SƏN DƏ Mİ, NİZAMİ?
Beləmi danışmışdıq Səninlə? Bu nə yır-yığış, bu nə əcələ? Səni gördükcə yaşamaq eşqimizin artdığını bilirdin deyə, bizə sitəm eləməyəmi hökm verdin? Sən bizim üzündən günəş şövqü çəkilməyən “Qaraca oğlan”ımız idin. Bilirsən, türk qardaşlarımız Bülənt Ecevitə belə ad qoymuşdular. Sənin o əsmər çöhrən heç vaxt bədbinlik yağdırmırdı.

"Həyatla savaşını " tatami üzərinə daşıyan güləşçi- Xanım- EKSKLÜZİV
Ən böyük azarkeşi anası, dəstəksizi isə dayısıdır!

Oğlanlara güləşən azərbaycanlı Xanım güləşçi bu gün çempiondur. Rusiyanı təmsilən adını Avropa çempionu siyahısına yazdırıb.

Dəfələrlə Dünya ikincisi, Avropa ikincisi, iki dəfə Rusiya birincisi, Rusiya kubokunun sahibi olub. Tatamidə onunla döyüşə çıxan qadın yarışmaçılar arasında qarşıdurma başlamadan oyunu tərk edənlər də olub.
Qəlbimizdə yaşayan Rasim Kərimli
[i]Sürət əsrində yaşayırıq. Və bu sürət bizi qovduğundandırmı, yoxsa bizmi təsəldiyimizdən, hər şeyin üçtündən qaçaraq keçirik. Bu mətbuata aiddir. Bir yazını, bir postu oxumadan ilk gözümüzlə həcmini müəyyənləşdirir və... Amma bütün bu qaçaqaç qovhaqovda heç bitməsini istəmədiyin, səni ozündə ovsunlayıb buraxmayan yazılar da var, yazarlar da.
Şair Yaşar Süleymanlı  Moskvada  “Anna Axmatova- 130 il” medalına layiq görülüb
Rusiyada yaşayan həmyerlimiz şair Yasar Sülyemanlı ədəbiyyat sahəsində göstərdiyi fəaliyyətinə görə Rusya Yazıçılar Birliyi tərəfindən “Anna Axmatova” medalına layiq görülüb. O, bu xəbəri özünün Facebook səhifəsindən paylaşıb.

Onu da qeyd edək ki, Anna Axmatovanın 130 illiyi şərəfinə 2019-cu il Rusiyada “Anna Axmatova ili” elan edilmişdi. "Anna Axmatova -130 il" medalı Rusiya Federasiyasının "İctimai birliklər haqqında" Federal Qanununun 24-cü maddəsinə uyğun olaraq təsis edilmiş və rus ədəbiyyatının inkişafına verdiyi töhfəyə görə verilən ictimai mükafat statusuna malikdir.

Medal Rusiya Yazıçılar Birliyi Rəyasət Heyətinin 31 yanvar 2020 –ci il tarixli qərarına əsasən "İlin yazıçısı" milli ədəbi mükafatı namizədlərinə verilir.
Mükafat 22 Mart Ümudünya Poeziya gününə həsr olunmuş Moskva Hökümətinin konsert salonunda keçiriləcək təntənəli mərasimdə təqdim ediləcək.

YENİSES.RU
AD GÜNÜN MÜBARƏK!
Bu gün 32 yaşın olur. On ildir Sənin rəşadətin dilimizin əzbəri, Mübariz adın qürur yerimizdi. Amma əfsuslar olsun ki, uğrunda Şəhid olduğun o dilbər güşələrə gedib çatmamışıq, qəddimizi dikəldə, şərəfsizlik ləkəsini silə bilməmişik. Sənin yüksəltdiyin ada, qalxdığın mərtəbəyə ucalmaq bu gün hər birimizin əlçatmaz arzusu olsa da artıq göz yaşı tökməyin, ağı deyib, nalə eləməyin vaxtı deyil. Səni özünə örnək seçən yüzlərlə, minlərlə gəncimiz, ahılımız var və Vətən onlar üçün sadəcə quru səs, söz deyil, Şərəf, Ləyaqət, Qəhrəmanlıq meydanıdır. Addımına, qarışına göz dikənə savaş meydanıdır. Əsirini xilas etmək, torpağını azad etmək üçün ölümə yox, şanlı qələbə döyüşünə getməyə hazır olan Mübarizlərin meydanıdır. O böyük ürəyinlə bizi anlamağa çalış. Yanına üzüağ gəlmək istəyirik. Ona qədər ölmək yoxdur! Sən Şəhid oldun ki, torpaqlar azad olsun! Qalanlar o arzunu çin eləməlidir. Ümidini itirmə! O gün uzaq deyil! Ruhun şad olsun!

