Hollandiyanın “Wereldregio” qəzeti Vüqar Abbasovdan yazıb
Bu günlərdə Niderlandın həmiyerlimiz, Niderland Jurnalistlər Birliyinin üzvü Vüqar Abbasovla bağlı geniş yazı verilib. Yazıda Vüqarın qəzetlərə vaxtaşırı yazılar yazdığını, Niderlandı Azərbaycanda, Azərbaycanı isə Niderlandda tanıtmağa çalışdığı qeyd olunub. Həmyerlimiz bunun üçün dilin çox önəmli olduğunu önə çəkib. Müəllif həmyerlimizin yerli, Niderland dilini qısa müddət ərzində yüksək səviyyədə öyrəndiyini qeyd edib. Daha sonra müəllif Vüqarın Azərbaycana və Niderlanda olan sevgisindən söhbət açıb. Həmyerlimiz Niderland mətbuatını Azərbaycana qarşı ikili mövqe tutmaqda qınayıb. O, qeyd edib ki, nə üçün Azərbaycandan danışanda ancaq siyasi duruma, demokratiyaya diqqət verilir? Təbii ki, bütün bunların ölkəmdə qaydasında olmasını mən daha çox istəyirəm. Bəs nə üçün Azərbaycanın digər problemləri ilə bağlı söhbət açılmır? Axı mənim ölkəmin yetərincə digər problemləri var. Məhs bu problemləri önə çəkmək üçün bu günlərdə Azərbaycan Parlamentinin nümayəndısi Niderlanda, daha dəqiq desək Den Haaqa gəlmişdi. Bu qayda ilə onlar ölkələrini tanıtmağa və problemlərini bəlli etməyə çalışırlar. Daha sonra Abbasov Niderlanda fəaliyyət göstərən, gəlmələrə, müsəlmanlara, xüsusən Türklərə nifrəti ilə seçilən PVV partiyası və onun lideri, parlamentar Xert Vilders (Geert Wilders) barədə tənqidi fikirlər səsləndirib. Vüqar Abbasov eləcədə bir çox sahələrdə Niderlanddan öyrənməli çox şey olduğunu qeyd edib. Onun özünün də təəssübkeşi olduğu, Niderlandın ikinci böyük partiyası olan PvdA –nın (İşçi Partiyası) lideri Didrik Samsoma (Diedrik Samsom) yazdığı və tez bir zamanda aldığı cavabdan, bələdiyyələrin iş qaydasından və.s. misal gətiirib.
Yazıda eləcədə Azərbaycanın turizm imkanlarından, Azərbaycanda keçrilən beynəlxaq əhəmiyyətli tədbirlərdən (2011 Avrovizion) söhbət açılıb.
Yazının əsas mövzularından biri isə həmyerlimizin Niderlandda təşkilat yaratmaq və qəzet işinə başlamaq planlarından söhbət açılıb. Sonda isə: “mənim məqsədim Den Haaqa getməkdirsə, ora maşın, yaxud qatarla da gedə bilərəm. Bunlar vasitədir, məqsəd isə Den Haaqa getməkdir!”- deyə Vüqar qeyd edib.
P.S. Şəkildə solda Vüqar Abbasovun, sagda isə Millət vəkili Adil Əliyevin olduğu qeyd olunub.
Elnur Eltürk