Ərdoğan Putinlə “üz-üzə” görüşməyə ümid etdiyini söyləyib

Bu barədə Türkiyə tərəfi avqust ayında üzbəüz görüşün olacağı barədə vaxtaşırı məlumat verirdi. Lakin Rusiya tərəfi bunu hər dəfəsində ya təkzib edir, ya səssiz qalırdı.

Türkiyə prezidenti Rəcəb Tayyib Ərdoğan Rusiya lideri Vladimir Putinlə payızın əvvəlində “üz-üzə” görüşməyi gözlədiyini etiraf edib. Bu barədə RİA Novosti məlumat yayıb.

Ərdoğan sentyabrda Hindistanda G20-nin və Birləşmiş Ştatlarda BMT Baş Assambleyasının planlaşdırılan iclası ilə əlaqədar kifayət qədər gərgin vəziyyəti xatırladıb.

“Fürsət tapsaq, cənab Putinlə üz-üzə görüşüb danışacağıq”, – Türkiyə prezidenti vurğulayıb.

Avqustun 21-də Ankara Ərdoğanla Putinin görüşünün keçirilməsini çətin hesab edirdi. Mənbə etiraf edib ki, belə bir səfər üçün səbəb və şərtlər olarsa, Ərdoğan Rusiyaya gələcək. Türkiyə liderinin ofisi qeyd edib ki, iki prezidentin mümkün görüşü ilə bağlı hələlik konkret məlumat yoxdur.

Avqustun 19-da Türkiyə liderinin baş müşaviri Akif Çağatay Kılıç Putinin Türkiyəyə səfərinə hazırlıqların davam etdirildiyini açıqlayıb. Ankara Moskva ilə münasibətlərdə soyuqlaşmanın olmadığını açıqlayıb.

Bundan əvvəl Türkiyə Rusiya Federasiyasına quru yük gəmisinin yoxlanılmasının gərginliyə yol açacağı barədə xəbərdarlıq etmişdi.