Mübariz

19 avqust 2010-cu il Mübarək ramazan ayında Sənin xatirənə müraciət etmək, Ruhun qarşısında səcdə etmək, gücsüzlüyümüzü etiraf etmək, sağkən vətən uğrunda qurban verdiyin o əzəmətli və məsum bədənini belə mənfur düşmənin əlindən ala bilməməyimizin acısını yaşaya-yaşaya gündə min dəfə ölmək də bizim payımıza düşən qismətdir. Sən doğulanda Qarabağ yanırdı, hələ yanır. Sən doğulanda İbrahimovların sevincinə nankor düşmənlər zəhər qatmışdılar artıq. Sənin dünyaya gəlişin o ailə üçün qaranlıq quyuya düşən gün işığı oldu. Varlığınla, hər gün atdığın addımlarla, arşın kürəyinlə, dəmir biləyinlə ətrafını, həndəvərini, elini-obanı dirçəltdin. Kimin ağlına gəldi Sənə “Mübariz” adı vermək? Yoxsa kiməsə Sənin təyinatın vəhylə gəlmişdi? İyirmi iki yaşında adını milyon qat doğrultdun, Mübariz! Gündə ölə-ölə yüz il yaşamaqdansa, Mübariz kimi, kişi kimi, ər kimi, nər kimi ölməyi seçdin. Keşkə o vaxt bizim kimi qorxaqlardan bir-ikisi olaydı qarşında, dayandıraydı Səni, “a bala, tələsmə, hər şey düzələcək, səbr elə”, deyəydi. O yerdə o qorxaqlığın bir təsəllisi olardı: Sən sağ qalardın. Düzdür, onda Sən də Sən olmazdın, bizlərdən biri olardın. “Lazım gəlsə” düşüncəsini daşıyanın biri də artardı. Bilmirsən ki, hansı yaxşıdır. Üzünü belə görməmişdik, adını belə bilmirdik çoxumuz. Bağışla ki, öz qorxaq xislətimizlə Sənə və yaşıdlarına “cavansınız, Qarabağ dərdini başa düşməzsiniz” deyə ümidsiz baxdığımız dəqiqələr az olmamışdı. Sanki özümüz çox başa düşüb bir şey eləmişik! Səni başqa bir şəxsə bənzətməyə, oxşadığın başqa qəhrəmanı axtarmağa adamın vicdanı yol vermir. Sən heç kimə oxşamağa çalışmadın, çünki Sən bənzərsiz, taysız-bərabərsiz Mübariz idin. Qəhrəmanlıq salnaməsinə də öz şərəfli səhifəni yazdın. İndi sevib-sevilən vıxtındı. Neçə dilbər gözəlin gizli baxışları sığallamışdı enli kürəyini. Göndərilmiş və göndərilməmiş neçə məktublar ünvanlanmışdı Sənə. Neçə qız anası ananın bir təbəssümünə göz dikmişdi qohum olacaq deyə. Sən başqa dilbəri seçdin. Əzilən, inləyən, yad tapdağı altda qalan, təravətini itirməsə də ləyaqəti ayaqlara düşmüş dilbəri. Dağlarında atları vəhşiləşmiş, bulaqlarının gözü tutulmuş, İstisuyu “soyumuş”, zəngin yataqları oyulmuş, tikililəri sökülmüş, yollarına yeni uydurma “tarixi abidələr” qoyulmuş, bədəninə minalar, mərmilər xərçəng şişləri kimi döşənmiş obanı seçdin sevgin üçün. Görüşünə getdin, canını verdin. “Sən bu halda olduğun müddətdə mənə yaşamaq düşməz” dedin. Nə desəm hüzurunda aciz, zəif, solğun, bayağı, sönük, dadsız-duzsuz görünür. Sadəcə bu sözlərin arxasına gizlənirəm ki, cılızlığım, qərarsızlığım, cəsarətsizliyim görünməsin. Kimdən gizlənirəm ki? Baba Pünhan vardı, ruhu şad olsun, dözmədi Qarabağsızlığa, əbədiyyətə qovuşdu. Hikkəsindən əsir qıza müraciətlə yazmışdı ki, sən əsir düşdüyün gündən köçdüm Bakıya, bilmədim sən bilmisən. Başımızı dəvə quşu timsalı soxmuşuq quma, deyirik gizlənmişik. Çoxumuz heç gizlənməyi də fikirləşmir. Sənin ruhunu belə söhbətlərlə narahat etmək də kişilikdən deyil. Sən ki, şikayət eləmədin. Nəyi necə eləməyi hamımıza nümunə göstərdin. Sənin qovuşduğun dünyaya haqq dünyası deyirlər. Ateizm zəhəri ilə yaralanmış ağlımla bunun doğruluğuna şübhə eləmək keçir içimdən. İnamımız da iradəmiz kimi alayarımçıqdır. Sən vətəni bizə miras qoyub köçmüş əcdadlarımızın yanına üzüağ getdin. Nəmərd düşmən tənini, gül bədənini vermək istəməsə də. Bizsə oraya aparılası ağ üzümüz olmadığına görə ağ kəfən pulunu dünyanın minbir ölkəsində qazanırıq. İndi şəhid olanlardan üzr istəmək, onların ruhu qarşısında “günahkarlığı” etiraf etmək də bir cür dəb düşüb. Vətəni azad etmək vəzifəsini çox “optimallaşdırmışıq”, – ya məclislərdə oturub şərabın növbəti qədəhini azad olmuş Qarabağda içmək şərəfinə tostlar deyirik, ya da günü-gündən üzərinə təzə xal düşən genofondumuzun sağlam toxumlarını itirib ah-vay edirik. Amma bizim yerimizə bu Qarabağı kim azad edəcək sualını dilimizə belə gətirməyə cürət etmirik. Deyirəm, yazıram və əlim-ayağım titrəyir, bilirəm ki, Qarabağdakı erməninin kölgəsinə söz deməyə cəsarəti olmayanlar məni parçalamağa hazırdırlar... Olsun! Tofiqlərin, İsmətlərin, Ramillərin, Alıların, Kazımağaların, Mübarizlərin, torpağımızı Vətən etmiş yüzlərlə qeyrətli oğulların qanı ilə mayalanmış qədim Azərbaycan işğaldan qurtulacaq, təbii haqqı olan ləyaqətinə qovuşacaq! Müvəqqəti də olsa məğlub olmuş elin-obanın əyilmiş qəddi, Mübariz, Sizlərin sayənizdə düzələcək. Sənin xatirəni əbədiləşdirmək üçün Prezidentin fərmanından tutmuş, mübarək adını daşıyan gəmiyə, idmançılarımızın uğurlarına qədər atılan hər addım Sənin və torpaqlarımızın bütövlüyü uğrunda canlarından keçmiş hər bir azərbaycanlının ruhu qarşısında paklaşmağa doğru gedən yolu qısaldır.

