Həştərxanda yaşayış binası uçub
Həştərxanda yaşayış binasının bir hissəsi uçub. Bu barədə Həştərxan vilayətinin qubernatoru İqor Babuşkin məlumat verib.
“Həştərxanda Privokzalnaya meydanında binanın bir hissəsi uçub. Operativ əməliyyat xidməti hadisə yerindədir. Mənim göstərişimlə operativ qərargah yaradılıb”, – İqor Babuşkin Telegram kanalında yazıb.
O əlavə edib ki, evin sakinləri üçün məktəblərin bazasında üç müvəqqəti yerləşdirmə mərkəzi təşkil edilib.
Həştərxanda dağılmış binanın iki mənzilinin sakinlərinin axtarışı davam edir, yaşlı qadının ölümü təsdiqlənib, – vilayət qubernatoru İqor Babuşkin bildirib.
“Qurbanlar haqqında ilkin məlumat. 77 saylı mənzilin sakini (1939-cu il təvəllüdlü) dünyasını dəyişib. 46 və 56 saylı mənzillərin sakinlərini axtarırıq”, – o, Telegram-da yazıb.
Qalan sakinlər təxliyyə edə bilib və ya uçqun zamanı evdə olmayıblar.
Xatırladaq ki, noyabrın 16-da saat 18:27-də (Moskva vaxtı ilə 17:27) Həştərxanın mərkəzində beşmərtəbəli yaşayış binasının üçüncü və dördüncü girişləri uçub. Uçulmazdan əvvəl divarda çat əmələ gəlib.
37-si uşaq olmaqla 213 nəfər binanı tərk edə bilib, üç məktəbdə onlar üçün müvəqqəti yerləşdirmə mərkəzləri yaradılıb. Hadisə yerində 176 nəfər və 39 texnika çalışır. Prokurorluq və İstintaq Komitəsi yoxlamalara başlayıb.
Binanın sakinləri “AiF-Həştərxan”a bildiriblər ki, onlar təxminən 10 il əvvəl girişin çökdüyünü görüblər, lakin idarəedici şirkət onların xəbərlərinə cavab verməyib.
Yenises.ru