ABŞ dövlət katibi və Türkiyənin xarici işlər naziri Ankarada görüşüb

ABŞ dövlət katibi Antoni Blinken bu gün, noyabrın 6-da gecə saatlarında Ankaraya səfər edib. O, Türkiyənin xarici işlər naziri Hakan Fidan ilə görüş keçirir, TRT Haber telekanalı xəbər verir.

Onların Qəzza zolağındakı vəziyyəti müzakirə edəcəyi gözlənilir. İki ölkə nümayəndələrinin görüşü təkbətək keçirilir, daha sonra nümayəndə heyətlərinin iştirakı ilə geniş tərkibdə görüş baş tutacaq.

İsrail və HƏMAS arasında müharibə oktyabrın 7-dən davam edir. İsrail 1,4 min ölü, Fələstin onların sayını 9,5 minə yaxın hesab edir.Türkiyə prezidenti Rəcəb Tayyib Ərdoğan İsrail hakimiyyətinin hərəkətlərini dəfələrlə tənqid edib. Türkiyə İsraildəki səfirini məsləhətləşmələr üçün geri çağırıb. Cənab Blinken əmindir ki, Qəzzada atəşkəs HƏMAS-a İsrailə hücumunu təkrarlamağa kömək edəcək.