Cəfər SADİQ, Moskva
Rusiya vətəndaşlıq  almaq prosedurunu asanlaşdırır
Çoxpaspotrlu sistemə keçilməsi astanadadır

Rusiya vətəndaşlığı almaq üçün artıq xarici ölkə vətəndaşlığından imtina etmək gərəkməyəcək. Rusiya vətəndaşlığına qəbul olunmaq proseduru çox sadələşdiriləcək.
Milyonların səsi olan Mirzə  Xəzər  vəfat etdi
Tanınmış jurnalist, publisist Mirzə Xəzər Münhendə dünyasını dəyişib. Bu haqda ilk xəbər "Azadlıq qəzeti" nin Facebook səhifəsində məlumat verilib.

1947-ci ildə Azərbaycanın Göyçay şəhərində doğulan Mirzə Kərim oğlu Mikayılov 1973-cü ildə Baki Dövlət Universitetinin hüquq fakültəsini bitirib.
Roskomnadzor "Facebook" və "Twitter" ə qarşı inzibati məhkəmə işi açıb
i, "Facebook" və "Twitter" şirkətlərini altı milyon rubla qədər cərimə gözləyir .

Roskomnadzor qeyd edir ki, "Facebook" və "Twitter" rusların şəxsi məlumatlarının Rusiya serverlərinə vaxtında ötürülməməsi barədə xəbər vermədiklərinə görə cərimə oluna bilərlər . Bu, "Şəxsi məlumatlar haqqında" qanunda nəzərdə tutulmuşdur. İdarə üç iş günü ərzində inzibati protokolu məhkəməyə göndərir. Sənəd Twitter nümayəndəsinin iştirakı ilə hazırlanmışdı, amma Facebook nümayəndəsi gəlmədi və sənədi imzalamadı. Protokolun bir nüsxəsi onlara göndəriləcək. Cəza olaraq, inzibati maddə birdən altı milyon rubla qədər cərimə nəzərdə tutur.

Daha əvvəl Roskomnadzorun rəhbəri Alexander Jarov şirkətlərə Rusiya istifadəçilərinin məlumatların lokallaşdırılması tələbinə cavab vermək üçün yanvarın 31-dək vaxt
verildiyi xəbərdarlığını etmişdi. Qurumdan onu da bildiriblər ki, digər bütün operatorlar bu tələbi yerinə yetiriblər. Hələ yazda Roskomnadzor Facebook və Twitter şirkətlərinin onların tələbini yerinə yetirməkdən imtina etdiyinə görə inzibati protokollar hazırlamışdı. Məhkəmə qərarı ilə şirkətlərin hər biri 3000 rubl cərimə olunmuşdu.

Rusiyada lokalizasiya tələblərini pozduğuna görə, LinkedIn sosial şəbəkəsi də bloklanıb.


YENİSES.RU
Kreml Surkovun istefası ilə bağlı xəbəri şaiyə hesab edir
Politoloq Aleksey Çesnakovun Vladislav Surkovun dövlət qulluğundan istefa etdiyi barədə verdiyi xəbəri RF prezidentinin mətbuat katibi Dmitri Peskov təkzib etdi.

Vladimir Putinin mətbuat katibi Dmitri Peskov prezident köməkçisi Vladislav Surkovun istefası barədə xəbərlərə cavab verib. Peskov TASS-a bildirib ki, Surkovun istefası barədə hər hansı bir qərar yoxdur. O, prezident köməkçisinin istefası haqda məlumatının olmadığını da vurğulayıb.
Putinin köməkçisi Surkov dövlət qulluğundan istefa verdi
Rusiya prezidentinin köməkçisi Vladimir Putinin köməkçisi Vladislav Surkov dövlət qulluğundan istefa edib. İnterfaks xəbər verir ki, bu barədə Siyasi şərait Mərkəzinin direktoru Aleksey Çesnakov açıqlama verib.

Çesnakov qeyd edib ki, bu qərar Ukrayna istiqamətində siyasi kursun dəyişməsi ilə əlaqədar verilib. Surkov bu addımın səbəbləri və gələcək planları barədə bir aydan sonra məlumat verəcəyini deyib.


