,7 faiz).

41 saylı Sumqayıt birinci seçki dairəsi – Xəlilov Mirzəcan Mirzəmməd oğlu – 14 min 577 səs (66,2 faiz).

42 saylı Sumqayıt ikinci seçki dairəsi – Mirkişili Tahir Famil oğlu – 14 min 399 səs (68,4 faiz).

89 saylı Göyçay-Ağdaş seçki dairəsi – Nəsirov Elman Xudam oğlu – 13 min 125 səs (61,5 faiz).

91 saylı Ucar seçki dairəsi – Hüseynov Vüsal Əfqan oğlu – 14 min 797 səs (62,2 faiz).

99 saylı Şəmkir kənd seçki dairəsi – Əliyeva Sona Sakit qızı – 17 min 162 səs (72,8 faiz).

62 saylı Saatlı seçki dairəsi – Amaşov Əflatun Əhməd oğlu – 15 min 276 səs (64,5 faiz).

63 saylı Sabirabad birinci seçki dairəsi – Quliyev Elçin Bəybala oğlu – 13 min 256 səs (75,8 faiz).

77 saylı Astara seçki dairəsi – Mahmudov Rəşad Məmmədqulu oğlu – 14 min 246 səs (67,1 faiz).

87 saylı Ağsu-İsmayıllı seçki dairəsi – Kərimli Tahir Zayıdağa oğlu – 14 min 592 səs (66,3 faiz).

100 saylı Şəmkir-Daşkəsən seçki dairəsi – Bayramov Kamran Fərhad oğlu – 16 min 260 səs (72,7 faiz).

106 saylı Tovuz-Qazax-Ağstafa seçki dairəsi – Ağayeva Ülviyyə Cavanşir qızı – 16 min 86 səs (61,2 faiz).

107 saylı Qazax seçki dairəsi – Nəbizadə Kamran Telman oğlu – 13 min 651 səs (62,4 faiz).

109 saylı Balakən seçki dairəsi – Məhəməliyev Nəsib Məhəmməd oğlu – 16 min 972 səs (69,5 faiz).

110 saylı Zaqatala seçki dairəsi – Musayev Elşən Məmmədhənifə oğlu – 13 min 279 səs (52,5 faiz).

121 saylı Laçın seçki daiərsi Mahir Abbaszadə.

Material açıq mənbələrdəki məlumatlar əsasında hazirlanmışdır.

Yeni Səs analitika şöbəsi