Litva Rusiya və Belarusun Vahid Enerji Sistemindən ayrıldı

Litva BRELL vahid elektrik şəbəkəsindən ayrılma prosesini başa çatdırıb və fevralın 9-na planlaşdırılan Avropa Birliyi ilə sinxronizasiyaya qədər öz elektrik şəbəkələrinin təcrid olunmuş istismarına başlayıb.

TASS xəbər verir ki, Litva Sovet dövründən fəaliyyət göstərən və Belarus, Rusiya, Latviya və Estoniyanı birləşdirən BRELL vahid enerji sistemindən ayrılıb.

Litvanın elektrik şəbəkəsi operatoru Litqrid şirkətinin baş direktoru Rokas Masiulis milli radionun efirində prosesin uğurla başa çatdığını bildirib. Onun sözlərinə görə, hər şey Kalininqrada gedən sistemlərarası xətlərin bağlanması ilə başlayıb, bundan sonra Rusiya ilə rabitənin həyata keçirildiyi Belarusla xətlərə münasibətdə də oxşar tədbirlər görülüb.

Elektrik açarları yerli vaxtla saat 08:00 radələrində söndürülüb. Növbəti 24 saat ərzində elektrik şəbəkəsi təcrid olunmuş rejimdə işləyəcək. Problem olmasa, fevralın 9-da Avropa İttifaqı ilə sinxron rejimə keçmək planlaşdırılır.

Yenises.ru