"Növbəti ay ərzində o, meditasiya ilə məşğul olacaqdır", - Chesnakov öz Telegram kanalında bunları yazıb.

Yanvar ayında Vladislav Surkov Abxaziyadakı siyasi böhranı həll etmək üçün Suxumiyə gəlmişdi.

Vladislav Surkov 2013-cü ildən bəri Rusiya prezidentinin köməkçisidir. Abxaziya və Cənubi Osetiya ilə sosial-iqtisadi əməkdaşlıq, habelə Ukraynanın şərqindəki münaqişənin nizamlanması məsələlərinə nəzarət onun səlahiyyətində idi. Bundan əvvəl, 2011-ci ildən Rusiya hökuməti sədrinin müavini, 2012-ci ildən isə Rusiya hökuməti aparatının rəhbəri vəzifələrində çalışıb. 2004-2008-ci illərdə də prezidentin köməkçisi olub.

YENİSES.RU
Türkiyənin Elazığ bölgəsində güclü  zəlzələ baş verib
Elazığda zəlzələ nəticəsində ölənlərin sayı artır.

Türkiyə, dünən axşam saat 20.55 radələrində Elazığdan gələn zəlzələ xəbəriylə sarsıldı. Kandillidən veriən məlumatlarına görə Elazığda baş verən zələzələ 6.8 bal gücündə olub. Kilisdən Samsuna İraqdan Suriyaya qədər çox böyük bir bölgədə hiss edilən zəlzələ Elazığ və Malatyada dağıntılar yaradıb. İlkin xəbəbrlərdə zəlzələdə i 18 nəfər ölmüş, 555 nəfər yaralanmışdır. Zəlzələ sonrası yeraltı təkanlar 97 dəfə təkrar olunub. Təbii fəlakət bölgəsinə yollanan daxili işlər naziri Süleyman Soylu, Səhiyyə naziri Fahrettin Koca, Ətraf və şəhərsalma üzrə naziri Murat Kurum, Elazığdakı zəlzələdən sonra açıqlama veriblər.

Nazir Soylu, "İndiyə qədər Malatyada 5 və Elazığda 10 adam öldüyünü bildirib. O, Elazığda 30 vətəndaşın axtarış və xilasetmə işləri davam etdiyini də qeyd edib. Səhiyyə naziri Fahrettin Koca, "Ağır yaralılardan üçünün Malatyadan, ikisinin Elazığdan olduğunu deyib. . Ölü sayının artacağı da verilən xəbərlər sırasındadır.

Son məlumatlara görə Elazığda 2 nəfər infarktan , 13 nəfər isə zəlzələnin dağıntıları nəticəsində həyatını itirib. Malatyada isə ölü sayı 5 nəfərdir.

Yenises.ru

Deputalığa namizəd İbrahim Xəlil Balayoğulları  vəd vermir-istəklərinizə körpü ola bilərəm -deyir- VİDEO
"Mənim varlığım bütün türk varlığına ərməğan olsun! ", "Mən türk dünyasında qardaşlarımın ayaqları altındakı körpüyəm, birləşmək üçün mənim üstümdən keçin"-deyir.



Medvedevin yeni vəzifəsi-Təhlükəsizlik şurasında  müavin
Bu gün Rusiya höküməti nazirlər kabinetinin tam tərkibdə istefa verdiyini alan edən Dmitri Medvedevə ölkə başçısı Təhlükəszilik Şurası sədrinin müavini vəzifəsini tutmağı və müdafiə və təhlükəsizlik mövzularını həll etməyi təklif edib. Prezident Vladimir Putin onu da izah edib ki, , yeni vəzifə üçün qanuna düzəlişlər etmək lazımdırsa, bu ediləcək.

Federasiya Şurası beynəlxalq komitəsi rəhbərinin birinci müavini Vladimir Cabarov RİA Novosti-yə bildirib ki, əslində Medvedevə vitse-prezident vəzifəsi təklif olunub. Senator "dövlət başçısının Təhlükəsizlik Şurasının sədri olduğunu nəzərə alaraq bunun ən yüksək vəzifə olduğunu"- deyib.

"Bu çox şərəfli və vacib bir təyinatdır". Cabarov onu da qeyd edib ki, Medvedev təcrübəli siyasətçidir və "özünün qazandığı böyük təcrübəsini yeni vəzifəsində tətbiq edə biləcək".

YENİSES.RU
Rusiyada nazirlər kabineti istefa etdi
Baş nazir Dmitri Medvedev prezident Vladimir Putinə bütün hökumətin istefa etdiyini bildirib.

Bu, dövlət başçısının Federal Məclisə müraciəti zamanı Konstitusiyaya bir sıra əsaslı dəyişikliklər olacağı açıqlamasından sonra baş verib. Medvedevə görə, bu islahatlar ölkədə güc balansını dəyişdirəcək.

"İcra, qanunverici və məhkəmə hakimiyyəti. Bu konterksdə biz hökumət olaraq, ölkə başçısına lazım olan bütün qərarlar qəbul etmək imkanı verməliyik"- deyə o, qeyd edib.

