Moskvada restoranlara, gecə klublarına qoyulan məhdudiyyət qaldırıldı
Bu barədə Moskva meri ergey Sobyanin facebbok səhifəsində məlumat verib.
Bununla yanaşı istirahət və əyləncə müəssisələri əvvəlki kimi sanitariya tələblərinə uyğun işləməlidirlər.
İaşə müəssisələri, gecə klubları, barlar, diskotekalar, karaoke və boulinq klubları, eləcə də istirahət və əyləncə sənayesindəki digər təşkilatlar üçün gecə işində (23: 00-dan 06: 00-dək) məhdudiyyətlər ləğv edilir.
“Eyni zamanda, bu müəssisələr ziyarətçilərin oturması və Rospotrebnadzor tərəfindən müəyyən edilmiş sanitar rejimə uyğunluq tələblərinə hələ də əməl etməlidir”- deyə Moskva meri bildirib.
Bundan əlavə, işçilərin ən azı yüzdə 30-nun məsafədən (distansiya) çalışma tələbi artıq məcburi deyil. O, tövsiyyə xarakterli ola bilər. Fevralın 6-na qədər Rusiyanın Təhsil və Elm Nazirliyi ilə razılaşdırılaraq, Moskva Hökumətinə tabe olan universitetlərdə təhsilin sonrakı formatı barədə qərar veriləcəkdir.
“Qalan məhdudiyyətlərin ləğvi vaxtı və mərhələləri daha sonra açıqlanacaq. Xahiş edirəm unutmayın ki, koronavirusa yoluxma ehtimalı azalsa da, hələ də mövcuddur. Mübarizə hələ bitməyib. Hələ də diqqətli olmalıyıq ”. Bunları da Sergey Sobyanin qeyd edib.
Bəzi məhdudiyyətlərin ləğvi barədə qərarlar epidemioloji vəziyyətin yaxşılaşması fonunda qəbul edilib. Son bir həftə ərzində yeni COVID-19 infeksiyası yoluxmanın sayı sayı gündə iki-üç mini keçməyib. Keçən ilin iyun ayının ortalarından bəri ilk dəfə koronavirus xəstəxanalarında yataqların yüzdə 50-dən çoxu boşdur.
Koronavirus infeksiyasına qarşı geniş miqyaslı aşılama davam edir. Poliklinikaların bazasında 100 aşılama məntəqəsi açılıb və populyar ictimai yerlərdə səyyar qruplar işləyir.
Yenises.ru
