Şahzadə Uilyam və Keyt Middltonun övladları olacaq
Kembric şahzadəsi Uilyam və xanımı Ketrin ilk övladlarının dünyaya gəlişini gözləyirlər. Britaniya kral sarayından bu xəbər rəsmi şəkildə təsdiq olunub. Kral sarayının nümayəndəsinin məlumatına görə Keyt huşunu itirdiyi üçün xəstəxanaya aparılıb və bir neçə gün orada qalacaq.
Kraliça II Yelizaveta və kral ailəsinin digər üzvləri bu xəbəri böyük sevinclə qarşılayıblar. Cütlüyü Twitter-dən Böyük Britaniyanın baş naziri Devid Kemeron təbrik edib. O, “Uilyam və Keyt yaxşı valideyn olacaqlar”- deyə yazıb. Uilyam və Ketrinin 30 yaşları var. Onlar 2011-ci ilin aprelində evləniblər.
/Yenises.ru/