Buna cavab olaraq Putin hökumət üzvlərinə birlikdə çalışdıqlarına görə təşəkkür edib, lakin onu da vurğulayıb ki, "hər şey bitmədi". O, yaxın vaxtlarda nazirlərin hər biri ilə ayrı-ayrılıqda görüş keçirəcəyinə söz verib.

Prezident, həmçinin hökumətdən yeni tərkib formalaşana qədər vəzifəsini davam etdirməyi istəyib.

Prezidentin Dövlət Dumasındakı səlahiyyətli nümayəndəsi Harry Minh RİA Novosti-yə açıqlamasında əgər hökumətin istefası əvvəldən hazırlanmış bir prosesdirsə, o zaman yeni Nazirlər Kabinetinin formalaşdırılmasının uzun çəkməyəcəyini söyləyib.

"Unutmayın ki, prezident seçkiləri keçirildi - hökumət istefa verdi və əslində ertəsi gün yeni kabinet formalaşdı"-deyə xatırladıb.


YENİSES.RU



Bu gün Şırvan Kərimovun ad günüdür
Bu gün günlərdən o gün! Hardasa dünyanın kiçik bir guşəsində böyük bir insan doğulur, Ve... Ssenariləşmiş həyatlardan fərqli bir yol vardı qarşısında...Doğulduğu o kiçik yer bir gün əlçatmaz olacaq desəydilər...

Rəssam olsam Sizin portretinizi Göy Qurşağı olaraq çəkərdim. Ya da Səhər Şəfəqi, yox bəlkə də Üfüqdən boylanıb Aya əl edən Günəş. Ya da tablonu ağ buraxardım. Hər kəsə bir toxunmuşluğunuz var, qoy onlar çəksinler... Rəssam deyiləm. Amma sözlə tablonuzu çəkməkdə dilim kasıb deyil də, sadəcə Siz çox Varlıqlısınız! Nə yaxşı doğulmusunuz!

Fərqli doğulmaq alın yazısıdır. Amma Fərq yaratmaq fərdidir. Sizin dostunuz, bacınız olmaq xoşbəxtlikdir. Doğum gününüz mübarək olsun, Şirvan Kərimov!!!

Tünzalə Vəliqızı

VİDEO
Rusiyada qara çörək bahalanacaq
Aqrar sənaye sferasının mütəxəssisləri qara çörəyin bahlanacağı proqnozunu verirlər. Onları belə düşünməyə vadar edən ötən il covdar məhsulunun və ehtiyatının az olmasıdır. Bu haqda Yenises.ru RİA Novosti-yə istinadən xəbər verib.
Kiyev İranda  Boeing təyyarəsinin  bilərəkdən vurulduğu fikrindədir

İran 3 gün keçdikdən sonra Ukrayna təyyarəsnin səhvən raketlə vurulduğunu etiraf etdi. Ukrayna tərəfi isə bu qəzanın düşünülmüş olduğu qənaətindədir. Təyyarənin vurulması ilə bağlı açılmış İstintaq axtarış işinin də istiqaməti dəyişdirilidi.

Bu haqda Telegram kanalda yayımlanan mesajda bildirilir.


İran raketlə layneri səhvən vurduğunu etiraf etdikdən sonra Ukrayna Baş Prokurorluğu qəzanın araşdırılması ilə bağlı olan maddəni dəyişdirib.

Ukrayna Baş Prokurorluğu İrandan PS752 reysi ilə uçan təyyarənin qəzaya uğraması nəticəsində ölənlərin araşdırılması maddəsini dəyişdirib. . Bu barədə Ukraynanın nəzarət orqanının Telegram kanalında yayımlanan mesajda deyilir.

"İstintaq Cinayət Məcəlləsinin iki və ya daha çox insanın qəsdən öldürülməsinə və təyyarənin məhv edilməsinə görə məsuliyyəti nəzərdə tutan maddələrə əsasən davam etdiriləcək" deyə məlumat verilib.

Əvvəlcə, təyyarənin əqzaya uğraması faktı ilə Ukraynada "Hərəkətin təhlükəsizliyi qaydalarının pozulması və ya insanların ölümü ilə nəticələnən hava nəqliyyatının istismarı" maddəsi ilə cinayət işi açılmışdı

Xəbərdə, həmçinin, Ukrayna Təhlükəsizlik Xidmətinin Baş İstintaq İdarəsinin bu işi araşdıracağı bildirilib.


Yanvarın 11-də, laynerin qəzasından üç gün sonra, İran hakimiyyəti Ukrayna Beynəlxalq Hava Yollarına məxsus Boeing 737-nin səhvən raketlə vurulduğunu etiraf etdi. İslam İnqilabı Keşikçiləri Korpusunun Hərbi Kosmik Qüvvələrinin komandiri Əmir Əli Hacızadənin izah etdiyi kimi, hava hücumundan müdafiə sistemi operatoru Tehran hava limanından uçan təyyarəni qanadlı raketi kimi təsbit edib. Rabitə əlaqəsi kəsilməsi səbəbindən operator komandanlığa hesabat vermədən müstəqil olaraq laynerin vurulmasına qərar verib. İran prezidenti bunu "bağışlanmaz bir səhv" adlandırıb.


YENİSES.RU
Putin Liviyada rus muzdlularının ola biləcəyini dedi

Liviyadakı ÇVK Vagner-in muzdluları ilə bağlı sualı cavablandırıb. Vladimir Putin və Angela Merkelin Moskvadakı danışıqlardan sonra keçirdiyi birgə mətbuat konfransında Liviyada vətəndaş müharibəsi, hətta Vagnerin muzdluları məsələsi də qaldırıldı.

Rusiya Prezidenti Vladimir Putin Liviyada hərbi əməliyyatlarda iştirak edən rusların ola biləcəyini, lakin onların Rusiyanın maraqlarını təmsil etmədiklərini bildirib. Beləliklə, ijurnalistlərin dövlət başçısıı Liviyada ÇVK Vagnerin muzdlu muzdluların olduğunu təsdiqləyə bilərmi-sualına cavabını prezident belə cavablandırıb.

"Əgər (Liviyada - RBC) Rusiya vətəndaşı varsa, onlar Rusiya dövlətinin maraqlarını təmsil etmirlər" deyə Putin söyləyib. . Həniçinin onlar "Rusiya dövlətindən pul almırlar" deyə əlavə edib.


YENİSES.RU
ASGA Rusiya nümayəndəliyindən Azərbaycanın Milli Qurtuluş gününə töhvə
[b]Xəbər verildiyi kimi bir çox Azərbaycan KİV-nin dəstəyiylə keçirilən “Azərbaycanın müstəqilliyinin qazanılması və möhkəmləndirilməsində Heydər Əliyevin rolu” müsabiqəsinə Moskvada yekun vurulacaq.

ASGA Rusiya nümayəndəliyinin təşəbbüsü və təşkilatşılığı ilə həyata keçirilən bu layihə haqqında təşkilatın sədri Toğrul Allahverdili Yenses.ru saytına danışdı.
Almaniyalı deputata Azərbaycan həqiqətləri ilə bağlı məlumat verilib
Steffen Claudio Lemme: “Azərbaycanın zəngin mədəniyyətə malikdir”

"Soyqırım Həqiqətlərinin Tanıdılması" İctimai Birliyinin təşəbbüsü və təşkilatçılığı ilə Azərbaycanda rəsmi səfərdə olan Almaniya Sosial-Demokrat Partiyasının nümayəndəsi, millət vəkili Steffen Claudio Lemme ölkəmizlə yaxından tanış olub.

Almaniyalı deputat öncə Fəxri Xiyabanda Heydər Əliyevin və görkəmli oftolmoloq Zərifə Əliyevanın məzarlarını, Şəhidlər Xiyabanını, Quba Soyqırımı Memorial Kompleksini ziyarət edib.

Soyqırım Həqiqətlərinin Tanıdılması İctimai Birliyinin sədri Ceyhun Ələkbərov qonağa Azərbaycanın milli mədəniyyəti, tarixi, milli musiqisi ilə bağlı məlumat verib. O, daha sonra ermənilərin Azərbaycana təcavüzü, xalqımıza qarşı törədilən qətliamlar, eləcə də Xocalı soyqırımı və digər Azərbaycan həqiqətləri barədə məlumatları alman millət vəkilinin diqqətinə çatdırıb. Təşkilat sədri Quba Memorial Kompleksində olan millət vəkilinə bu kütləvi məzarlığın ermənilərin xalqımıza qarşı törətdiyi qətliamın bariz nümunəsi olduğunu bildirib. C.Ələkbərov bütün bunlara rəğmən dünya ictimaiyyətinə erməni diasporu tərəfindən yanlış məlumatlar ötürülməsindən təəssüfləndiyini vurğulayıb.
Deputat ölkəmizdə olmasından məmnun olduğunu, tarixi bilgilərə görə, təşəkkürünü bildirib. Xüsusilə, Azərbaycan xalqının qonaqpərvər, istiqanlı və dost xalq olduğunu, belə səfərlərin iki xalq arasında dostluq bağlarının daha da güclənməsinə təsir etdiyini, Azərbaycanın zəngin mədəniyyətə malik olduğunu önə çəkib.

“Soyqırım Həqiqətlərinin Tanıdılması” İctimai Birliyinin sədri Ceyhun Ələkbərov bu kimi səfərlərin Almaniya-Azərbaycan münasibətlərinə öz müsbət töhfəsini verdiyini, Steffen Claudio Lemmenın Azərbaycanın yaxın dostlarından olduğunu qeyd edib.
Prezident Administrasiyasının (PA) İctimai-siyasi məsələlər şöbəsinin sektor müdiri, Yeni Azərbaycan Partiyası (YAP) Siyasi Şurasının üzvü Qafar Əliyev ölkəmizin tarixi həqiqətləri haqqında məlumat verərək, Qarabağ probleminin baş vermə səbəblərini diqqətinə çatdırıb.

Alman-Azərbaycan Gənclər Assosiyasiyasinin sədri, Almaniyada ölkəmizin tanıdılmasına çalışan gənclərdən olan Raksana Civişova bu kimi səfərlərin Azərbaycanın Almaniyada mövqeylərinin artmasına səbəb olduğunu və belə səfərləri müntəzəm olmasını arzulayaraq, qarşıda bir sıra layihələrin həyata keçiriləcəyini söyləyib.

Elnur Eltürk
AMİİF fondu «Hər evdə bayram»  xeyriyyə aksiyasına başladı
Azərbaycan mədəniyyətinin intibahı və inkişafı fondu “Səda” uşaqlara yardım xeyriyyə mərkəzi ilə birlikdə müqəddəs Qurban bayramının başlaması münasibətilə “Hər evdə bayram” xeyriyyə aksiyasına başladı.
Abbas Abbasov  “Güləşçilərin dostları klubu”na  başçılıq edib
AzərRos Ağsaqqallar Şurasının sədri, Rusiya xalqlar Assambleyası şurasının sədr müavini Abbas Abbasov güləş üzrə dünya çempionatı ərəfəsində FİLA-nın Daşkənddə keçirilən Konqresində rusiyalı nümayəndələrin təklifi ilə yaradılmış “Güləşçilərin dostları klubu”a rəhbərlik edib.

Medvedev  mağazalarda ərzaqların qiymətləri və çeşidlərinin moritorinqini özü aparacaqMedvedev magazaya girdi. "Alma Rusiyanın, üzüm Türkiyənin". Medvedev magazaya girdi. Alma Rusiyanın, üzüm Türkiyənin. "Türkiyədən olması kriminal deyil, lakin..." Yerli mal satılsın...mesajı
Rusiya baş nazirinin mətbuat xidmətinin rəhbəri Natalya Timakva bəyan edib ki, Dmitri Medvedev mütəmadi olaraq Rusiyanın mağzalarını gəzib, ərzaqların qiymətini və çeşidini yoxlayacaq. "Bu tipli gəzintilər əvvəlcədən planlaşdırılmış xarakter daşımayacaq və artıq mütəmadi olaraq keçiriləcək "-deyə Timakovanın sözlərinidən RİA Novosti sitat gətirib.
Polşalı avrodeputat rublun dövriyyədən çıxarılmasını təklif edir
Avropa paralmentinin sədri müavini Rışard Çarnetskiy rublu beynəlxalq malliyyə dövriyyəsindıən çıxarmağı təklif edir.

O, Polşanın baş naziri Donlad Tuskdan Rusiyaya qarşı iqtisadi sanksiyanı davam etdirməyi təklif edib. “Bura rublun dövriyyəsinin dayandırılması sanksiyası da daxildir. Bu startegiya Rusiyanın iqtisadi maraqlarına əsaslı zərbə vuracaq. Visa MasterCard Moskva bankı müştərilərinə xidməti dayandıran zaman onun təsirli effekti olmuşdu”-deyə R. Çarnetskiy Polşa Seymindəki mətbuat konfransında bunları söyləyib.

Putin Rusiya məmurlarının qocalıqlarına zəmanət  verdi
Sentyarbrın 1-dən məmurların və keçmiş yüksək rütbəli şəxslərin təqaüdü artacaq.

Bu artıma görə prezidentin aylıq təqaüdü 530 min rubl, baş nazir və iki palatanın spikerilərininki isə 320-430 min rubl olacaq, nazirlərinki isə 60-90 min rubl artımla hesablanacaq.

Bayrağı tərs tutan Fazil  Mustafaya  Moskva gənclərindən   sərt reaksiya
Millət vəkili Fazil Mustafanın 4 il əvvəl ABŞ-da Av evin qarşısında Azərbaycan bayrağını tərs tutaraq çəkdirdiyi səkil sosial şəbəkələrdə müzakirə mövzusu olub. Şəkildə bayrağı tərs tutan millət vəkilinin bu hərəkəti bir çoxları tərəfindən qınaq və kəsin tənqidlə qarşılanıb. Mətbuata açıqlamasında bunun bir tələskənliklə bağlı olduğunu söyləyən Fazil Mustafanın bu etirafı ona qarşı “hücumları” səngitmək yerinə daha da qızışdırıb.
Rusiyada  “McDonalds”ın  məmulatlarının qadağan ediləcəyi gözlənilir
Rusiya istehkakşıların hüququnu qoruma sferasına nəzarət xidməti (Rospotrebnadzor) McDonalds-ın bir neçə burgerinin istehsalının qadağan edilməsini tələb edir.
Abbas Abbasov Azərbaycan mətbuatında onunla bağlı   yazılanlara cavab verdi (Eksklüziv)
Son zamanlar Azərbaycan mətbuatının “arzuolunmaz adam” kimi qələmə verdiyi baş nazirin keçmiş birinci müavini, “AzərRos” Ağsaqqallar şurasının sədri Abbas Abbasovun bu dəfə də Rusiya Xalqları Assambleyasının toplantısında çıxışı mətbuatda tənqidlə qarşılanıb. Azərbaycanın aparıcı mətbu orqanları onu Rusiyanın yüksək tribunasından xalqları “SSRİ-nin yenidən bərpa olunmasına” çağırışda günahlandırır.
RF vətəndaşlarının şəxsi məlumatlarının  serverlə ötürülməsini qadağan edən qanun layihəsi hazırlanıb
Dövlət Dumasında Rusiya vətəndaşlarının şəxsi məlumatlarının serverlə ötürülməsini qadağan edən qanun layihəsi müzakirəyə çıxarılıb.

Aidiyyatı hüquqi şəxsləri vətəndaşların şəxsi məlumatını öklə ərazisində qorunmasına məcbur edən qanun qəbul edildikdən aviaşirkətlər elektron biletlərin sifarişi xidməti dayana bilər. Bu haqda ChronoPay elektron ödəmə şirkətinin baş direktoru Aleksey Kovırşin bəyan edib.


İyulun 1-dən Rusiyada  qüvvəyə minən qanunlara görə...
Bu gündən etibarən mənzil kommunal xidməti xərcləri 5 faiz artır. Regionlardaki hakimiyyət orqanları MKX tariflərini istədiklər kimi dəyişdirə bilməyəcəklər.

Bu il bütün ölkədə MKX ciddi ödəmə sisteminə keçirilr. Əsas dəyişiklik ondadır ki, yerli hakimiyyət orqanlarına kommunal xərclər üçün ən yüksək tarif həddi qoyulub, onlar atrıq bu həddi keçə bilməyəcəklər. Hər bir regiona görə xüsusi koffisent ayrilib. tarif sıçrayışı ən çox Yakutiya və Kamçatkada, ən aşağı ölçü isə Şimali Osetiya üçün qərarlaşdırılıb.
"Rosneft"in başçısı  şərəf və ləyaqətini müdafiə üçün mətbuatı məhkəməyə  verib
Adətən haqqında yazılanları sakitliklə qarşılayan "Rosneft" rəhbəri İqor Seçin "Forbes" jurnalı və "Komsomolskaya pravda" qəzetini məhkəməyə verib.

Moskva Savyelovski rayon məhkəməsinə şikayət edən neft maqnati Rusiyanın ən yüksəkgəlirli top meneceri olması haqqında "Forbes"in 12-ci nömrəsində gedən xəbərin təkzib olunmasını tələb edir. Jurnalın verdiyi xəbərdə 2012-ci ildə Seçinin 50 milyin dollar qazandığını qeyd edilib. Həmin xəbər "Komsomolskaya pravda" da yer alıb.
AzərRos-un növbəti konfransı: “Azərbaycan diasporu-möhkəmlənmə və birlik yolunda”
AzərRosun Moskva vilayəti dövlət evində keçirilən konfransında kimlər vardı, kimlər yoxdu? Bu soru iştirakçıllardan gəldi. Cavab isə...

Konfransın əsas mövsuzu ətrafında müzakirələrdə qaldırılan bu və ya digər məsələlər barədə elə konfransın içindən, amma bir az boyat...


AzərRosun 15 illik yubliye çərçivəsində start verilmiş ənənəvi konfranslar silsiləsindən olan növbətisi Moskva Vilayət Dövlət evində baş tutdu. Moskva vilayət sosial-rabitə baş idarəsi ilə birgə təşkil olunmuş, AzərRosun müxtəlif regionlarda olan şöbələrinin rəhbərləri ilə yanaşı, digər Azərbaycan və müxtəlif xalqların ictimai təşkilat nümayəndələrinin də iştirak etidyi konfransı adıçəkilən qurumun prezidenti Asif Məhərrəmov açdı. O, əvvəl iştirakçılara AzərRos Ağsaqqallar Şuarsının sədri Abbas Abbasovun salamlarını çatdırdı.
Xodorkovskinin  həbs həyatından bəhs edən  kitabı işıq üzü görüb
"YUKOS"-un sabiq başçısı, ömrünün 10 ilini həbsxanada keçirən Mixail Xodorkovski orada keçirdiyi həyatı haqqında kitab yazıb. "Həbsxana adamları" adlı toplu Almaniyanın Galiani nəşriyyatında çap olunub və artıq satışdadır. Lakin kitabı hələlik yalnız Almaniyda almaq olar.

SAMF Ağdam Çörək Muzeyinin yaradıcılarını bir araya gətirdi
Söz Azadlığını Müdafiə Fondunda (SAMF) Ağdam Çörək Muzeyinin fəaliyyətinin bərpası ilə əlaqədar muzeyin yaradıcıları ilə görüş keçirilmişdir. Əvvəlcə qonaqlara SAMF-da muzeyə həsr olunan sərgi barəsində məlumat verilmişdir.

Cümhuriyyət tariximizin ildönümü Moskvada təntənəli şəkildə qeyd edildi (FOTO)
Dünən Moskvada 28 May Azərbaycan Demokratik Respublikasının yaranması günü münasibətilə Azərbaycanın Rusiyadakı səfirliyi qəbul-ziyafət keçirdi. Azərbaycanın Cümhuriyyət tarixi bayramına həsr olunmuş tədbir Moskvanın möhtəşəm salonlarından biri olan “Avropa”da baş tutdu.
Moskva məktəblərində “Azərbaycan dili” dərsi  layihəsi
Moskvada Azərbaycan disporu ölkənin təbliği baxımından fəaliyyətini davam etdirir. Belə ki, Rusiyadakı Azərbaycan Mədəniyyətinin İntibah və İnkişaf Fondu Moskva orta məktəblərində “Azərbaycan günləri” təşkil edir.
-.
.
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Ən çox oxunanlar
Yazarlar
Sorğu
suali daxil et

cavab 1
cavab 2
cavab 3
cavab4

Müəllif hüquqları qorunur.
Yenises.ru-nun məlumatlarından istifadə etdikdə istinad mütləqdir.
Copyright 2012 yenises.ru. Powered by Dara ( DaDaSHoV)
Рейтинг@Mail.ru